Mahābhārata (critical edition) 1.212

वैशंपायन उवाच ततः संवादिते तस्मिन्न् अनुज्ञातो धनंजयः गतां रैवतके कन्यां विदित्वा जनमेजय

vaiśaṃpāyana uvāca tataḥ saṃvādite tasminn anujñāto dhanaṃjayaḥ gatāṃ raivatake kanyāṃ viditvā janamejaya

Sanskrit only: no published translation is held for this verse.

वासुदेवाभ्यनुज्ञातः कथयित्वेतिकृत्यताम् कृष्णस्य मतम् आज्ञाय प्रययौ भरतर्षभः

vāsudevābhyanujñātaḥ kathayitvetikṛtyatām kṛṣṇasya matam ājñāya prayayau bharatarṣabhaḥ

Sanskrit only: no published translation is held for this verse.

रथेन काञ्चनाङ्गेन कल्पितेन यथाविधि सैन्यसुग्रीवयुक्तेन किङ्किणीजालमालिना

rathena kāñcanāṅgena kalpitena yathāvidhi sainyasugrīvayuktena kiṅkiṇījālamālinā

Sanskrit only: no published translation is held for this verse.

सर्वशस्त्रोपपन्नेन जीमूतरवनादिना ज्वलिताग्निप्रकाशेन द्विषतां हर्षघातिना

sarvaśastropapannena jīmūtaravanādinā jvalitāgniprakāśena dviṣatāṃ harṣaghātinā

Sanskrit only: no published translation is held for this verse.

संनद्धः कवची खड्गी बद्धगोधाङ्गुलित्रवान् मृगयाव्यपदेशेन यौगपद्येन भारत

saṃnaddhaḥ kavacī khaḍgī baddhagodhāṅgulitravān mṛgayāvyapadeśena yaugapadyena bhārata

Sanskrit only: no published translation is held for this verse.

सुभद्रा त्व् अथ शैलेन्द्रम् अभ्यर्च्य सह रैवतम् दैवतानि च सर्वाणि ब्राह्मणान् स्वस्ति वाच्य च

subhadrā tv atha śailendram abhyarcya saha raivatam daivatāni ca sarvāṇi brāhmaṇān svasti vācya ca

Sanskrit only: no published translation is held for this verse.

प्रदक्षिणं गिरिं कृत्वा प्रययौ द्वारकां प्रति ताम् अभिद्रुत्य कौन्तेयः प्रसह्यारोपयद् रथम्

pradakṣiṇaṃ giriṃ kṛtvā prayayau dvārakāṃ prati tām abhidrutya kaunteyaḥ prasahyāropayad ratham

Sanskrit only: no published translation is held for this verse.

ततः स पुरुषव्याघ्रस् ताम् आदाय शुचिस्मिताम् रथेनाकाशगेनैव प्रययौ स्वपुरं प्रति

tataḥ sa puruṣavyāghras tām ādāya śucismitām rathenākāśagenaiva prayayau svapuraṃ prati

Sanskrit only: no published translation is held for this verse.

ह्रियमाणां तु तां दृष्ट्वा सुभद्रां सैनिको जनः विक्रोशन् प्राद्रवत् सर्वो द्वारकाम् अभितः पुरीम्

hriyamāṇāṃ tu tāṃ dṛṣṭvā subhadrāṃ sainiko janaḥ vikrośan prādravat sarvo dvārakām abhitaḥ purīm

Sanskrit only: no published translation is held for this verse.

ते समासाद्य सहिताः सुधर्माम् अभितः सभाम् सभापालस्य तत् सर्वम् आचख्युः पार्थविक्रमम्

te samāsādya sahitāḥ sudharmām abhitaḥ sabhām sabhāpālasya tat sarvam ācakhyuḥ pārthavikramam

Sanskrit only: no published translation is held for this verse.

तेषां श्रुत्वा सभापालो भेरीं सांनाहिकीं ततः समाजघ्ने महाघोषां जाम्बूनदपरिष्कृताम्

teṣāṃ śrutvā sabhāpālo bherīṃ sāṃnāhikīṃ tataḥ samājaghne mahāghoṣāṃ jāmbūnadapariṣkṛtām

Sanskrit only: no published translation is held for this verse.

