Library·Mahābhārata (critical edition)·1·1.215
वैशंपायन उवाच सो ऽब्रवीद् अर्जुनं चैव वासुदेवं च सात्वतम् लोकप्रवीरौ तिष्ठन्तौ खाण्डवस्य समीपतः
vaiśaṃpāyana uvāca so 'bravīd arjunaṃ caiva vāsudevaṃ ca sātvatam lokapravīrau tiṣṭhantau khāṇḍavasya samīpataḥ
Sanskrit only: no published translation is held for this verse.
ब्राह्मणो बहुभोक्तास्मि भुञ्जे ऽपरिमितं सदा भिक्षे वार्ष्णेयपार्थौ वाम् एकां तृप्तिं प्रयच्छताम्
brāhmaṇo bahubhoktāsmi bhuñje 'parimitaṃ sadā bhikṣe vārṣṇeyapārthau vām ekāṃ tṛptiṃ prayacchatām
Sanskrit only: no published translation is held for this verse.
एवम् उक्तौ तम् अब्रूतां ततस् तौ कृष्णपाण्डवौ केनान्नेन भवांस् तृप्येत् तस्यान्नस्य यतावहे
evam uktau tam abrūtāṃ tatas tau kṛṣṇapāṇḍavau kenānnena bhavāṃs tṛpyet tasyānnasya yatāvahe
Sanskrit only: no published translation is held for this verse.
एवम् उक्तः स भगवान् अब्रवीत् ताव् उभौ ततः भाषमाणौ तदा वीरौ किम् अन्नं क्रियताम् इति
evam uktaḥ sa bhagavān abravīt tāv ubhau tataḥ bhāṣamāṇau tadā vīrau kim annaṃ kriyatām iti
Sanskrit only: no published translation is held for this verse.
नाहम् अन्नं बुभुक्षे वै पावकं मां निबोधतम् यदन्नम् अनुरूपं मे तद् युवां संप्रयच्छतम्
nāham annaṃ bubhukṣe vai pāvakaṃ māṃ nibodhatam yadannam anurūpaṃ me tad yuvāṃ saṃprayacchatam
Sanskrit only: no published translation is held for this verse.
इदम् इन्द्रः सदा दावं खाण्डवं परिरक्षति तं न शक्नोम्य् अहं दग्धुं रक्ष्यमाणं महात्मना
idam indraḥ sadā dāvaṃ khāṇḍavaṃ parirakṣati taṃ na śaknomy ahaṃ dagdhuṃ rakṣyamāṇaṃ mahātmanā
Sanskrit only: no published translation is held for this verse.
वसत्य् अत्र सखा तस्य तक्षकः पन्नगः सदा सगणस् तत्कृते दावं परिरक्षति वज्रभृत्
vasaty atra sakhā tasya takṣakaḥ pannagaḥ sadā sagaṇas tatkṛte dāvaṃ parirakṣati vajrabhṛt
Sanskrit only: no published translation is held for this verse.
तत्र भूतान्य् अनेकानि रक्ष्यन्ते स्म प्रसङ्गतः तं दिधक्षुर् न शक्नोमि दग्धुं शक्रस्य तेजसा
tatra bhūtāny anekāni rakṣyante sma prasaṅgataḥ taṃ didhakṣur na śaknomi dagdhuṃ śakrasya tejasā
Sanskrit only: no published translation is held for this verse.
स मां प्रज्वलितं दृष्ट्वा मेघाम्भोभिः प्रवर्षति ततो दग्धुं न शक्नोमि दिधक्षुर् दावम् ईप्सितम्
sa māṃ prajvalitaṃ dṛṣṭvā meghāmbhobhiḥ pravarṣati tato dagdhuṃ na śaknomi didhakṣur dāvam īpsitam
Sanskrit only: no published translation is held for this verse.
स युवाभ्यां सहायाभ्याम् अस्त्रविद्भ्यां समागतः दहेयं खाण्डवं दावम् एतद् अन्नं वृतं मया
sa yuvābhyāṃ sahāyābhyām astravidbhyāṃ samāgataḥ daheyaṃ khāṇḍavaṃ dāvam etad annaṃ vṛtaṃ mayā
Sanskrit only: no published translation is held for this verse.
युवां ह्य् उदकधारास् ता भूतानि च समन्ततः उत्तमास्त्रविदो सम्यक् सर्वतो वारयिष्यथः
yuvāṃ hy udakadhārās tā bhūtāni ca samantataḥ uttamāstravido samyak sarvato vārayiṣyathaḥ
Sanskrit only: no published translation is held for this verse.
एवम् उक्ते प्रत्युवाच बीभत्सुर् जातवेदसम् दिधक्षुं खाण्डवं दावम् अकामस्य शतक्रतोः
evam ukte pratyuvāca bībhatsur jātavedasam didhakṣuṃ khāṇḍavaṃ dāvam akāmasya śatakratoḥ
Sanskrit only: no published translation is held for this verse.
उत्तमास्त्राणि मे सन्ति दिव्यानि च बहूनि च यैर् अहं शक्नुयां योद्धुम् अपि वज्रधरान् बहून्
uttamāstrāṇi me santi divyāni ca bahūni ca yair ahaṃ śaknuyāṃ yoddhum api vajradharān bahūn
Sanskrit only: no published translation is held for this verse.
धनुर् मे नास्ति भगवन् बाहुवीर्येण संमितम् कुर्वतः समरे यत्नं वेगं यद् विषहेत मे
dhanur me nāsti bhagavan bāhuvīryeṇa saṃmitam kurvataḥ samare yatnaṃ vegaṃ yad viṣaheta me
Sanskrit only: no published translation is held for this verse.
शरैश् च मे ऽर्थो बहुभिर् अक्षयैः क्षिप्रम् अस्यतः न हि वोढुं रथः शक्तः शरान् मम यथेप्सितान्
śaraiś ca me 'rtho bahubhir akṣayaiḥ kṣipram asyataḥ na hi voḍhuṃ rathaḥ śaktaḥ śarān mama yathepsitān
Sanskrit only: no published translation is held for this verse.
अश्वांश् च दिव्यान् इच्छेयं पाण्डुरान् वातरंहसः रथं च मेघनिर्घोषं सूर्यप्रतिमतेजसम्
aśvāṃś ca divyān iccheyaṃ pāṇḍurān vātaraṃhasaḥ rathaṃ ca meghanirghoṣaṃ sūryapratimatejasam
Sanskrit only: no published translation is held for this verse.
तथा कृष्णस्य वीर्येण नायुधं विद्यते समम् येन नागान् पिशाचांश् च निहन्यान् माधवो रणे
tathā kṛṣṇasya vīryeṇa nāyudhaṃ vidyate samam yena nāgān piśācāṃś ca nihanyān mādhavo raṇe
Sanskrit only: no published translation is held for this verse.
उपायं कर्मणः सिद्धौ भगवन् वक्तुम् अर्हसि निवारयेयं येनेन्द्रं वर्षमाणं महावने
upāyaṃ karmaṇaḥ siddhau bhagavan vaktum arhasi nivārayeyaṃ yenendraṃ varṣamāṇaṃ mahāvane
Sanskrit only: no published translation is held for this verse.
पौरुषेण तु यत् कार्यं तत् कर्तारौ स्व पावक करणानि समर्थानि भगवन् दातुम् अर्हसि
pauruṣeṇa tu yat kāryaṃ tat kartārau sva pāvaka karaṇāni samarthāni bhagavan dātum arhasi
Sanskrit only: no published translation is held for this verse.