Mahābhārata (critical edition) 1.74

शुक्र उवाच यः परेषां नरो नित्यम् अतिवादांस् तितिक्षति देवयानि विजानीहि तेन सर्वम् इदं जितम्

śukra uvāca yaḥ pareṣāṃ naro nityam ativādāṃs titikṣati devayāni vijānīhi tena sarvam idaṃ jitam

Sanskrit only: no published translation is held for this verse.

यः समुत्पतितं क्रोधं निगृह्णाति हयं यथा स यन्तेत्य् उच्यते सद्भिर् न यो रश्मिषु लम्बते

yaḥ samutpatitaṃ krodhaṃ nigṛhṇāti hayaṃ yathā sa yantety ucyate sadbhir na yo raśmiṣu lambate

Sanskrit only: no published translation is held for this verse.

यः समुत्पतितं क्रोधम् अक्रोधेन निरस्यति देवयानि विजानीहि तेन सर्वम् इदं जितम्

yaḥ samutpatitaṃ krodham akrodhena nirasyati devayāni vijānīhi tena sarvam idaṃ jitam

Sanskrit only: no published translation is held for this verse.

यः समुत्पतितं क्रोधं क्षमयेह निरस्यति यथोरगस् त्वचं जीर्णां स वै पुरुष उच्यते

yaḥ samutpatitaṃ krodhaṃ kṣamayeha nirasyati yathoragas tvacaṃ jīrṇāṃ sa vai puruṣa ucyate

Sanskrit only: no published translation is held for this verse.

यः संधारयते मन्युं यो ऽतिवादांस् तितिक्षति यश् च तप्तो न तपति दृढं सो ऽर्थस्य भाजनम्

yaḥ saṃdhārayate manyuṃ yo 'tivādāṃs titikṣati yaś ca tapto na tapati dṛḍhaṃ so 'rthasya bhājanam

Sanskrit only: no published translation is held for this verse.

यो यजेद् अपरिश्रान्तो मासि मासि शतं समाः न क्रुध्येद् यश् च सर्वस्य तयोर् अक्रोधनो ऽधिकः

yo yajed apariśrānto māsi māsi śataṃ samāḥ na krudhyed yaś ca sarvasya tayor akrodhano 'dhikaḥ

Sanskrit only: no published translation is held for this verse.

यत् कुमाराः कुमार्यश् च वैरं कुर्युर् अचेतसः न तत् प्राज्ञो ऽनुकुर्वीत विदुस् ते न बलाबलम्

yat kumārāḥ kumāryaś ca vairaṃ kuryur acetasaḥ na tat prājño 'nukurvīta vidus te na balābalam

Sanskrit only: no published translation is held for this verse.

देवयान्य् उवाच वेदाहं तात बालापि धर्माणां यद् इहान्तरम् अक्रोधे चातिवादे च वेद चापि बलाबलम्

devayāny uvāca vedāhaṃ tāta bālāpi dharmāṇāṃ yad ihāntaram akrodhe cātivāde ca veda cāpi balābalam

Sanskrit only: no published translation is held for this verse.

शिष्यस्याशिष्यवृत्तेर् हि न क्षन्तव्यं बुभूषता तस्मात् संकीर्णवृत्तेषु वासो मम न रोचते

śiṣyasyāśiṣyavṛtter hi na kṣantavyaṃ bubhūṣatā tasmāt saṃkīrṇavṛtteṣu vāso mama na rocate

Sanskrit only: no published translation is held for this verse.

पुमांसो ये हि निन्दन्ति वृत्तेनाभिजनेन च न तेषु निवसेत् प्राज्ञः श्रेयोर्थी पापबुद्धिषु

pumāṃso ye hi nindanti vṛttenābhijanena ca na teṣu nivaset prājñaḥ śreyorthī pāpabuddhiṣu

Sanskrit only: no published translation is held for this verse.

ये त्व् एनम् अभिजानन्ति वृत्तेनाभिजनेन च तेषु साधुषु वस्तव्यं स वासः श्रेष्ठ उच्यते

ye tv enam abhijānanti vṛttenābhijanena ca teṣu sādhuṣu vastavyaṃ sa vāsaḥ śreṣṭha ucyate

Sanskrit only: no published translation is held for this verse.

वाग् दुरुक्तं महाघोरं दुहितुर् वृषपर्वणः न ह्य् अतो दुष्करतरं मन्ये लोकेष्व् अपि त्रिषु यः सपत्नश्रियं दीप्तां हीनश्रीः पर्युपासते

vāg duruktaṃ mahāghoraṃ duhitur vṛṣaparvaṇaḥ na hy ato duṣkarataraṃ manye lokeṣv api triṣu yaḥ sapatnaśriyaṃ dīptāṃ hīnaśrīḥ paryupāsate

Sanskrit only: no published translation is held for this verse.