क्षुब्धास् तेनाथ शब्देन भोजवृष्ण्यन्धकास् तदा अन्नपानम् अपास्याथ समापेतुः सभां ततः

kṣubdhās tenātha śabdena bhojavṛṣṇyandhakās tadā annapānam apāsyātha samāpetuḥ sabhāṃ tataḥ

Sanskrit only: no published translation is held for this verse.

ततो जाम्बूनदाङ्गानि स्पर्ध्यास्तरणवन्ति च मणिविद्रुमचित्राणि ज्वलिताग्निप्रभाणि च

tato jāmbūnadāṅgāni spardhyāstaraṇavanti ca maṇividrumacitrāṇi jvalitāgniprabhāṇi ca

Sanskrit only: no published translation is held for this verse.

भेजिरे पुरुषव्याघ्रा वृष्ण्यन्धकमहारथाः सिंहासनानि शतशो धिष्ण्यानीव हुताशनाः

bhejire puruṣavyāghrā vṛṣṇyandhakamahārathāḥ siṃhāsanāni śataśo dhiṣṇyānīva hutāśanāḥ

Sanskrit only: no published translation is held for this verse.

तेषां समुपविष्टानां देवानाम् इव संनये आचख्यौ चेष्टितं जिष्णोः सभापालः सहानुगः

teṣāṃ samupaviṣṭānāṃ devānām iva saṃnaye ācakhyau ceṣṭitaṃ jiṣṇoḥ sabhāpālaḥ sahānugaḥ

Sanskrit only: no published translation is held for this verse.

तच् छ्रुत्वा वृष्णिवीरास् ते मदरक्तान्तलोचनाः अमृष्यमाणाः पार्थस्य समुत्पेतुर् अहंकृताः

tac chrutvā vṛṣṇivīrās te madaraktāntalocanāḥ amṛṣyamāṇāḥ pārthasya samutpetur ahaṃkṛtāḥ

Sanskrit only: no published translation is held for this verse.

योजयध्वं रथान् आशु प्रासान् आहरतेति च धनूंषि च महार्हाणि कवचानि बृहन्ति च

yojayadhvaṃ rathān āśu prāsān āharateti ca dhanūṃṣi ca mahārhāṇi kavacāni bṛhanti ca

Sanskrit only: no published translation is held for this verse.

सूतान् उच्चुक्रुशुः केच् चिद् रथान् योजयतेति च स्वयं च तुरगान् के चिन् निन्युर् हेमविभूषितान्

sūtān uccukruśuḥ kec cid rathān yojayateti ca svayaṃ ca turagān ke cin ninyur hemavibhūṣitān

Sanskrit only: no published translation is held for this verse.

रथेष्व् आनीयमानेषु कवचेषु ध्वजेषु च अभिक्रन्दे नृवीराणां तदासीत् संकुलं महत्

ratheṣv ānīyamāneṣu kavaceṣu dhvajeṣu ca abhikrande nṛvīrāṇāṃ tadāsīt saṃkulaṃ mahat

Sanskrit only: no published translation is held for this verse.

वनमाली ततः क्षीबः कैलासशिखरोपमः नीलवासा मदोत्सिक्त इदं वचनम् अब्रवीत्

vanamālī tataḥ kṣībaḥ kailāsaśikharopamaḥ nīlavāsā madotsikta idaṃ vacanam abravīt

Sanskrit only: no published translation is held for this verse.

किम् इदं कुरुथाप्रज्ञास् तूष्णीं भूते जनार्दने अस्य भावम् अविज्ञाय संक्रुद्धा मोघगर्जिताः

kim idaṃ kuruthāprajñās tūṣṇīṃ bhūte janārdane asya bhāvam avijñāya saṃkruddhā moghagarjitāḥ

Sanskrit only: no published translation is held for this verse.

