Mahābhārata (critical edition) 1.18

सूत उवाच एतत् ते सर्वम् आख्यातम् अमृतं मथितं यथा यत्र सो ऽश्वः समुत्पन्नः श्रीमान् अतुलविक्रमः

sūta uvāca etat te sarvam ākhyātam amṛtaṃ mathitaṃ yathā yatra so 'śvaḥ samutpannaḥ śrīmān atulavikramaḥ

Sanskrit only: no published translation is held for this verse.

यं निशाम्य तदा कद्रूर् विनताम् इदम् अब्रवीत् उच्चैःश्रवा नु किंवर्णो भद्रे जानीहि माचिरम्

yaṃ niśāmya tadā kadrūr vinatām idam abravīt uccaiḥśravā nu kiṃvarṇo bhadre jānīhi māciram

Sanskrit only: no published translation is held for this verse.

विनतोवाच श्वेत एवाश्वराजो ऽयं किं वा त्वं मन्यसे शुभे ब्रूहि वर्णं त्वम् अप्य् अस्य ततो ऽत्र विपणावहे

vinatovāca śveta evāśvarājo 'yaṃ kiṃ vā tvaṃ manyase śubhe brūhi varṇaṃ tvam apy asya tato 'tra vipaṇāvahe

Sanskrit only: no published translation is held for this verse.

कद्रूर् उवाच कृष्णवालम् अहं मन्ये हयम् एनं शुचिस्मिते एहि सार्धं मया दीव्य दासीभावाय भामिनि

kadrūr uvāca kṛṣṇavālam ahaṃ manye hayam enaṃ śucismite ehi sārdhaṃ mayā dīvya dāsībhāvāya bhāmini

Sanskrit only: no published translation is held for this verse.

सूत उवाच एवं ते समयं कृत्वा दासीभावाय वै मिथः जग्मतुः स्वगृहान् एव श्वो द्रक्ष्याव इति स्म ह

sūta uvāca evaṃ te samayaṃ kṛtvā dāsībhāvāya vai mithaḥ jagmatuḥ svagṛhān eva śvo drakṣyāva iti sma ha

Sanskrit only: no published translation is held for this verse.

ततः पुत्रसहस्रं तु कद्रूर् जिह्मं चिकीर्षती आज्ञापयाम् आस तदा वाला भूत्वाञ्जनप्रभाः

tataḥ putrasahasraṃ tu kadrūr jihmaṃ cikīrṣatī ājñāpayām āsa tadā vālā bhūtvāñjanaprabhāḥ

Sanskrit only: no published translation is held for this verse.

आविशध्वं हयं क्षिप्रं दासी न स्याम् अहं यथा तद् वाक्यं नान्वपद्यन्त ताञ् शशाप भुजंगमान्

āviśadhvaṃ hayaṃ kṣipraṃ dāsī na syām ahaṃ yathā tad vākyaṃ nānvapadyanta tāñ śaśāpa bhujaṃgamān

Sanskrit only: no published translation is held for this verse.

सर्पसत्रे वर्तमाने पावको वः प्रधक्ष्यति जनमेजयस्य राजर्षेः पाण्डवेयस्य धीमतः

sarpasatre vartamāne pāvako vaḥ pradhakṣyati janamejayasya rājarṣeḥ pāṇḍaveyasya dhīmataḥ

Sanskrit only: no published translation is held for this verse.

शापम् एनं तु शुश्राव स्वयम् एव पितामहः अतिक्रूरं समुद्दिष्टं कद्र्वा दैवाद् अतीव हि

śāpam enaṃ tu śuśrāva svayam eva pitāmahaḥ atikrūraṃ samuddiṣṭaṃ kadrvā daivād atīva hi

Sanskrit only: no published translation is held for this verse.

सार्धं देवगणैः सर्वैर् वाचं ताम् अन्वमोदत बहुत्वं प्रेक्ष्य सर्पाणां प्रजानां हितकाम्यया

sārdhaṃ devagaṇaiḥ sarvair vācaṃ tām anvamodata bahutvaṃ prekṣya sarpāṇāṃ prajānāṃ hitakāmyayā

Sanskrit only: no published translation is held for this verse.

तिग्मवीर्यविषा ह्य् एते दन्दशूका महाबलाः तेषां तीक्ष्णविषत्वाद् धि प्रजानां च हिताय वै प्रादाद् विषहणीं विद्यां काश्यपाय महात्मने

tigmavīryaviṣā hy ete dandaśūkā mahābalāḥ teṣāṃ tīkṣṇaviṣatvād dhi prajānāṃ ca hitāya vai prādād viṣahaṇīṃ vidyāṃ kāśyapāya mahātmane

Sanskrit only: no published translation is held for this verse.