Library·Mahābhārata (critical edition)·1·1.189
व्यास उवाच पुरा वै नैमिषारण्ये देवाः सत्रम् उपासते तत्र वैवस्वतो राजञ् शामित्रम् अकरोत् तदा
vyāsa uvāca purā vai naimiṣāraṇye devāḥ satram upāsate tatra vaivasvato rājañ śāmitram akarot tadā
Sanskrit only: no published translation is held for this verse.
ततो यमो दीक्षितस् तत्र राजन्; नामारयत् किं चिद् अपि प्रजाभ्यः ततः प्रजास् ता बहुला बभूवुः; कालातिपातान् मरणात् प्रहीणाः
tato yamo dīkṣitas tatra rājan; nāmārayat kiṃ cid api prajābhyaḥ tataḥ prajās tā bahulā babhūvuḥ; kālātipātān maraṇāt prahīṇāḥ
Sanskrit only: no published translation is held for this verse.
ततस् तु शक्रो वरुणः कुबेरः; साध्या रुद्रा वसवश् चाश्विनौ च प्रणेतारं भुवनस्य प्रजापतिं; समाजग्मुस् तत्र देवास् तथान्ये
tatas tu śakro varuṇaḥ kuberaḥ; sādhyā rudrā vasavaś cāśvinau ca praṇetāraṃ bhuvanasya prajāpatiṃ; samājagmus tatra devās tathānye
Sanskrit only: no published translation is held for this verse.
ततो ऽब्रुवंल् लोकगुरुं समेता; भयं नस् तीव्रं मानुषाणां विवृद्ध्या तस्माद् भयाद् उद्विजन्तः सुखेप्सवः; प्रयाम सर्वे शरणं भवन्तम्
tato 'bruvaṃl lokaguruṃ sametā; bhayaṃ nas tīvraṃ mānuṣāṇāṃ vivṛddhyā tasmād bhayād udvijantaḥ sukhepsavaḥ; prayāma sarve śaraṇaṃ bhavantam
Sanskrit only: no published translation is held for this verse.
ब्रह्मोवाच किं वो भयं मानुषेभ्यो यूयं सर्वे यदामराः मा वो मर्त्यसकाशाद् वै भयं भवतु कर्हि चित्
brahmovāca kiṃ vo bhayaṃ mānuṣebhyo yūyaṃ sarve yadāmarāḥ mā vo martyasakāśād vai bhayaṃ bhavatu karhi cit
Sanskrit only: no published translation is held for this verse.
देवा ऊचुः मर्त्या ह्य् अमर्त्याः संवृत्ता न विशेषो ऽस्ति कश् चन अविशेषाद् उद्विजन्तो विशेषार्थम् इहागताः
devā ūcuḥ martyā hy amartyāḥ saṃvṛttā na viśeṣo 'sti kaś cana aviśeṣād udvijanto viśeṣārtham ihāgatāḥ
Sanskrit only: no published translation is held for this verse.
ब्रह्मोवाच वैवस्वतो व्यापृतः सत्रहेतोस्; तेन त्व् इमे न म्रियन्ते मनुष्याः तस्मिन्न् एकाग्रे कृतसर्वकार्ये; तत एषां भवितैवान्तकालः
brahmovāca vaivasvato vyāpṛtaḥ satrahetos; tena tv ime na mriyante manuṣyāḥ tasminn ekāgre kṛtasarvakārye; tata eṣāṃ bhavitaivāntakālaḥ
Sanskrit only: no published translation is held for this verse.
वैवस्वतस्यापि तनुर् विभूता; वीर्येण युष्माकम् उत प्रयुक्ता सैषाम् अन्तो भविता ह्य् अन्तकाले; तनुर् हि वीर्यं भविता नरेषु
vaivasvatasyāpi tanur vibhūtā; vīryeṇa yuṣmākam uta prayuktā saiṣām anto bhavitā hy antakāle; tanur hi vīryaṃ bhavitā nareṣu
Sanskrit only: no published translation is held for this verse.
व्यास उवाच ततस् तु ते पूर्वजदेववाक्यं; श्रुत्वा देवा यत्र देवा यजन्ते समासीनास् ते समेता महाबला; भागीरथ्यां ददृशुः पुण्डरीकम्
vyāsa uvāca tatas tu te pūrvajadevavākyaṃ; śrutvā devā yatra devā yajante samāsīnās te sametā mahābalā; bhāgīrathyāṃ dadṛśuḥ puṇḍarīkam
Sanskrit only: no published translation is held for this verse.
