Library·Mahābhārata (critical edition)·1·1.217
वैशंपायन उवाच तौ रथाभ्यां नरव्याघ्रौ दावस्योभयतः स्थितौ दिक्षु सर्वासु भूतानां चक्राते कदनं महत्
vaiśaṃpāyana uvāca tau rathābhyāṃ naravyāghrau dāvasyobhayataḥ sthitau dikṣu sarvāsu bhūtānāṃ cakrāte kadanaṃ mahat
Sanskrit only: no published translation is held for this verse.
यत्र यत्र हि दृश्यन्ते प्राणिनः खाण्डवालयाः पलायन्तस् तत्र तत्र तौ वीरौ पर्यधावताम्
yatra yatra hi dṛśyante prāṇinaḥ khāṇḍavālayāḥ palāyantas tatra tatra tau vīrau paryadhāvatām
Sanskrit only: no published translation is held for this verse.
छिद्रं हि न प्रपश्यन्ति रथयोर् आशुविक्रमात् आविद्धाव् इव दृश्येते रथिनौ तौ रथोत्तमौ
chidraṃ hi na prapaśyanti rathayor āśuvikramāt āviddhāv iva dṛśyete rathinau tau rathottamau
Sanskrit only: no published translation is held for this verse.
खाण्डवे दह्यमाने तु भूतान्य् अथ सहस्रशः उत्पेतुर् भैरवान् नादान् विनदन्तो दिशो दश
khāṇḍave dahyamāne tu bhūtāny atha sahasraśaḥ utpetur bhairavān nādān vinadanto diśo daśa
Sanskrit only: no published translation is held for this verse.
दग्धैकदेशा बहवो निष्टप्ताश् च तथापरे स्फुटिताक्षा विशीर्णाश् च विप्लुताश् च विचेतसः
dagdhaikadeśā bahavo niṣṭaptāś ca tathāpare sphuṭitākṣā viśīrṇāś ca viplutāś ca vicetasaḥ
Sanskrit only: no published translation is held for this verse.
समालिङ्ग्य सुतान् अन्ये पितॄन् मातॄंस् तथापरे त्यक्तुं न शेकुः स्नेहेन तथैव निधनं गताः
samāliṅgya sutān anye pitṝn mātṝṃs tathāpare tyaktuṃ na śekuḥ snehena tathaiva nidhanaṃ gatāḥ
Sanskrit only: no published translation is held for this verse.
विकृतैर् दर्शनैर् अन्ये समुत्पेतुः सहस्रशः तत्र तत्र विघूर्णन्तः पुनर् अग्नौ प्रपेदिरे
vikṛtair darśanair anye samutpetuḥ sahasraśaḥ tatra tatra vighūrṇantaḥ punar agnau prapedire
Sanskrit only: no published translation is held for this verse.
दग्धपक्षाक्षिचरणा विचेष्टन्तो महीतले तत्र तत्र स्म दृश्यन्ते विनश्यन्तः शरीरिणः
dagdhapakṣākṣicaraṇā viceṣṭanto mahītale tatra tatra sma dṛśyante vinaśyantaḥ śarīriṇaḥ
Sanskrit only: no published translation is held for this verse.
जलस्थानेषु सर्वेषु क्वाथ्यमानेषु भारत गतसत्त्वाः स्म दृश्यन्ते कूर्ममत्स्याः सहस्रशः
jalasthāneṣu sarveṣu kvāthyamāneṣu bhārata gatasattvāḥ sma dṛśyante kūrmamatsyāḥ sahasraśaḥ
Sanskrit only: no published translation is held for this verse.
शरीरैः संप्रदीप्तैश् च देहवन्त इवाग्नयः अदृश्यन्त वने तस्मिन् प्राणिनः प्राणसंक्षये
śarīraiḥ saṃpradīptaiś ca dehavanta ivāgnayaḥ adṛśyanta vane tasmin prāṇinaḥ prāṇasaṃkṣaye
Sanskrit only: no published translation is held for this verse.
तांस् तथोत्पततः पार्थः शरैः संछिद्य खण्डशः दीप्यमाने ततः प्रास्यत् प्रहसन् कृष्णवर्त्मनि
tāṃs tathotpatataḥ pārthaḥ śaraiḥ saṃchidya khaṇḍaśaḥ dīpyamāne tataḥ prāsyat prahasan kṛṣṇavartmani
Sanskrit only: no published translation is held for this verse.
