Library·Mahābhārata (critical edition)·1·1.210
वैशंपायन उवाच सो ऽपरान्तेषु तीर्थानि पुण्यान्य् आयतनानि च सर्वाण्य् एवानुपूर्व्येण जगामामितविक्रमः
vaiśaṃpāyana uvāca so 'parānteṣu tīrthāni puṇyāny āyatanāni ca sarvāṇy evānupūrvyeṇa jagāmāmitavikramaḥ
Sanskrit only: no published translation is held for this verse.
समुद्रे पश्चिमे यानि तीर्थान्य् आयतनानि च तानि सर्वाणि गत्वा स प्रभासम् उपजग्मिवान्
samudre paścime yāni tīrthāny āyatanāni ca tāni sarvāṇi gatvā sa prabhāsam upajagmivān
Sanskrit only: no published translation is held for this verse.
प्रभासदेशं संप्राप्तं बीभत्सुम् अपराजितम् तीर्थान्य् अनुचरन्तं च शुश्राव मधुसूदनः
prabhāsadeśaṃ saṃprāptaṃ bībhatsum aparājitam tīrthāny anucarantaṃ ca śuśrāva madhusūdanaḥ
Sanskrit only: no published translation is held for this verse.
ततो ऽभ्यगच्छत् कौन्तेयम् अज्ञातो नाम माधवः ददृशाते तदान्योन्यं प्रभासे कृष्णपाण्डवौ
tato 'bhyagacchat kaunteyam ajñāto nāma mādhavaḥ dadṛśāte tadānyonyaṃ prabhāse kṛṣṇapāṇḍavau
Sanskrit only: no published translation is held for this verse.
ताव् अन्योन्यं समाश्लिष्य पृष्ट्वा च कुशलं वने आस्तां प्रियसखायौ तौ नरनारायणाव् ऋषी
tāv anyonyaṃ samāśliṣya pṛṣṭvā ca kuśalaṃ vane āstāṃ priyasakhāyau tau naranārāyaṇāv ṛṣī
Sanskrit only: no published translation is held for this verse.
ततो ऽर्जुनं वासुदेवस् तां चर्यां पर्यपृच्छत किमर्थं पाण्डवेमानि तीर्थान्य् अनुचरस्य् उत
tato 'rjunaṃ vāsudevas tāṃ caryāṃ paryapṛcchata kimarthaṃ pāṇḍavemāni tīrthāny anucarasy uta
Sanskrit only: no published translation is held for this verse.
ततो ऽर्जुनो यथावृत्तं सर्वम् आख्यातवांस् तदा श्रुत्वोवाच च वार्ष्णेय एवम् एतद् इति प्रभुः
tato 'rjuno yathāvṛttaṃ sarvam ākhyātavāṃs tadā śrutvovāca ca vārṣṇeya evam etad iti prabhuḥ
Sanskrit only: no published translation is held for this verse.
तौ विहृत्य यथाकामं प्रभासे कृष्णपाण्डवौ महीधरं रैवतकं वासायैवाभिजग्मतुः
tau vihṛtya yathākāmaṃ prabhāse kṛṣṇapāṇḍavau mahīdharaṃ raivatakaṃ vāsāyaivābhijagmatuḥ
Sanskrit only: no published translation is held for this verse.
पूर्वम् एव तु कृष्णस्य वचनात् तं महीधरम् पुरुषाः समलंचक्रुर् उपजह्रुश् च भोजनम्
pūrvam eva tu kṛṣṇasya vacanāt taṃ mahīdharam puruṣāḥ samalaṃcakrur upajahruś ca bhojanam
Sanskrit only: no published translation is held for this verse.
प्रतिगृह्यार्जुनः सर्वम् उपभुज्य च पाण्डवः सहैव वासुदेवेन दृष्टवान् नटनर्तकान्
pratigṛhyārjunaḥ sarvam upabhujya ca pāṇḍavaḥ sahaiva vāsudevena dṛṣṭavān naṭanartakān
Sanskrit only: no published translation is held for this verse.