दृष्ट्वा च तद् विस्मितास् ते बभूवुस्; तेषाम् इन्द्रस् तत्र शूरो जगाम सो ऽपश्यद् योषाम् अथ पावकप्रभां; यत्र गङ्गा सततं संप्रसूता
dṛṣṭvā ca tad vismitās te babhūvus; teṣām indras tatra śūro jagāma so 'paśyad yoṣām atha pāvakaprabhāṃ; yatra gaṅgā satataṃ saṃprasūtā
Sanskrit only: no published translation is held for this verse.
सा तत्र योषा रुदती जलार्थिनी; गङ्गां देवीं व्यवगाह्यावतिष्ठत् तस्याश्रुबिन्दुः पतितो जले वै; तत् पद्मम् आसीद् अथ तत्र काञ्चनम्
sā tatra yoṣā rudatī jalārthinī; gaṅgāṃ devīṃ vyavagāhyāvatiṣṭhat tasyāśrubinduḥ patito jale vai; tat padmam āsīd atha tatra kāñcanam
Sanskrit only: no published translation is held for this verse.
तद् अद्भुतं प्रेक्ष्य वज्री तदानीम्; अपृच्छत् तां योषितम् अन्तिकाद् वै का त्वं कथं रोदिषि कस्य हेतोर्; वाक्यं तथ्यं कामयेह ब्रवीहि
tad adbhutaṃ prekṣya vajrī tadānīm; apṛcchat tāṃ yoṣitam antikād vai kā tvaṃ kathaṃ rodiṣi kasya hetor; vākyaṃ tathyaṃ kāmayeha bravīhi
Sanskrit only: no published translation is held for this verse.
स्त्र्य् उवाच त्वं वेत्स्यसे माम् इह यास्मि शक्र; यदर्थं चाहं रोदिमि मन्दभाग्या आगच्छ राजन् पुरतो ऽहं गमिष्ये; द्रष्टासि तद् रोदिमि यत्कृते ऽहम्
stry uvāca tvaṃ vetsyase mām iha yāsmi śakra; yadarthaṃ cāhaṃ rodimi mandabhāgyā āgaccha rājan purato 'haṃ gamiṣye; draṣṭāsi tad rodimi yatkṛte 'ham
Sanskrit only: no published translation is held for this verse.
व्यास उवाच तां गच्छन्तीम् अन्वगच्छत् तदानीं; सो ऽपश्यद् आरात् तरुणं दर्शनीयम् सिंहासनस्थं युवतीसहायं; क्रीडन्तम् अक्षैर् गिरिराजमूर्ध्नि
vyāsa uvāca tāṃ gacchantīm anvagacchat tadānīṃ; so 'paśyad ārāt taruṇaṃ darśanīyam siṃhāsanasthaṃ yuvatīsahāyaṃ; krīḍantam akṣair girirājamūrdhni
Sanskrit only: no published translation is held for this verse.
तम् अब्रवीद् देवराजो ममेदं; त्वं विद्धि विश्वं भुवनं वशे स्थितम् ईशो ऽहम् अस्मीति समन्युर् अब्रवीद्; दृष्ट्वा तम् अक्षैः सुभृशं प्रमत्तम्
tam abravīd devarājo mamedaṃ; tvaṃ viddhi viśvaṃ bhuvanaṃ vaśe sthitam īśo 'ham asmīti samanyur abravīd; dṛṣṭvā tam akṣaiḥ subhṛśaṃ pramattam
Sanskrit only: no published translation is held for this verse.
क्रुद्धं तु शक्रं प्रसमीक्ष्य देवो; जहास शक्रं च शनैर् उदैक्षत संस्तम्भितो ऽभूद् अथ देवराजस्; तेनेक्षितः स्थाणुर् इवावतस्थे
kruddhaṃ tu śakraṃ prasamīkṣya devo; jahāsa śakraṃ ca śanair udaikṣata saṃstambhito 'bhūd atha devarājas; tenekṣitaḥ sthāṇur ivāvatasthe
Sanskrit only: no published translation is held for this verse.