एष तावद् अभिप्रायम् आख्यातु स्वं महामतिः यद् अस्य रुचितं कर्तुं तत् कुरुध्वम् अतन्द्रिताः

eṣa tāvad abhiprāyam ākhyātu svaṃ mahāmatiḥ yad asya rucitaṃ kartuṃ tat kurudhvam atandritāḥ

Sanskrit only: no published translation is held for this verse.

ततस् ते तद् वचः श्रुत्वा ग्राह्यरूपं हलायुधात् तूष्णीं भूतास् ततः सर्वे साधु साध्व् इति चाब्रुवन्

tatas te tad vacaḥ śrutvā grāhyarūpaṃ halāyudhāt tūṣṇīṃ bhūtās tataḥ sarve sādhu sādhv iti cābruvan

Sanskrit only: no published translation is held for this verse.

समं वचो निशम्येति बलदेवस्य धीमतः पुनर् एव सभामध्ये सर्वे तु समुपाविशन्

samaṃ vaco niśamyeti baladevasya dhīmataḥ punar eva sabhāmadhye sarve tu samupāviśan

Sanskrit only: no published translation is held for this verse.

ततो ऽब्रवीत् कामपालो वासुदेवं परंतपम् किम् अवाग् उपविष्टो ऽसि प्रेक्षमाणो जनार्दन

tato 'bravīt kāmapālo vāsudevaṃ paraṃtapam kim avāg upaviṣṭo 'si prekṣamāṇo janārdana

Sanskrit only: no published translation is held for this verse.

सत्कृतस् त्वत्कृते पार्थः सर्वैर् अस्माभिर् अच्युत न च सो ऽर्हति तां पूजां दुर्बुद्धिः कुलपांसनः

satkṛtas tvatkṛte pārthaḥ sarvair asmābhir acyuta na ca so 'rhati tāṃ pūjāṃ durbuddhiḥ kulapāṃsanaḥ

Sanskrit only: no published translation is held for this verse.

को हि तत्रैव भुक्त्वान्नं भाजनं भेत्तुम् अर्हति मन्यमानः कुले जातम् आत्मानं पुरुषः क्व चित्

ko hi tatraiva bhuktvānnaṃ bhājanaṃ bhettum arhati manyamānaḥ kule jātam ātmānaṃ puruṣaḥ kva cit

Sanskrit only: no published translation is held for this verse.

ईप्समानश् च संबन्धं कृतपूर्वं च मानयन् को हि नाम भवेनार्थी साहसेन समाचरेत्

īpsamānaś ca saṃbandhaṃ kṛtapūrvaṃ ca mānayan ko hi nāma bhavenārthī sāhasena samācaret

Sanskrit only: no published translation is held for this verse.

सो ऽवमन्य च नामास्मान् अनादृत्य च केशवम् प्रसह्य हृतवान् अद्य सुभद्रां मृत्युम् आत्मनः

so 'vamanya ca nāmāsmān anādṛtya ca keśavam prasahya hṛtavān adya subhadrāṃ mṛtyum ātmanaḥ

Sanskrit only: no published translation is held for this verse.

कथं हि शिरसो मध्ये पदं तेन कृतं मम मर्षयिष्यामि गोविन्द पादस्पर्शम् इवोरगः

kathaṃ hi śiraso madhye padaṃ tena kṛtaṃ mama marṣayiṣyāmi govinda pādasparśam ivoragaḥ

Sanskrit only: no published translation is held for this verse.

अद्य निष्कौरवाम् एकः करिष्यामि वसुंधराम् न हि मे मर्षणीयो ऽयम् अर्जुनस्य व्यतिक्रमः

adya niṣkauravām ekaḥ kariṣyāmi vasuṃdharām na hi me marṣaṇīyo 'yam arjunasya vyatikramaḥ

Sanskrit only: no published translation is held for this verse.

तं तथा गर्जमानं तु मेघदुन्दुभिनिःस्वनम् अन्वपद्यन्त ते सर्वे भोजवृष्ण्यन्धकास् तदा

taṃ tathā garjamānaṃ tu meghadundubhiniḥsvanam anvapadyanta te sarve bhojavṛṣṇyandhakās tadā

Sanskrit only: no published translation is held for this verse.