Mahābhārata (critical edition) 1.66

शकुन्तलोवाच एवम् उक्तस् तया शक्रः संदिदेश सदागतिम् प्रातिष्ठत तदा काले मेनका वायुना सह

śakuntalovāca evam uktas tayā śakraḥ saṃdideśa sadāgatim prātiṣṭhata tadā kāle menakā vāyunā saha

Sanskrit only: no published translation is held for this verse.

अथापश्यद् वरारोहा तपसा दग्धकिल्बिषम् विश्वामित्रं तपस्यन्तं मेनका भीरुर् आश्रमे

athāpaśyad varārohā tapasā dagdhakilbiṣam viśvāmitraṃ tapasyantaṃ menakā bhīrur āśrame

Sanskrit only: no published translation is held for this verse.

अभिवाद्य ततः सा तं प्राक्रीडद् ऋषिसंनिधौ अपोवाह च वासो ऽस्या मारुतः शशिसंनिभम्

abhivādya tataḥ sā taṃ prākrīḍad ṛṣisaṃnidhau apovāha ca vāso 'syā mārutaḥ śaśisaṃnibham

Sanskrit only: no published translation is held for this verse.

सागच्छत् त्वरिता भूमिं वासस् तद् अभिलिङ्गती उत्स्मयन्तीव सव्रीडं मारुतं वरवर्णिनी

sāgacchat tvaritā bhūmiṃ vāsas tad abhiliṅgatī utsmayantīva savrīḍaṃ mārutaṃ varavarṇinī

Sanskrit only: no published translation is held for this verse.

गृद्धां वाससि संभ्रान्तां मेनकां मुनिसत्तमः अनिर्देश्यवयोरूपाम् अपश्यद् विवृतां तदा

gṛddhāṃ vāsasi saṃbhrāntāṃ menakāṃ munisattamaḥ anirdeśyavayorūpām apaśyad vivṛtāṃ tadā

Sanskrit only: no published translation is held for this verse.

तस्या रूपगुणं दृष्ट्वा स तु विप्रर्षभस् तदा चकार भावं संसर्गे तया कामवशं गतः

tasyā rūpaguṇaṃ dṛṣṭvā sa tu viprarṣabhas tadā cakāra bhāvaṃ saṃsarge tayā kāmavaśaṃ gataḥ

Sanskrit only: no published translation is held for this verse.

न्यमन्त्रयत चाप्य् एनां सा चाप्य् ऐच्छद् अनिन्दिता तौ तत्र सुचिरं कालं वने व्यहरताम् उभौ रममाणौ यथाकामं यथैकदिवसं तथा

nyamantrayata cāpy enāṃ sā cāpy aicchad aninditā tau tatra suciraṃ kālaṃ vane vyaharatām ubhau ramamāṇau yathākāmaṃ yathaikadivasaṃ tathā

Sanskrit only: no published translation is held for this verse.

जनयाम् आस स मुनिर् मेनकायां शकुन्तलाम् प्रस्थे हिमवतो रम्ये मालिनीम् अभितो नदीम्

janayām āsa sa munir menakāyāṃ śakuntalām prasthe himavato ramye mālinīm abhito nadīm

Sanskrit only: no published translation is held for this verse.

जातम् उत्सृज्य तं गर्भं मेनका मालिनीम् अनु कृतकार्या ततस् तूर्णम् अगच्छच् छक्रसंसदम्

jātam utsṛjya taṃ garbhaṃ menakā mālinīm anu kṛtakāryā tatas tūrṇam agacchac chakrasaṃsadam

Sanskrit only: no published translation is held for this verse.

तं वने विजने गर्भं सिंहव्याघ्रसमाकुले दृष्ट्वा शयानं शकुनाः समन्तात् पर्यवारयन्

taṃ vane vijane garbhaṃ siṃhavyāghrasamākule dṛṣṭvā śayānaṃ śakunāḥ samantāt paryavārayan

Sanskrit only: no published translation is held for this verse.

नेमां हिंस्युर् वने बालां क्रव्यादा मांसगृद्धिनः पर्यरक्षन्त तां तत्र शकुन्ता मेनकात्मजाम्

nemāṃ hiṃsyur vane bālāṃ kravyādā māṃsagṛddhinaḥ paryarakṣanta tāṃ tatra śakuntā menakātmajām

Sanskrit only: no published translation is held for this verse.

उपस्प्रष्टुं गतश् चाहम् अपश्यं शयिताम् इमाम् निर्जने विपिने ऽरण्ये शकुन्तैः परिवारिताम् आनयित्वा ततश् चैनां दुहितृत्वे न्ययोजयम्

upaspraṣṭuṃ gataś cāham apaśyaṃ śayitām imām nirjane vipine 'raṇye śakuntaiḥ parivāritām ānayitvā tataś caināṃ duhitṛtve nyayojayam

Sanskrit only: no published translation is held for this verse.

शरीरकृत् प्राणदाता यस्य चान्नानि भुञ्जते क्रमेण ते त्रयो ऽप्य् उक्ताः पितरो धर्मनिश्चये

śarīrakṛt prāṇadātā yasya cānnāni bhuñjate krameṇa te trayo 'py uktāḥ pitaro dharmaniścaye

Sanskrit only: no published translation is held for this verse.

निर्जने च वने यस्माच् छकुन्तैः परिरक्षिता शकुन्तलेति नामास्याः कृतं चापि ततो मया

nirjane ca vane yasmāc chakuntaiḥ parirakṣitā śakuntaleti nāmāsyāḥ kṛtaṃ cāpi tato mayā

Sanskrit only: no published translation is held for this verse.

एवं दुहितरं विद्धि मम सौम्य शकुन्तलाम् शकुन्तला च पितरं मन्यते माम् अनिन्दिता

evaṃ duhitaraṃ viddhi mama saumya śakuntalām śakuntalā ca pitaraṃ manyate mām aninditā

Sanskrit only: no published translation is held for this verse.

एतद् आचष्ट पृष्टः सन् मम जन्म महर्षये सुतां कण्वस्य माम् एवं विद्धि त्वं मनुजाधिप

etad ācaṣṭa pṛṣṭaḥ san mama janma maharṣaye sutāṃ kaṇvasya mām evaṃ viddhi tvaṃ manujādhipa

Sanskrit only: no published translation is held for this verse.

कण्वं हि पितरं मन्ये पितरं स्वम् अजानती इति ते कथितं राजन् यथावृत्तं श्रुतं मया

kaṇvaṃ hi pitaraṃ manye pitaraṃ svam ajānatī iti te kathitaṃ rājan yathāvṛttaṃ śrutaṃ mayā

Sanskrit only: no published translation is held for this verse.