यदा तु पर्याप्तम् इहास्य क्रीडया; तदा देवीं रुदतीं ताम् उवाच आनीयताम् एष यतो ऽहम् आरान्; मैनं दर्पः पुनर् अप्य् आविशेत
yadā tu paryāptam ihāsya krīḍayā; tadā devīṃ rudatīṃ tām uvāca ānīyatām eṣa yato 'ham ārān; mainaṃ darpaḥ punar apy āviśeta
Sanskrit only: no published translation is held for this verse.
ततः शक्रः स्पृष्टमात्रस् तया तु; स्रस्तैर् अङ्गैः पतितो ऽभूद् धरण्याम् तम् अब्रवीद् भगवान् उग्रतेजा; मैवं पुनः शक्र कृथाः कथं चित्
tataḥ śakraḥ spṛṣṭamātras tayā tu; srastair aṅgaiḥ patito 'bhūd dharaṇyām tam abravīd bhagavān ugratejā; maivaṃ punaḥ śakra kṛthāḥ kathaṃ cit
Sanskrit only: no published translation is held for this verse.
विवर्तयैनं च महाद्रिराजं; बलं च वीर्यं च तवाप्रमेयम् विवृत्य चैवाविश मध्यम् अस्य; यत्रासते त्वद्विधाः सूर्यभासः
vivartayainaṃ ca mahādrirājaṃ; balaṃ ca vīryaṃ ca tavāprameyam vivṛtya caivāviśa madhyam asya; yatrāsate tvadvidhāḥ sūryabhāsaḥ
Sanskrit only: no published translation is held for this verse.
स तद् विवृत्य शिखरं महागिरेस्; तुल्यद्युतींश् चतुरो ऽन्यान् ददर्श स तान् अभिप्रेक्ष्य बभूव दुःखितः; कच्चिन् नाहं भविता वै यथेमे
sa tad vivṛtya śikharaṃ mahāgires; tulyadyutīṃś caturo 'nyān dadarśa sa tān abhiprekṣya babhūva duḥkhitaḥ; kaccin nāhaṃ bhavitā vai yatheme
Sanskrit only: no published translation is held for this verse.
ततो देवो गिरिशो वज्रपाणिं; विवृत्य नेत्रे कुपितो ऽभ्युवाच दरीम् एतां प्रविश त्वं शतक्रतो; यन् मां बाल्याद् अवमंस्थाः पुरस्तात्
tato devo giriśo vajrapāṇiṃ; vivṛtya netre kupito 'bhyuvāca darīm etāṃ praviśa tvaṃ śatakrato; yan māṃ bālyād avamaṃsthāḥ purastāt
Sanskrit only: no published translation is held for this verse.
उक्तस् त्व् एवं विभुना देवराजः; प्रवेपमानो भृशम् एवाभिषङ्गात् स्रस्तैर् अङ्गैर् अनिलेनेव नुन्नम्; अश्वत्थपत्रं गिरिराजमूर्ध्नि
uktas tv evaṃ vibhunā devarājaḥ; pravepamāno bhṛśam evābhiṣaṅgāt srastair aṅgair anileneva nunnam; aśvatthapatraṃ girirājamūrdhni
Sanskrit only: no published translation is held for this verse.
स प्राञ्जलिर् विनतेनाननेन; प्रवेपमानः सहसैवम् उक्तः उवाच चेदं बहुरूपम् उग्रं; द्रष्टा शेषस्य भगवंस् त्वं भवाद्य
sa prāñjalir vinatenānanena; pravepamānaḥ sahasaivam uktaḥ uvāca cedaṃ bahurūpam ugraṃ; draṣṭā śeṣasya bhagavaṃs tvaṃ bhavādya
Sanskrit only: no published translation is held for this verse.
तम् अब्रवीद् उग्रधन्वा प्रहस्य; नैवंशीलाः शेषम् इहाप्नुवन्ति एते ऽप्य् एवं भवितारः पुरस्तात्; तस्माद् एतां दरिम् आविश्य शेध्वम्
tam abravīd ugradhanvā prahasya; naivaṃśīlāḥ śeṣam ihāpnuvanti ete 'py evaṃ bhavitāraḥ purastāt; tasmād etāṃ darim āviśya śedhvam
Sanskrit only: no published translation is held for this verse.
शेषो ऽप्य् एवं भविता वो न संशयो; योनिं सर्वे मानुषीम् आविशध्वम् तत्र यूयं कर्म कृत्वाविषह्यं; बहून् अन्यान् निधनं प्रापयित्वा
śeṣo 'py evaṃ bhavitā vo na saṃśayo; yoniṃ sarve mānuṣīm āviśadhvam tatra yūyaṃ karma kṛtvāviṣahyaṃ; bahūn anyān nidhanaṃ prāpayitvā
Sanskrit only: no published translation is held for this verse.
