Mahābhārata (critical edition) 1.172

गन्धर्व उवाच एवम् उक्तः स विप्रर्षिर् वसिष्ठेन महात्मना न्ययच्छद् आत्मनः कोपं सर्वलोकपराभवात्

gandharva uvāca evam uktaḥ sa viprarṣir vasiṣṭhena mahātmanā nyayacchad ātmanaḥ kopaṃ sarvalokaparābhavāt

Sanskrit only: no published translation is held for this verse.

ईजे च स महातेजाः सर्ववेदविदां वरः ऋषी राक्षससत्रेण शाक्तेयो ऽथ पराशरः

īje ca sa mahātejāḥ sarvavedavidāṃ varaḥ ṛṣī rākṣasasatreṇa śākteyo 'tha parāśaraḥ

Sanskrit only: no published translation is held for this verse.

ततो वृद्धांश् च बालांश् च राक्षसान् स महामुनिः ददाह वितते यज्ञे शक्तेर् वधम् अनुस्मरन्

tato vṛddhāṃś ca bālāṃś ca rākṣasān sa mahāmuniḥ dadāha vitate yajñe śakter vadham anusmaran

Sanskrit only: no published translation is held for this verse.

न हि तं वारयाम् आस वसिष्ठो रक्षसां वधात् द्वितीयाम् अस्य मा भाङ्क्षं प्रतिज्ञाम् इति निश्चयात्

na hi taṃ vārayām āsa vasiṣṭho rakṣasāṃ vadhāt dvitīyām asya mā bhāṅkṣaṃ pratijñām iti niścayāt

Sanskrit only: no published translation is held for this verse.

त्रयाणां पावकानां स सत्रे तस्मिन् महामुनिः आसीत् पुरस्ताद् दीप्तानां चतुर्थ इव पावकः

trayāṇāṃ pāvakānāṃ sa satre tasmin mahāmuniḥ āsīt purastād dīptānāṃ caturtha iva pāvakaḥ

Sanskrit only: no published translation is held for this verse.

तेन यज्ञेन शुभ्रेण हूयमानेन युक्तितः तद् विदीपितम् आकाशं सूर्येणेव घनात्यये

tena yajñena śubhreṇa hūyamānena yuktitaḥ tad vidīpitam ākāśaṃ sūryeṇeva ghanātyaye

Sanskrit only: no published translation is held for this verse.

तं वसिष्ठादयः सर्वे मुनयस् तत्र मेनिरे तेजसा दिवि दीप्यन्तं द्वितीयम् इव भास्करम्

taṃ vasiṣṭhādayaḥ sarve munayas tatra menire tejasā divi dīpyantaṃ dvitīyam iva bhāskaram

Sanskrit only: no published translation is held for this verse.

ततः परमदुष्प्रापम् अन्यैर् ऋषिर् उदारधीः समापिपयिषुः सत्रं तम् अत्रिः समुपागमत्

tataḥ paramaduṣprāpam anyair ṛṣir udāradhīḥ samāpipayiṣuḥ satraṃ tam atriḥ samupāgamat

Sanskrit only: no published translation is held for this verse.

तथा पुलस्त्यः पुलहः क्रतुश् चैव महाक्रतुम् उपाजग्मुर् अमित्रघ्न रक्षसां जीवितेप्सया

tathā pulastyaḥ pulahaḥ kratuś caiva mahākratum upājagmur amitraghna rakṣasāṃ jīvitepsayā

Sanskrit only: no published translation is held for this verse.

पुलस्त्यस् तु वधात् तेषां रक्षसां भरतर्षभ उवाचेदं वचः पार्थ पराशरम् अरिंदमम्

pulastyas tu vadhāt teṣāṃ rakṣasāṃ bharatarṣabha uvācedaṃ vacaḥ pārtha parāśaram ariṃdamam

Sanskrit only: no published translation is held for this verse.

कच्चित् तातापविघ्नं ते कच्चिन् नन्दसि पुत्रक अजानताम् अदोषाणां सर्वेषां रक्षसां वधात्

kaccit tātāpavighnaṃ te kaccin nandasi putraka ajānatām adoṣāṇāṃ sarveṣāṃ rakṣasāṃ vadhāt

Sanskrit only: no published translation is held for this verse.

प्रजोच्छेदम् इमं मह्यं सर्वं सोमपसत्तम अधर्मिष्ठं वरिष्ठः सन् कुरुषे त्वं पराशर राजा कल्माषपादश् च दिवम् आरोढुम् इच्छति

prajocchedam imaṃ mahyaṃ sarvaṃ somapasattama adharmiṣṭhaṃ variṣṭhaḥ san kuruṣe tvaṃ parāśara rājā kalmāṣapādaś ca divam āroḍhum icchati

Sanskrit only: no published translation is held for this verse.

ये च शक्त्यवराः पुत्रा वसिष्ठस्य महामुनेः ते च सर्वे मुदा युक्ता मोदन्ते सहिताः सुरैः सर्वम् एतद् वसिष्ठस्य विदितं वै महामुने

ye ca śaktyavarāḥ putrā vasiṣṭhasya mahāmuneḥ te ca sarve mudā yuktā modante sahitāḥ suraiḥ sarvam etad vasiṣṭhasya viditaṃ vai mahāmune

Sanskrit only: no published translation is held for this verse.

रक्षसां च समुच्छेद एष तात तपस्विनाम् निमित्तभूतस् त्वं चात्र क्रतौ वासिष्ठनन्दन स सत्रं मुञ्च भद्रं ते समाप्तम् इदम् अस्तु ते

rakṣasāṃ ca samuccheda eṣa tāta tapasvinām nimittabhūtas tvaṃ cātra kratau vāsiṣṭhanandana sa satraṃ muñca bhadraṃ te samāptam idam astu te

Sanskrit only: no published translation is held for this verse.

एवम् उक्तः पुलस्त्येन वसिष्ठेन च धीमता तदा समापयाम् आस सत्रं शाक्तिः पराशरः

evam uktaḥ pulastyena vasiṣṭhena ca dhīmatā tadā samāpayām āsa satraṃ śāktiḥ parāśaraḥ

Sanskrit only: no published translation is held for this verse.

सर्वराक्षससत्राय संभृतं पावकं मुनिः उत्तरे हिमवत्पार्श्वे उत्ससर्ज महावने

sarvarākṣasasatrāya saṃbhṛtaṃ pāvakaṃ muniḥ uttare himavatpārśve utsasarja mahāvane

Sanskrit only: no published translation is held for this verse.

स तत्राद्यापि रक्षांसि वृक्षान् अश्मान एव च भक्षयन् दृश्यते वह्निः सदा पर्वणि पर्वणि

sa tatrādyāpi rakṣāṃsi vṛkṣān aśmāna eva ca bhakṣayan dṛśyate vahniḥ sadā parvaṇi parvaṇi

Sanskrit only: no published translation is held for this verse.