ते शराचितसर्वाङ्गा विनदन्तो महारवान् ऊर्ध्वम् उत्पत्य वेगेन निपेतुः पावके पुनः
te śarācitasarvāṅgā vinadanto mahāravān ūrdhvam utpatya vegena nipetuḥ pāvake punaḥ
Sanskrit only: no published translation is held for this verse.
शरैर् अभ्याहतानां च दह्यतां च वनौकसाम् विरावः श्रूयते ह स्म समुद्रस्येव मथ्यतः
śarair abhyāhatānāṃ ca dahyatāṃ ca vanaukasām virāvaḥ śrūyate ha sma samudrasyeva mathyataḥ
Sanskrit only: no published translation is held for this verse.
वह्नेश् चापि प्रहृष्टस्य खम् उत्पेतुर् महार्चिषः जनयाम् आसुर् उद्वेगं सुमहान्तं दिवौकसाम्
vahneś cāpi prahṛṣṭasya kham utpetur mahārciṣaḥ janayām āsur udvegaṃ sumahāntaṃ divaukasām
Sanskrit only: no published translation is held for this verse.
ततो जग्मुर् महात्मानः सर्व एव दिवौकसः शरणं देवराजानं सहस्राक्षं पुरंदरम्
tato jagmur mahātmānaḥ sarva eva divaukasaḥ śaraṇaṃ devarājānaṃ sahasrākṣaṃ puraṃdaram
Sanskrit only: no published translation is held for this verse.
देवा ऊचुः किं न्व् इमे मानवाः सर्वे दह्यन्ते कृष्णवर्त्मना कच्चिन् न संक्षयः प्राप्तो लोकानाम् अमरेश्वर
devā ūcuḥ kiṃ nv ime mānavāḥ sarve dahyante kṛṣṇavartmanā kaccin na saṃkṣayaḥ prāpto lokānām amareśvara
Sanskrit only: no published translation is held for this verse.
वैशंपायन उवाच तच् छ्रुत्वा वृत्रहा तेभ्यः स्वयम् एवान्ववेक्ष्य च खाण्डवस्य विमोक्षार्थं प्रययौ हरिवाहनः
vaiśaṃpāyana uvāca tac chrutvā vṛtrahā tebhyaḥ svayam evānvavekṣya ca khāṇḍavasya vimokṣārthaṃ prayayau harivāhanaḥ
Sanskrit only: no published translation is held for this verse.
महता मेघजालेन नानारूपेण वज्रभृत् आकाशं समवस्तीर्य प्रववर्ष सुरेश्वरः
mahatā meghajālena nānārūpeṇa vajrabhṛt ākāśaṃ samavastīrya pravavarṣa sureśvaraḥ
Sanskrit only: no published translation is held for this verse.
ततो ऽक्षमात्रा विसृजन् धाराः शतसहस्रशः अभ्यवर्षत् सहस्राक्षः पावकं खाण्डवं प्रति
tato 'kṣamātrā visṛjan dhārāḥ śatasahasraśaḥ abhyavarṣat sahasrākṣaḥ pāvakaṃ khāṇḍavaṃ prati
Sanskrit only: no published translation is held for this verse.
असंप्राप्तास् तु ता धारास् तेजसा जातवेदसः ख एव समशुष्यन्त न काश् चित् पावकं गताः
asaṃprāptās tu tā dhārās tejasā jātavedasaḥ kha eva samaśuṣyanta na kāś cit pāvakaṃ gatāḥ
Sanskrit only: no published translation is held for this verse.
ततो नमुचिहा क्रुद्धो भृशम् अर्चिष्मतस् तदा पुनर् एवाभ्यवर्षत् तम् अम्भः प्रविसृजन् बहु
tato namucihā kruddho bhṛśam arciṣmatas tadā punar evābhyavarṣat tam ambhaḥ pravisṛjan bahu
Sanskrit only: no published translation is held for this verse.
अर्चिर् धाराभिसंबद्धं धूमविद्युत्समाकुलम् बभूव तद् वनं घोरं स्तनयित्नुसघोषवत्
arcir dhārābhisaṃbaddhaṃ dhūmavidyutsamākulam babhūva tad vanaṃ ghoraṃ stanayitnusaghoṣavat
Sanskrit only: no published translation is held for this verse.