आगन्तारः पुनर् एवेन्द्रलोकं; स्वकर्मणा पूर्वजितं महार्हम् सर्वं मया भाषितम् एतद् एवं; कर्तव्यम् अन्यद् विविधार्थवच् च
āgantāraḥ punar evendralokaṃ; svakarmaṇā pūrvajitaṃ mahārham sarvaṃ mayā bhāṣitam etad evaṃ; kartavyam anyad vividhārthavac ca
Sanskrit only: no published translation is held for this verse.
पूर्वेन्द्रा ऊचुः गमिष्यामो मानुषं देवलोकाद्; दुराधरो विहितो यत्र मोक्षः देवास् त्व् अस्मान् आदधीरञ् जनन्यां; धर्मो वायुर् मघवान् अश्विनौ च
pūrvendrā ūcuḥ gamiṣyāmo mānuṣaṃ devalokād; durādharo vihito yatra mokṣaḥ devās tv asmān ādadhīrañ jananyāṃ; dharmo vāyur maghavān aśvinau ca
Sanskrit only: no published translation is held for this verse.
व्यास उवाच एतच् छ्रुत्वा वज्रपाणिर् वचस् तु; देवश्रेष्ठं पुनर् एवेदम् आह वीर्येणाहं पुरुषं कार्यहेतोर्; दद्याम् एषां पञ्चमं मत्प्रसूतम्
vyāsa uvāca etac chrutvā vajrapāṇir vacas tu; devaśreṣṭhaṃ punar evedam āha vīryeṇāhaṃ puruṣaṃ kāryahetor; dadyām eṣāṃ pañcamaṃ matprasūtam
Sanskrit only: no published translation is held for this verse.
तेषां कामं भगवान् उग्रधन्वा; प्रादाद् इष्टं सन्निसर्गाद् यथोक्तम् तां चाप्य् एषां योषितं लोककान्तां; श्रियं भार्यां व्यदधान् मानुषेषु
teṣāṃ kāmaṃ bhagavān ugradhanvā; prādād iṣṭaṃ sannisargād yathoktam tāṃ cāpy eṣāṃ yoṣitaṃ lokakāntāṃ; śriyaṃ bhāryāṃ vyadadhān mānuṣeṣu
Sanskrit only: no published translation is held for this verse.
तैर् एव सार्धं तु ततः स देवो; जगाम नारायणम् अप्रमेयम् स चापि तद् व्यदधात् सर्वम् एव; ततः सर्वे संबभूवुर् धरण्याम्
tair eva sārdhaṃ tu tataḥ sa devo; jagāma nārāyaṇam aprameyam sa cāpi tad vyadadhāt sarvam eva; tataḥ sarve saṃbabhūvur dharaṇyām
Sanskrit only: no published translation is held for this verse.
स चापि केशौ हरिर् उद्बबर्ह; शुक्लम् एकम् अपरं चापि कृष्णम् तौ चापि केशौ विशतां यदूनां; कुले स्त्रियौ रोहिणीं देवकीं च तयोर् एको बलदेवो बभूव; कृष्णो द्वितीयः केशवः संबभूव
sa cāpi keśau harir udbabarha; śuklam ekam aparaṃ cāpi kṛṣṇam tau cāpi keśau viśatāṃ yadūnāṃ; kule striyau rohiṇīṃ devakīṃ ca tayor eko baladevo babhūva; kṛṣṇo dvitīyaḥ keśavaḥ saṃbabhūva
Sanskrit only: no published translation is held for this verse.
ये ते पूर्वं शक्ररूपा निरुद्धास्; तस्यां दर्यां पर्वतस्योत्तरस्य इहैव ते पाण्डवा वीर्यवन्तः; शक्रस्यांशः पाण्डवः सव्यसाची
ye te pūrvaṃ śakrarūpā niruddhās; tasyāṃ daryāṃ parvatasyottarasya ihaiva te pāṇḍavā vīryavantaḥ; śakrasyāṃśaḥ pāṇḍavaḥ savyasācī
Sanskrit only: no published translation is held for this verse.
