Library·Mahābhārata (critical edition)·1·1.175
वैशंपायन उवाच ततस् ते नरशार्दूला भ्रातरः पञ्च पाण्डवाः प्रययुर् द्रौपदीं द्रष्टुं तं च देवमहोत्सवम्
vaiśaṃpāyana uvāca tatas te naraśārdūlā bhrātaraḥ pañca pāṇḍavāḥ prayayur draupadīṃ draṣṭuṃ taṃ ca devamahotsavam
Sanskrit only: no published translation is held for this verse.
ते प्रयाता नरव्याघ्रा मात्रा सह परंतपाः ब्राह्मणान् ददृशुर् मार्गे गच्छतः सगणान् बहून्
te prayātā naravyāghrā mātrā saha paraṃtapāḥ brāhmaṇān dadṛśur mārge gacchataḥ sagaṇān bahūn
Sanskrit only: no published translation is held for this verse.
तान् ऊचुर् ब्राह्मणा राजन् पाण्डवान् ब्रह्मचारिणः क्व भवन्तो गमिष्यन्ति कुतो वागच्छतेति ह
tān ūcur brāhmaṇā rājan pāṇḍavān brahmacāriṇaḥ kva bhavanto gamiṣyanti kuto vāgacchateti ha
Sanskrit only: no published translation is held for this verse.
युधिष्ठिर उवाच आगतान् एकचक्रायाः सोदर्यान् देवदर्शिनः भवन्तो हि विजानन्तु सहितान् मातृचारिणः
yudhiṣṭhira uvāca āgatān ekacakrāyāḥ sodaryān devadarśinaḥ bhavanto hi vijānantu sahitān mātṛcāriṇaḥ
Sanskrit only: no published translation is held for this verse.
ब्राह्मणा ऊचुः गच्छताद्यैव पाञ्चालान् द्रुपदस्य निवेशनम् स्वयंवरो महांस् तत्र भविता सुमहाधनः
brāhmaṇā ūcuḥ gacchatādyaiva pāñcālān drupadasya niveśanam svayaṃvaro mahāṃs tatra bhavitā sumahādhanaḥ
Sanskrit only: no published translation is held for this verse.
एकसार्थं प्रयाताः स्मो वयम् अप्य् अत्र गामिनः तत्र ह्य् अद्भुतसंकाशो भविता सुमहोत्सवः
ekasārthaṃ prayātāḥ smo vayam apy atra gāminaḥ tatra hy adbhutasaṃkāśo bhavitā sumahotsavaḥ
Sanskrit only: no published translation is held for this verse.
यज्ञसेनस्य दुहिता द्रुपदस्य महात्मनः वेदीमध्यात् समुत्पन्ना पद्मपत्रनिभेक्षणा
yajñasenasya duhitā drupadasya mahātmanaḥ vedīmadhyāt samutpannā padmapatranibhekṣaṇā
Sanskrit only: no published translation is held for this verse.
दर्शनीयानवद्याङ्गी सुकुमारी मनस्विनी धृष्टद्युम्नस्य भगिनी द्रोणशत्रोः प्रतापिनः
darśanīyānavadyāṅgī sukumārī manasvinī dhṛṣṭadyumnasya bhaginī droṇaśatroḥ pratāpinaḥ
Sanskrit only: no published translation is held for this verse.
यो जातः कवची खड्गी सशरः सशरासनः सुसमिद्धे महाबाहुः पावके पावकप्रभः
yo jātaḥ kavacī khaḍgī saśaraḥ saśarāsanaḥ susamiddhe mahābāhuḥ pāvake pāvakaprabhaḥ
Sanskrit only: no published translation is held for this verse.
स्वसा तस्यानवद्याङ्गी द्रौपदी तनुमध्यमा नीलोत्पलसमो गन्धो यस्याः क्रोशात् प्रवायति
svasā tasyānavadyāṅgī draupadī tanumadhyamā nīlotpalasamo gandho yasyāḥ krośāt pravāyati
Sanskrit only: no published translation is held for this verse.