अभ्यनुज्ञाप्य तान् सर्वान् अर्चयित्वा च पाण्डवः सत्कृतं शयनं दिव्यम् अभ्यगच्छन् महाद्युतिः
abhyanujñāpya tān sarvān arcayitvā ca pāṇḍavaḥ satkṛtaṃ śayanaṃ divyam abhyagacchan mahādyutiḥ
Sanskrit only: no published translation is held for this verse.
तीर्थानां दर्शनं चैव पर्वतानां च भारत आपगानां वनानां च कथयाम् आस सात्वते
tīrthānāṃ darśanaṃ caiva parvatānāṃ ca bhārata āpagānāṃ vanānāṃ ca kathayām āsa sātvate
Sanskrit only: no published translation is held for this verse.
स कथाः कथयन्न् एव निद्रया जनमेजय कौन्तेयो ऽपहृतस् तस्मिञ् शयने स्वर्गसंमिते
sa kathāḥ kathayann eva nidrayā janamejaya kaunteyo 'pahṛtas tasmiñ śayane svargasaṃmite
Sanskrit only: no published translation is held for this verse.
मधुरेण स गीतेन वीणाशब्देन चानघ प्रबोध्यमानो बुबुधे स्तुतिभिर् मङ्गलैस् तथा
madhureṇa sa gītena vīṇāśabdena cānagha prabodhyamāno bubudhe stutibhir maṅgalais tathā
Sanskrit only: no published translation is held for this verse.
स कृत्वावश्यकार्याणि वार्ष्णेयेनाभिनन्दितः रथेन काञ्चनाङ्गेन द्वारकाम् अभिजग्मिवान्
sa kṛtvāvaśyakāryāṇi vārṣṇeyenābhinanditaḥ rathena kāñcanāṅgena dvārakām abhijagmivān
Sanskrit only: no published translation is held for this verse.
अलंकृता द्वारका तु बभूव जनमेजय कुन्तीसुतस्य पूजार्थम् अपि निष्कुटकेष्व् अपि
alaṃkṛtā dvārakā tu babhūva janamejaya kuntīsutasya pūjārtham api niṣkuṭakeṣv api
Sanskrit only: no published translation is held for this verse.
दिदृक्षवश् च कौन्तेयं द्वारकावासिनो जनाः नरेन्द्रमार्गम् आजग्मुस् तूर्णं शतसहस्रशः
didṛkṣavaś ca kaunteyaṃ dvārakāvāsino janāḥ narendramārgam ājagmus tūrṇaṃ śatasahasraśaḥ
Sanskrit only: no published translation is held for this verse.
अवलोकेषु नारीणां सहस्राणि शतानि च भोजवृष्ण्यन्धकानां च समवायो महान् अभूत्
avalokeṣu nārīṇāṃ sahasrāṇi śatāni ca bhojavṛṣṇyandhakānāṃ ca samavāyo mahān abhūt
Sanskrit only: no published translation is held for this verse.
स तथा सत्कृतः सर्वैर् भोजवृष्ण्यन्धकात्मजैः अभिवाद्याभिवाद्यांश् च सर्वैश् च प्रतिनन्दितः
sa tathā satkṛtaḥ sarvair bhojavṛṣṇyandhakātmajaiḥ abhivādyābhivādyāṃś ca sarvaiś ca pratinanditaḥ
Sanskrit only: no published translation is held for this verse.
कुमारैः सर्वशो वीरः सत्कारेणाभिवादितः समानवयसः सर्वान् आश्लिष्य स पुनः पुनः
kumāraiḥ sarvaśo vīraḥ satkāreṇābhivāditaḥ samānavayasaḥ sarvān āśliṣya sa punaḥ punaḥ
Sanskrit only: no published translation is held for this verse.
कृष्णस्य भवने रम्ये रत्नभोज्यसमावृते उवास सह कृष्णेन बहुलास् तत्र शर्वरीः
kṛṣṇasya bhavane ramye ratnabhojyasamāvṛte uvāsa saha kṛṣṇena bahulās tatra śarvarīḥ
Sanskrit only: no published translation is held for this verse.