एवम् एते पाण्डवाः संबभूवुर्; ये ते राजन् पूर्वम् इन्द्रा बभूवुः लक्ष्मीश् चैषां पूर्वम् एवोपदिष्टा; भार्या यैषा द्रौपदी दिव्यरूपा
evam ete pāṇḍavāḥ saṃbabhūvur; ye te rājan pūrvam indrā babhūvuḥ lakṣmīś caiṣāṃ pūrvam evopadiṣṭā; bhāryā yaiṣā draupadī divyarūpā
Sanskrit only: no published translation is held for this verse.
कथं हि स्त्री कर्मणो ऽन्ते महीतलात्; समुत्तिष्ठेद् अन्यतो दैवयोगात् यस्या रूपं सोमसूर्यप्रकाशं; गन्धश् चाग्र्यः क्रोशमात्रात् प्रवाति
kathaṃ hi strī karmaṇo 'nte mahītalāt; samuttiṣṭhed anyato daivayogāt yasyā rūpaṃ somasūryaprakāśaṃ; gandhaś cāgryaḥ krośamātrāt pravāti
Sanskrit only: no published translation is held for this verse.
इदं चान्यत् प्रीतिपूर्वं नरेन्द्र; ददामि ते वरम् अत्यद्भुतं च दिव्यं चक्षुः पश्य कुन्तीसुतांस् त्वं; पुण्यैर् दिव्यैः पूर्वदेहैर् उपेतान्
idaṃ cānyat prītipūrvaṃ narendra; dadāmi te varam atyadbhutaṃ ca divyaṃ cakṣuḥ paśya kuntīsutāṃs tvaṃ; puṇyair divyaiḥ pūrvadehair upetān
Sanskrit only: no published translation is held for this verse.
वैशंपायन उवाच ततो व्यासः परमोदारकर्मा; शुचिर् विप्रस् तपसा तस्य राज्ञः चक्षुर् दिव्यं प्रददौ तान् स सर्वान्; राजापश्यत् पूर्वदेहैर् यथावत्
vaiśaṃpāyana uvāca tato vyāsaḥ paramodārakarmā; śucir vipras tapasā tasya rājñaḥ cakṣur divyaṃ pradadau tān sa sarvān; rājāpaśyat pūrvadehair yathāvat
Sanskrit only: no published translation is held for this verse.
ततो दिव्यान् हेमकिरीटमालिनः; शक्रप्रख्यान् पावकादित्यवर्णान् बद्धापीडांश् चारुरूपांश् च यूनो; व्यूढोरस्कांस् तालमात्रान् ददर्श
tato divyān hemakirīṭamālinaḥ; śakraprakhyān pāvakādityavarṇān baddhāpīḍāṃś cārurūpāṃś ca yūno; vyūḍhoraskāṃs tālamātrān dadarśa
Sanskrit only: no published translation is held for this verse.
दिव्यैर् वस्त्रैर् अरजोभिः सुवर्णैर्; माल्यैश् चाग्र्यैः शोभमानान् अतीव साक्षात् त्र्यक्षान् वसवो वाथ दिव्यान्; आदित्यान् वा सर्वगुणोपपन्नान् तान् पूर्वेन्द्रान् एवम् ईक्ष्याभिरूपान्; प्रीतो राजा द्रुपदो विस्मितश् च
divyair vastrair arajobhiḥ suvarṇair; mālyaiś cāgryaiḥ śobhamānān atīva sākṣāt tryakṣān vasavo vātha divyān; ādityān vā sarvaguṇopapannān tān pūrvendrān evam īkṣyābhirūpān; prīto rājā drupado vismitaś ca
Sanskrit only: no published translation is held for this verse.
दिव्यां मायां ताम् अवाप्याप्रमेयां; तां चैवाग्र्यां श्रियम् इव रूपिणीं च योग्यां तेषां रूपतेजोयशोभिः; पत्नीम् ऋद्धां दृष्टवान् पार्थिवेन्द्रः
divyāṃ māyāṃ tām avāpyāprameyāṃ; tāṃ caivāgryāṃ śriyam iva rūpiṇīṃ ca yogyāṃ teṣāṃ rūpatejoyaśobhiḥ; patnīm ṛddhāṃ dṛṣṭavān pārthivendraḥ
Sanskrit only: no published translation is held for this verse.
