Library·Mahābhārata (critical edition)·1·1.52
शौनक उवाच ये सर्पाः सर्पसत्रे ऽस्मिन् पतिता हव्यवाहने तेषां नामानि सर्वेषां श्रोतुम् इच्छामि सूतज
śaunaka uvāca ye sarpāḥ sarpasatre 'smin patitā havyavāhane teṣāṃ nāmāni sarveṣāṃ śrotum icchāmi sūtaja
Sanskrit only: no published translation is held for this verse.
सूत उवाच सहस्राणि बहून्य् अस्मिन् प्रयुतान्य् अर्बुदानि च न शक्यं परिसंख्यातुं बहुत्वाद् वेदवित्तम
sūta uvāca sahasrāṇi bahūny asmin prayutāny arbudāni ca na śakyaṃ parisaṃkhyātuṃ bahutvād vedavittama
Sanskrit only: no published translation is held for this verse.
यथास्मृति तु नामानि पन्नगानां निबोध मे उच्यमानानि मुख्यानां हुतानां जातवेदसि
yathāsmṛti tu nāmāni pannagānāṃ nibodha me ucyamānāni mukhyānāṃ hutānāṃ jātavedasi
Sanskrit only: no published translation is held for this verse.
वासुकेः कुलजांस् तावत् प्राधान्येन निबोध मे नीलरक्तान् सितान् घोरान् महाकायान् विषोल्बणान्
vāsukeḥ kulajāṃs tāvat prādhānyena nibodha me nīlaraktān sitān ghorān mahākāyān viṣolbaṇān
Sanskrit only: no published translation is held for this verse.
कोटिको मानसः पूर्णः सहः पैलो हलीसकः पिच्छिलः कोणपश् चक्रः कोणवेगः प्रकालनः
koṭiko mānasaḥ pūrṇaḥ sahaḥ pailo halīsakaḥ picchilaḥ koṇapaś cakraḥ koṇavegaḥ prakālanaḥ
Sanskrit only: no published translation is held for this verse.
हिरण्यवाहः शरणः कक्षकः कालदन्तकः एते वासुकिजा नागाः प्रविष्टा हव्यवाहनम्
hiraṇyavāhaḥ śaraṇaḥ kakṣakaḥ kāladantakaḥ ete vāsukijā nāgāḥ praviṣṭā havyavāhanam
Sanskrit only: no published translation is held for this verse.
तक्षकस्य कुले जातान् प्रवक्ष्यामि निबोध तान् पुच्छण्डको मण्डलकः पिण्डभेत्ता रभेणकः
takṣakasya kule jātān pravakṣyāmi nibodha tān pucchaṇḍako maṇḍalakaḥ piṇḍabhettā rabheṇakaḥ
Sanskrit only: no published translation is held for this verse.
उच्छिखः सुरसो द्रङ्गो बलहेडो विरोहणः शिलीशलकरो मूकः सुकुमारः प्रवेपनः
ucchikhaḥ suraso draṅgo balaheḍo virohaṇaḥ śilīśalakaro mūkaḥ sukumāraḥ pravepanaḥ
Sanskrit only: no published translation is held for this verse.
मुद्गरः शशरोमा च सुमना वेगवाहनः एते तक्षकजा नागाः प्रविष्टा हव्यवाहनम्
mudgaraḥ śaśaromā ca sumanā vegavāhanaḥ ete takṣakajā nāgāḥ praviṣṭā havyavāhanam
Sanskrit only: no published translation is held for this verse.
पारावतः पारियात्रः पाण्डरो हरिणः कृशः विहंगः शरभो मोदः प्रमोदः संहताङ्गदः
pārāvataḥ pāriyātraḥ pāṇḍaro hariṇaḥ kṛśaḥ vihaṃgaḥ śarabho modaḥ pramodaḥ saṃhatāṅgadaḥ
Sanskrit only: no published translation is held for this verse.
ऐरावतकुलाद् एते प्रैविष्टा हव्यवाहनम् कौरव्यकुलजान् नागाञ् शृणु मे द्विजसत्तम
airāvatakulād ete praiviṣṭā havyavāhanam kauravyakulajān nāgāñ śṛṇu me dvijasattama
Sanskrit only: no published translation is held for this verse.
