Mahābhārata (critical edition) 1.22

सूत उवाच एवं स्तुतस् तदा कद्र्वा भगवान् हरिवाहनः नीलजीमूतसंघातैर् व्योम सर्वं समावृणोत्

sūta uvāca evaṃ stutas tadā kadrvā bhagavān harivāhanaḥ nīlajīmūtasaṃghātair vyoma sarvaṃ samāvṛṇot

Sanskrit only: no published translation is held for this verse.

ते मेघा मुमुचुस् तोयं प्रभूतं विद्युदुज्ज्वलाः परस्परम् इवात्यर्थं गर्जन्तः सततं दिवि

te meghā mumucus toyaṃ prabhūtaṃ vidyudujjvalāḥ parasparam ivātyarthaṃ garjantaḥ satataṃ divi

Sanskrit only: no published translation is held for this verse.

संघातितम् इवाकाशं जलदैः सुमहाद्भुतैः सृजद्भिर् अतुलं तोयम् अजस्रं सुमहारवैः

saṃghātitam ivākāśaṃ jaladaiḥ sumahādbhutaiḥ sṛjadbhir atulaṃ toyam ajasraṃ sumahāravaiḥ

Sanskrit only: no published translation is held for this verse.

संप्रनृत्तम् इवाकाशं धारोर्मिभिर् अनेकशः मेघस्तनितनिर्घोषम् अम्बरं समपद्यत

saṃpranṛttam ivākāśaṃ dhārormibhir anekaśaḥ meghastanitanirghoṣam ambaraṃ samapadyata

Sanskrit only: no published translation is held for this verse.

नागानाम् उत्तमो हर्शस् तदा वर्षति वासवे आपूर्यत मही चापि सलिलेन समन्ततः

nāgānām uttamo harśas tadā varṣati vāsave āpūryata mahī cāpi salilena samantataḥ

Sanskrit only: no published translation is held for this verse.