स तद् दृष्ट्वा महद् आश्चर्यरूपं; जग्राह पादौ सत्यवत्याः सुतस्य नैतच् चित्रं परमर्षे त्वयीति; प्रसन्नचेताः स उवाच चैनम्
sa tad dṛṣṭvā mahad āścaryarūpaṃ; jagrāha pādau satyavatyāḥ sutasya naitac citraṃ paramarṣe tvayīti; prasannacetāḥ sa uvāca cainam
Sanskrit only: no published translation is held for this verse.
व्यास उवाच आसीत् तपोवने का चिद् ऋषेः कन्या महात्मनः नाध्यगच्छत् पतिं सा तु कन्या रूपवती सती
vyāsa uvāca āsīt tapovane kā cid ṛṣeḥ kanyā mahātmanaḥ nādhyagacchat patiṃ sā tu kanyā rūpavatī satī
Sanskrit only: no published translation is held for this verse.
तोषयाम् आस तपसा सा किलोग्रेण शंकरम् ताम् उवाचेश्वरः प्रीतो वृणु कामम् इति स्वयम्
toṣayām āsa tapasā sā kilogreṇa śaṃkaram tām uvāceśvaraḥ prīto vṛṇu kāmam iti svayam
Sanskrit only: no published translation is held for this verse.
सैवम् उक्ताब्रवीत् कन्या देवं वरदम् ईश्वरम् पतिं सर्वगुणोपेतम् इच्छामीति पुनः पुनः
saivam uktābravīt kanyā devaṃ varadam īśvaram patiṃ sarvaguṇopetam icchāmīti punaḥ punaḥ
Sanskrit only: no published translation is held for this verse.
ददौ तस्यै स देवेशस् तं वरं प्रीतिमांस् तदा पञ्च ते पतयः श्रेष्ठा भविष्यन्तीति शंकरः
dadau tasyai sa deveśas taṃ varaṃ prītimāṃs tadā pañca te patayaḥ śreṣṭhā bhaviṣyantīti śaṃkaraḥ
Sanskrit only: no published translation is held for this verse.
सा प्रसादयती देवम् इदं भूयो ऽभ्यभाषत एकं पतिं गुणोपेतं त्वत्तो ऽर्हामीति वै तदा तां देवदेवः प्रीतात्मा पुनः प्राह शुभं वचः
sā prasādayatī devam idaṃ bhūyo 'bhyabhāṣata ekaṃ patiṃ guṇopetaṃ tvatto 'rhāmīti vai tadā tāṃ devadevaḥ prītātmā punaḥ prāha śubhaṃ vacaḥ
Sanskrit only: no published translation is held for this verse.
पञ्चकृत्वस् त्वया उक्तः पतिं देहीत्य् अहं पुनः तत् तथा भविता भद्रे तव तद् भद्रम् अस्तु ते देहम् अन्यं गतायास् ते यथोक्तं तद् भविष्यति
pañcakṛtvas tvayā uktaḥ patiṃ dehīty ahaṃ punaḥ tat tathā bhavitā bhadre tava tad bhadram astu te deham anyaṃ gatāyās te yathoktaṃ tad bhaviṣyati
Sanskrit only: no published translation is held for this verse.
द्रुपदैषा हि सा जज्ञे सुता ते देवरूपिणी पञ्चानां विहिता पत्नी कृष्णा पार्षत्य् अनिन्दिता
drupadaiṣā hi sā jajñe sutā te devarūpiṇī pañcānāṃ vihitā patnī kṛṣṇā pārṣaty aninditā
Sanskrit only: no published translation is held for this verse.
स्वर्गश्रीः पाण्डवार्थाय समुत्पन्ना महामखे सेह तप्त्वा तपो घोरं दुहितृत्वं तवागता
svargaśrīḥ pāṇḍavārthāya samutpannā mahāmakhe seha taptvā tapo ghoraṃ duhitṛtvaṃ tavāgatā
Sanskrit only: no published translation is held for this verse.
सैषा देवी रुचिरा देवजुष्टा; पञ्चानाम् एका स्वकृतेन कर्मणा सृष्टा स्वयं देवपत्नी स्वयम्भुवा; श्रुत्वा राजन् द्रुपदेष्टं कुरुष्व
saiṣā devī rucirā devajuṣṭā; pañcānām ekā svakṛtena karmaṇā sṛṣṭā svayaṃ devapatnī svayambhuvā; śrutvā rājan drupadeṣṭaṃ kuruṣva
Sanskrit only: no published translation is held for this verse.