Mahābhārata (critical edition) 1.178

वैशंपायन उवाच ते ऽलंकृताः कुण्डलिनो युवानः; परस्परं स्पर्धमानाः समेताः अस्त्रं बलं चात्मनि मन्यमानाः; सर्वे समुत्पेतुर् अहंकृतेन

vaiśaṃpāyana uvāca te 'laṃkṛtāḥ kuṇḍalino yuvānaḥ; parasparaṃ spardhamānāḥ sametāḥ astraṃ balaṃ cātmani manyamānāḥ; sarve samutpetur ahaṃkṛtena

Sanskrit only: no published translation is held for this verse.

रूपेण वीर्येण कुलेन चैव; धर्मेण चैवापि च यौवनेन समृद्धदर्पा मदवेगभिन्ना; मत्ता यथा हैमवता गजेन्द्राः

rūpeṇa vīryeṇa kulena caiva; dharmeṇa caivāpi ca yauvanena samṛddhadarpā madavegabhinnā; mattā yathā haimavatā gajendrāḥ

Sanskrit only: no published translation is held for this verse.

परस्परं स्पर्धया प्रेक्षमाणाः; संकल्पजेनापि परिप्लुताङ्गाः कृष्णा ममैषेत्य् अभिभाषमाणा; नृपासनेभ्यः सहसोपतस्थुः

parasparaṃ spardhayā prekṣamāṇāḥ; saṃkalpajenāpi pariplutāṅgāḥ kṛṣṇā mamaiṣety abhibhāṣamāṇā; nṛpāsanebhyaḥ sahasopatasthuḥ

Sanskrit only: no published translation is held for this verse.

ते क्षत्रिया रङ्गगताः समेता; जिगीषमाणा द्रुपदात्मजां ताम् चकाशिरे पर्वतराजकन्याम्; उमां यथा देवगणाः समेताः

te kṣatriyā raṅgagatāḥ sametā; jigīṣamāṇā drupadātmajāṃ tām cakāśire parvatarājakanyām; umāṃ yathā devagaṇāḥ sametāḥ

Sanskrit only: no published translation is held for this verse.

कन्दर्पबाणाभिनिपीडिताङ्गाः; कृष्णागतैस् ते हृदयैर् नरेन्द्राः रङ्गावतीर्णा द्रुपदात्मजार्थं; द्वेष्यान् हि चक्रुः सुहृदो ऽपि तत्र

kandarpabāṇābhinipīḍitāṅgāḥ; kṛṣṇāgatais te hṛdayair narendrāḥ raṅgāvatīrṇā drupadātmajārthaṃ; dveṣyān hi cakruḥ suhṛdo 'pi tatra

Sanskrit only: no published translation is held for this verse.

अथाययुर् देवगणा विमानै; रुद्रादित्या वसवो ऽथाश्विनौ च साध्याश् च सर्वे मरुतस् तथैव; यमं पुरस्कृत्य धनेश्वरं च

athāyayur devagaṇā vimānai; rudrādityā vasavo 'thāśvinau ca sādhyāś ca sarve marutas tathaiva; yamaṃ puraskṛtya dhaneśvaraṃ ca

Sanskrit only: no published translation is held for this verse.

दैत्याः सुपर्णाश् च महोरगाश् च; देवर्षयो गुह्यकाश् चारणाश् च विश्वावसुर् नारदपर्वतौ च; गन्धर्वमुख्याश् च सहाप्सरोभिः

daityāḥ suparṇāś ca mahoragāś ca; devarṣayo guhyakāś cāraṇāś ca viśvāvasur nāradaparvatau ca; gandharvamukhyāś ca sahāpsarobhiḥ

Sanskrit only: no published translation is held for this verse.

हलायुधस् तत्र च केशवश् च; वृष्ण्यन्धकाश् चैव यथा प्रधानाः प्रेक्षां स्म चक्रुर् यदुपुंगवास् ते; स्थिताश् च कृष्णस्य मते बभूवुः

halāyudhas tatra ca keśavaś ca; vṛṣṇyandhakāś caiva yathā pradhānāḥ prekṣāṃ sma cakrur yadupuṃgavās te; sthitāś ca kṛṣṇasya mate babhūvuḥ

Sanskrit only: no published translation is held for this verse.

दृष्ट्वा हि तान् मत्तगजेन्द्ररूपान्; पञ्चाभिपद्मान् इव वारणेन्द्रान् भस्मावृताङ्गान् इव हव्यवाहान्; पार्थान् प्रदध्यौ स यदुप्रवीरः

dṛṣṭvā hi tān mattagajendrarūpān; pañcābhipadmān iva vāraṇendrān bhasmāvṛtāṅgān iva havyavāhān; pārthān pradadhyau sa yadupravīraḥ

Sanskrit only: no published translation is held for this verse.