ऐण्डिलः कुण्डलो मुण्डो वेणिस्कन्धः कुमारकः बाहुकः शृङ्गवेगश् च धूर्तकः पातपातरौ
aiṇḍilaḥ kuṇḍalo muṇḍo veṇiskandhaḥ kumārakaḥ bāhukaḥ śṛṅgavegaś ca dhūrtakaḥ pātapātarau
Sanskrit only: no published translation is held for this verse.
धृतराष्ट्रकुले जाताञ् शृणु नागान् यथातथम् कीर्त्यमानान् मया ब्रह्मन् वातवेगान् विषोल्बणान्
dhṛtarāṣṭrakule jātāñ śṛṇu nāgān yathātatham kīrtyamānān mayā brahman vātavegān viṣolbaṇān
Sanskrit only: no published translation is held for this verse.
शङ्कुकर्णः पिङ्गलकः कुठारमुखमेचकौ पूर्णाङ्गदः पूर्णमुखः प्रहसः शकुनिर् हरिः
śaṅkukarṇaḥ piṅgalakaḥ kuṭhāramukhamecakau pūrṇāṅgadaḥ pūrṇamukhaḥ prahasaḥ śakunir hariḥ
Sanskrit only: no published translation is held for this verse.
आमाहठः कोमठकः श्वसनो मानवो वटः भैरवो मुण्डवेदाङ्गः पिशङ्गश् चोद्रपारगः
āmāhaṭhaḥ komaṭhakaḥ śvasano mānavo vaṭaḥ bhairavo muṇḍavedāṅgaḥ piśaṅgaś codrapāragaḥ
Sanskrit only: no published translation is held for this verse.
ऋषभो वेगवान् नाम पिण्डारकमहाहनू रक्ताङ्गः सर्वसारङ्गः समृद्धः पाटराक्षसौ
ṛṣabho vegavān nāma piṇḍārakamahāhanū raktāṅgaḥ sarvasāraṅgaḥ samṛddhaḥ pāṭarākṣasau
Sanskrit only: no published translation is held for this verse.
वराहको वारणकः सुमित्रश् चित्रवेदिकः पराशरस् तरुणको मणिस्कन्धस् तथारुणिः
varāhako vāraṇakaḥ sumitraś citravedikaḥ parāśaras taruṇako maṇiskandhas tathāruṇiḥ
Sanskrit only: no published translation is held for this verse.
इति नागा मया ब्रह्मन् कीर्तिताः कीर्तिवर्धनाः प्राधान्येन बहुत्वात् तु न सर्वे परिकीर्तिताः
iti nāgā mayā brahman kīrtitāḥ kīrtivardhanāḥ prādhānyena bahutvāt tu na sarve parikīrtitāḥ
Sanskrit only: no published translation is held for this verse.
एतेषां पुत्रपौत्रास् तु प्रसवस्य च संततिः न शक्याः परिसंख्यातुं ये दीप्तं पावकं गताः
eteṣāṃ putrapautrās tu prasavasya ca saṃtatiḥ na śakyāḥ parisaṃkhyātuṃ ye dīptaṃ pāvakaṃ gatāḥ
Sanskrit only: no published translation is held for this verse.
सप्तशीर्षा द्विशीर्षाश् च पञ्चशीर्षास् तथापरे कालानलविषा घोरा हुताः शतसहस्रशः
saptaśīrṣā dviśīrṣāś ca pañcaśīrṣās tathāpare kālānalaviṣā ghorā hutāḥ śatasahasraśaḥ
Sanskrit only: no published translation is held for this verse.
महाकाया महावीर्याः शैलशृङ्गसमुच्छ्रयाः योजनायामविस्तारा द्वियोजनसमायताः
mahākāyā mahāvīryāḥ śailaśṛṅgasamucchrayāḥ yojanāyāmavistārā dviyojanasamāyatāḥ
Sanskrit only: no published translation is held for this verse.
कामरूपाः कामगमा दीप्तानलविषोल्बणाः दग्धास् तत्र महासत्रे ब्रह्मदण्डनिपीडिताः
kāmarūpāḥ kāmagamā dīptānalaviṣolbaṇāḥ dagdhās tatra mahāsatre brahmadaṇḍanipīḍitāḥ
Sanskrit only: no published translation is held for this verse.