Library·Mahābhārata (critical edition)·1·1.164
वैशंपायन उवाच स गन्धर्ववचः श्रुत्वा तत् तदा भरतर्षभ अर्जुनः परया प्रीत्या पूर्णचन्द्र इवाबभौ
vaiśaṃpāyana uvāca sa gandharvavacaḥ śrutvā tat tadā bharatarṣabha arjunaḥ parayā prītyā pūrṇacandra ivābabhau
Sanskrit only: no published translation is held for this verse.
उवाच च महेष्वासो गन्धर्वं कुरुसत्तमः जातकौतूहलो ऽतीव वसिष्ठस्य तपोबलात्
uvāca ca maheṣvāso gandharvaṃ kurusattamaḥ jātakautūhalo 'tīva vasiṣṭhasya tapobalāt
Sanskrit only: no published translation is held for this verse.
वसिष्ठ इति यस्यैतद् ऋषेर् नाम त्वयेरितम् एतद् इच्छाम्य् अहं श्रोतुं यथावत् तद् वदस्व मे
vasiṣṭha iti yasyaitad ṛṣer nāma tvayeritam etad icchāmy ahaṃ śrotuṃ yathāvat tad vadasva me
Sanskrit only: no published translation is held for this verse.
य एष गन्धर्वपते पूर्वेषां नः पुरोहितः आसीद् एतन् ममाचक्ष्व क एष भगवान् ऋषिः
ya eṣa gandharvapate pūrveṣāṃ naḥ purohitaḥ āsīd etan mamācakṣva ka eṣa bhagavān ṛṣiḥ
Sanskrit only: no published translation is held for this verse.
गन्धर्व उवाच तपसा निर्जितौ शश्वद् अजेयाव् अमरैर् अपि कामक्रोधाव् उभौ यस्य चरणौ संववाहतुः
gandharva uvāca tapasā nirjitau śaśvad ajeyāv amarair api kāmakrodhāv ubhau yasya caraṇau saṃvavāhatuḥ
Sanskrit only: no published translation is held for this verse.
यस् तु नोच्छेदनं चक्रे कुशिकानाम् उदारधीः विश्वामित्रापराधेन धारयन् मन्युम् उत्तमम्
yas tu nocchedanaṃ cakre kuśikānām udāradhīḥ viśvāmitrāparādhena dhārayan manyum uttamam
Sanskrit only: no published translation is held for this verse.
पुत्रव्यसनसंतप्तः शक्तिमान् अपि यः प्रभुः विश्वामित्रविनाशाय न मेने कर्म दारुणम्
putravyasanasaṃtaptaḥ śaktimān api yaḥ prabhuḥ viśvāmitravināśāya na mene karma dāruṇam
Sanskrit only: no published translation is held for this verse.
मृतांश् च पुनर् आहर्तुं यः स पुत्रान् यमक्षयात् कृतान्तं नातिचक्राम वेलाम् इव महोदधिः
mṛtāṃś ca punar āhartuṃ yaḥ sa putrān yamakṣayāt kṛtāntaṃ nāticakrāma velām iva mahodadhiḥ
Sanskrit only: no published translation is held for this verse.
यं प्राप्य विजितात्मानं महात्मानं नराधिपाः इक्ष्वाकवो महीपाला लेभिरे पृथिवीम् इमाम्
yaṃ prāpya vijitātmānaṃ mahātmānaṃ narādhipāḥ ikṣvākavo mahīpālā lebhire pṛthivīm imām
Sanskrit only: no published translation is held for this verse.
पुरोहितवरं प्राप्य वसिष्ठम् ऋषिसत्तमम् ईजिरे क्रतुभिश् चापि नृपास् ते कुरुनन्दन
purohitavaraṃ prāpya vasiṣṭham ṛṣisattamam ījire kratubhiś cāpi nṛpās te kurunandana
Sanskrit only: no published translation is held for this verse.
स हि तान् याजयाम् आस सर्वान् नृपतिसत्तमान् ब्रह्मर्षिः पाण्डवश्रेष्ठ बृहस्पतिर् इवामरान्
sa hi tān yājayām āsa sarvān nṛpatisattamān brahmarṣiḥ pāṇḍavaśreṣṭha bṛhaspatir ivāmarān
Sanskrit only: no published translation is held for this verse.
तस्माद् धर्मप्रधानात्मा वेदधर्मविद् ईप्सितः ब्राह्मणो गुणवान् कश् चित् पुरोधाः प्रविमृश्यताम्
tasmād dharmapradhānātmā vedadharmavid īpsitaḥ brāhmaṇo guṇavān kaś cit purodhāḥ pravimṛśyatām
Sanskrit only: no published translation is held for this verse.
क्षत्रियेण हि जातेन पृथिवीं जेतुम् इच्छता पूर्वं पुरोहितः कार्यः पार्थ राज्याभिवृद्धये
kṣatriyeṇa hi jātena pṛthivīṃ jetum icchatā pūrvaṃ purohitaḥ kāryaḥ pārtha rājyābhivṛddhaye
Sanskrit only: no published translation is held for this verse.
महीं जिगीषता राज्ञा ब्रह्म कार्यं पुरःसरम् तस्मात् पुरोहितः कश् चिद् गुणवान् अस्तु वो द्विजः
mahīṃ jigīṣatā rājñā brahma kāryaṃ puraḥsaram tasmāt purohitaḥ kaś cid guṇavān astu vo dvijaḥ
Sanskrit only: no published translation is held for this verse.