शशंस रामाय युधिष्ठिरं च; भीमं च जिष्णुं च यमौ च वीरौ शनैः शनैस् तांश् च निरीक्ष्य रामो; जनार्दनं प्रीतमना ददर्श

śaśaṃsa rāmāya yudhiṣṭhiraṃ ca; bhīmaṃ ca jiṣṇuṃ ca yamau ca vīrau śanaiḥ śanais tāṃś ca nirīkṣya rāmo; janārdanaṃ prītamanā dadarśa

Sanskrit only: no published translation is held for this verse.

अन्ये तु नानानृपपुत्रपौत्राः; कृष्णागतैर् नेत्रमनःस्वभावैः व्यायच्छमाना ददृशुर् भ्रमन्तीं; संदष्टदन्तच्छदताम्रवक्त्राः

anye tu nānānṛpaputrapautrāḥ; kṛṣṇāgatair netramanaḥsvabhāvaiḥ vyāyacchamānā dadṛśur bhramantīṃ; saṃdaṣṭadantacchadatāmravaktrāḥ

Sanskrit only: no published translation is held for this verse.

तथैव पार्थाः पृथुबाहवस् ते; वीरौ यमौ चैव महानुभावौ तां द्रौपदीं प्रेक्ष्य तदा स्म सर्वे; कन्दर्पबाणाभिहता बभूवुः

tathaiva pārthāḥ pṛthubāhavas te; vīrau yamau caiva mahānubhāvau tāṃ draupadīṃ prekṣya tadā sma sarve; kandarpabāṇābhihatā babhūvuḥ

Sanskrit only: no published translation is held for this verse.

देवर्षिगन्धर्वसमाकुलं तत्; सुपर्णनागासुरसिद्धजुष्टम् दिव्येन गन्धेन समाकुलं च; दिव्यैश् च माल्यैर् अवकीर्यमाणम्

devarṣigandharvasamākulaṃ tat; suparṇanāgāsurasiddhajuṣṭam divyena gandhena samākulaṃ ca; divyaiś ca mālyair avakīryamāṇam

Sanskrit only: no published translation is held for this verse.

महास्वनैर् दुन्दुभिनादितैश् च; बभूव तत् संकुलम् अन्तरिक्षम् विमानसंबाधम् अभूत् समन्तात्; सवेणुवीणापणवानुनादम्

mahāsvanair dundubhināditaiś ca; babhūva tat saṃkulam antarikṣam vimānasaṃbādham abhūt samantāt; saveṇuvīṇāpaṇavānunādam

Sanskrit only: no published translation is held for this verse.

ततस् तु ते राजगणाः क्रमेण; कृष्णानिमित्तं नृप विक्रमन्तः तत् कार्मुकं संहननोपपन्नं; सज्यं न शेकुस् तरसापि कर्तुम्

tatas tu te rājagaṇāḥ krameṇa; kṛṣṇānimittaṃ nṛpa vikramantaḥ tat kārmukaṃ saṃhananopapannaṃ; sajyaṃ na śekus tarasāpi kartum

Sanskrit only: no published translation is held for this verse.

ते विक्रमन्तः स्फुरता दृढेन; निष्कृष्यमाणा धनुषा नरेन्द्राः विचेष्टमाना धरणीतलस्था; दीना अदृश्यन्त विभग्नचित्ताः

te vikramantaḥ sphuratā dṛḍhena; niṣkṛṣyamāṇā dhanuṣā narendrāḥ viceṣṭamānā dharaṇītalasthā; dīnā adṛśyanta vibhagnacittāḥ

Sanskrit only: no published translation is held for this verse.

हाहाकृतं तद् धनुषा दृढेन; निष्पिष्टभग्नाङ्गदकुण्डलं च कृष्णानिमित्तं विनिवृत्तभावं; राज्ञां तदा मण्डलम् आर्तम् आसीत्

hāhākṛtaṃ tad dhanuṣā dṛḍhena; niṣpiṣṭabhagnāṅgadakuṇḍalaṃ ca kṛṣṇānimittaṃ vinivṛttabhāvaṃ; rājñāṃ tadā maṇḍalam ārtam āsīt

Sanskrit only: no published translation is held for this verse.

तस्मिंस् तु संभ्रान्तजने समाजे; निक्षिप्तवादेषु नराधिपेषु कुन्तीसुतो जिष्णुर् इयेष कर्तुं; सज्यं धनुस् तत् सशरं स वीरः

tasmiṃs tu saṃbhrāntajane samāje; nikṣiptavādeṣu narādhipeṣu kuntīsuto jiṣṇur iyeṣa kartuṃ; sajyaṃ dhanus tat saśaraṃ sa vīraḥ

Sanskrit only: no published translation is held for this verse.