Library·Mahābhārata (critical edition)·1·1.157
वैशंपायन उवाच वसत्सु तेषु प्रच्छन्नं पाण्डवेषु महात्मसु आजगामाथ तान् द्रष्टुं व्यासः सत्यवतीसुतः
vaiśaṃpāyana uvāca vasatsu teṣu pracchannaṃ pāṇḍaveṣu mahātmasu ājagāmātha tān draṣṭuṃ vyāsaḥ satyavatīsutaḥ
Sanskrit only: no published translation is held for this verse.
तम् आगतम् अभिप्रेक्ष्य प्रत्युद्गम्य परंतपाः प्रणिपत्याभिवाद्यैनं तस्थुः प्राञ्जलयस् तदा
tam āgatam abhiprekṣya pratyudgamya paraṃtapāḥ praṇipatyābhivādyainaṃ tasthuḥ prāñjalayas tadā
Sanskrit only: no published translation is held for this verse.
समनुज्ञाप्य तान् सर्वान् आसीनान् मुनिर् अब्रवीत् प्रसन्नः पूजितः पार्थैः प्रीतिपूर्वम् इदं वचः
samanujñāpya tān sarvān āsīnān munir abravīt prasannaḥ pūjitaḥ pārthaiḥ prītipūrvam idaṃ vacaḥ
Sanskrit only: no published translation is held for this verse.
अपि धर्मेण वर्तध्वं शास्त्रेण च परंतपाः अपि विप्रेषु वः पूजा पूजार्हेषु न हीयते
api dharmeṇa vartadhvaṃ śāstreṇa ca paraṃtapāḥ api vipreṣu vaḥ pūjā pūjārheṣu na hīyate
Sanskrit only: no published translation is held for this verse.
अथ धर्मार्थवद् वाक्यम् उक्त्वा स भगवान् ऋषिः विचित्राश् च कथास् तास् ताः पुनर् एवेदम् अब्रवीत्
atha dharmārthavad vākyam uktvā sa bhagavān ṛṣiḥ vicitrāś ca kathās tās tāḥ punar evedam abravīt
Sanskrit only: no published translation is held for this verse.
आसीत् तपोवने का चिद् ऋषेः कन्या महात्मनः विलग्नमध्या सुश्रोणी सुभ्रूः सर्वगुणान्विता
āsīt tapovane kā cid ṛṣeḥ kanyā mahātmanaḥ vilagnamadhyā suśroṇī subhrūḥ sarvaguṇānvitā
Sanskrit only: no published translation is held for this verse.
कर्मभिः स्वकृतैः सा तु दुर्भगा समपद्यत नाध्यगच्छत् पतिं सा तु कन्या रूपवती सती
karmabhiḥ svakṛtaiḥ sā tu durbhagā samapadyata nādhyagacchat patiṃ sā tu kanyā rūpavatī satī
Sanskrit only: no published translation is held for this verse.
तपस् तप्तुम् अथारेभे पत्यर्थम् असुखा ततः तोषयाम् आस तपसा सा किलोग्रेण शंकरम्
tapas taptum athārebhe patyartham asukhā tataḥ toṣayām āsa tapasā sā kilogreṇa śaṃkaram
Sanskrit only: no published translation is held for this verse.
तस्याः स भगवांस् तुष्टस् ताम् उवाच तपस्विनीम् वरं वरय भद्रं ते वरदो ऽस्मीति भामिनि
tasyāḥ sa bhagavāṃs tuṣṭas tām uvāca tapasvinīm varaṃ varaya bhadraṃ te varado 'smīti bhāmini
Sanskrit only: no published translation is held for this verse.
अथेश्वरम् उवाचेदम् आत्मनः सा वचो हितम् पतिं सर्वगुणोपेतम् इच्छामीति पुनः पुनः
atheśvaram uvācedam ātmanaḥ sā vaco hitam patiṃ sarvaguṇopetam icchāmīti punaḥ punaḥ
Sanskrit only: no published translation is held for this verse.
ताम् अथ प्रत्युवाचेदम् ईशानो वदतां वरः पञ्च ते पतयो भद्रे भविष्यन्तीति शंकरः
tām atha pratyuvācedam īśāno vadatāṃ varaḥ pañca te patayo bhadre bhaviṣyantīti śaṃkaraḥ
Sanskrit only: no published translation is held for this verse.
प्रतिब्रुवन्तीम् एकं मे पतिं देहीति शंकरम् पुनर् एवाब्रवीद् देव इदं वचनम् उत्तमम्
pratibruvantīm ekaṃ me patiṃ dehīti śaṃkaram punar evābravīd deva idaṃ vacanam uttamam
Sanskrit only: no published translation is held for this verse.
पञ्चकृत्वस् त्वया उक्तः पतिं देहीत्य् अहं पुनः देहम् अन्यं गतायास् ते यथोक्तं तद् भविष्यति
pañcakṛtvas tvayā uktaḥ patiṃ dehīty ahaṃ punaḥ deham anyaṃ gatāyās te yathoktaṃ tad bhaviṣyati
Sanskrit only: no published translation is held for this verse.
द्रुपदस्य कुले जाता कन्या सा देवरूपिणी निर्दिष्टा भवतां पत्नी कृष्णा पार्षत्य् अनिन्दिता
drupadasya kule jātā kanyā sā devarūpiṇī nirdiṣṭā bhavatāṃ patnī kṛṣṇā pārṣaty aninditā
Sanskrit only: no published translation is held for this verse.
पाञ्चालनगरं तस्मात् प्रविशध्वं महाबलाः सुखिनस् ताम् अनुप्राप्य भविष्यथ न संशयः
pāñcālanagaraṃ tasmāt praviśadhvaṃ mahābalāḥ sukhinas tām anuprāpya bhaviṣyatha na saṃśayaḥ
Sanskrit only: no published translation is held for this verse.
एवम् उक्त्वा महाभागः पाण्डवानां पितामहः पार्थान् आमन्त्र्य कुन्तीं च प्रातिष्ठत महातपाः
evam uktvā mahābhāgaḥ pāṇḍavānāṃ pitāmahaḥ pārthān āmantrya kuntīṃ ca prātiṣṭhata mahātapāḥ
Sanskrit only: no published translation is held for this verse.