तां यज्ञसेनस्य सुतां स्वयंवरकृतक्षणाम् गच्छामहे वयं द्रष्टुं तं च देवमहोत्सवम्
tāṃ yajñasenasya sutāṃ svayaṃvarakṛtakṣaṇām gacchāmahe vayaṃ draṣṭuṃ taṃ ca devamahotsavam
Sanskrit only: no published translation is held for this verse.
राजानो राजपुत्राश् च यज्वानो भूरिदक्षिणाः स्वाध्यायवन्तः शुचयो महात्मानो यतव्रताः
rājāno rājaputrāś ca yajvāno bhūridakṣiṇāḥ svādhyāyavantaḥ śucayo mahātmāno yatavratāḥ
Sanskrit only: no published translation is held for this verse.
तरुणा दर्शनीयाश् च नानादेशसमागताः महारथाः कृतास्त्राश् च समुपैष्यन्ति भूमिपाः
taruṇā darśanīyāś ca nānādeśasamāgatāḥ mahārathāḥ kṛtāstrāś ca samupaiṣyanti bhūmipāḥ
Sanskrit only: no published translation is held for this verse.
ते तत्र विविधान् दायान् विजयार्थं नरेश्वराः प्रदास्यन्ति धनं गाश् च भक्ष्यं भोज्यं च सर्वशः
te tatra vividhān dāyān vijayārthaṃ nareśvarāḥ pradāsyanti dhanaṃ gāś ca bhakṣyaṃ bhojyaṃ ca sarvaśaḥ
Sanskrit only: no published translation is held for this verse.
प्रतिगृह्य च तत् सर्वं दृष्ट्वा चैव स्वयंवरम् अनुभूयोत्सवं चैव गमिष्यामो यथेप्सितम्
pratigṛhya ca tat sarvaṃ dṛṣṭvā caiva svayaṃvaram anubhūyotsavaṃ caiva gamiṣyāmo yathepsitam
Sanskrit only: no published translation is held for this verse.
नटा वैतालिकाश् चैव नर्तकाः सूतमागधाः नियोधकाश् च देशेभ्यः समेष्यन्ति महाबलाः
naṭā vaitālikāś caiva nartakāḥ sūtamāgadhāḥ niyodhakāś ca deśebhyaḥ sameṣyanti mahābalāḥ
Sanskrit only: no published translation is held for this verse.
एवं कौतूहलं कृत्वा दृष्ट्वा च प्रतिगृह्य च सहास्माभिर् महात्मानः पुनः प्रतिनिवर्त्स्यथ
evaṃ kautūhalaṃ kṛtvā dṛṣṭvā ca pratigṛhya ca sahāsmābhir mahātmānaḥ punaḥ pratinivartsyatha
Sanskrit only: no published translation is held for this verse.
दर्शनीयांश् च वः सर्वान् देवरूपान् अवस्थितान् समीक्ष्य कृष्णा वरयेत् संगत्यान्यतमं वरम्
darśanīyāṃś ca vaḥ sarvān devarūpān avasthitān samīkṣya kṛṣṇā varayet saṃgatyānyatamaṃ varam
Sanskrit only: no published translation is held for this verse.
अयं भ्राता तव श्रीमान् दर्शनीयो महाभुजः नियुध्यमानो विजयेत् संगत्या द्रविणं बहु
ayaṃ bhrātā tava śrīmān darśanīyo mahābhujaḥ niyudhyamāno vijayet saṃgatyā draviṇaṃ bahu
Sanskrit only: no published translation is held for this verse.
युधिष्ठिर उवाच परमं भो गमिष्यामो द्रष्टुं देवमहोत्सवम् भवद्भिः सहिताः सर्वे कन्यायास् तं स्वयंवरम्
yudhiṣṭhira uvāca paramaṃ bho gamiṣyāmo draṣṭuṃ devamahotsavam bhavadbhiḥ sahitāḥ sarve kanyāyās taṃ svayaṃvaram
Sanskrit only: no published translation is held for this verse.