Library·Mahābhārata (critical edition)·11·11.13
वैशंपायन उवाच धृतराष्ट्राभ्यनुज्ञातास् ततस् ते कुरुपुंगवाः अभ्ययुर् भ्रातरः सर्वे गान्धारीं सहकेशवाः
vaiśaṃpāyana uvāca dhṛtarāṣṭrābhyanujñātās tatas te kurupuṃgavāḥ abhyayur bhrātaraḥ sarve gāndhārīṃ sahakeśavāḥ
Sanskrit only: no published translation is held for this verse.
ततो ज्ञात्वा हतामित्रं धर्मराजं युधिष्ठिरम् गान्धारी पुत्रशोकार्ता शप्तुम् ऐच्छद् अनिन्दिता
tato jñātvā hatāmitraṃ dharmarājaṃ yudhiṣṭhiram gāndhārī putraśokārtā śaptum aicchad aninditā
Sanskrit only: no published translation is held for this verse.
तस्याः पापम् अभिप्रायं विदित्वा पाण्डवान् प्रति ऋषिः सत्यवतीपुत्रः प्राग् एव समबुध्यत
tasyāḥ pāpam abhiprāyaṃ viditvā pāṇḍavān prati ṛṣiḥ satyavatīputraḥ prāg eva samabudhyata
Sanskrit only: no published translation is held for this verse.
स गङ्गायाम् उपस्पृश्य पुण्यगन्धं पयः शुचि तं देशम् उपसंपेदे परमर्षिर् मनोजवः
sa gaṅgāyām upaspṛśya puṇyagandhaṃ payaḥ śuci taṃ deśam upasaṃpede paramarṣir manojavaḥ
Sanskrit only: no published translation is held for this verse.
दिव्येन चक्षुषा पश्यन् मनसानुद्धतेन च सर्वप्राणभृतां भावं स तत्र समबुध्यत
divyena cakṣuṣā paśyan manasānuddhatena ca sarvaprāṇabhṛtāṃ bhāvaṃ sa tatra samabudhyata
Sanskrit only: no published translation is held for this verse.
स स्नुषाम् अब्रवीत् काले कल्यवादी महातपाः शापकालम् अवाक्षिप्य शमकालम् उदीरयन्
sa snuṣām abravīt kāle kalyavādī mahātapāḥ śāpakālam avākṣipya śamakālam udīrayan
Sanskrit only: no published translation is held for this verse.
न कोपः पाण्डवे कार्यो गान्धारि शमम् आप्नुहि रजो निगृह्यताम् एतच् छृणु चेदं वचो मम
na kopaḥ pāṇḍave kāryo gāndhāri śamam āpnuhi rajo nigṛhyatām etac chṛṇu cedaṃ vaco mama
Sanskrit only: no published translation is held for this verse.
उक्तास्य् अष्टादशाहानि पुत्रेण जयम् इच्छता शिवम् आशास्स्व मे मातर् युध्यमानस्य शत्रुभिः
uktāsy aṣṭādaśāhāni putreṇa jayam icchatā śivam āśāssva me mātar yudhyamānasya śatrubhiḥ
Sanskrit only: no published translation is held for this verse.
सा तथा याच्यमाना त्वं काले काले जयैषिणा उक्तवत्य् असि गान्धारि यतो धर्मस् ततो जयः
sā tathā yācyamānā tvaṃ kāle kāle jayaiṣiṇā uktavaty asi gāndhāri yato dharmas tato jayaḥ
Sanskrit only: no published translation is held for this verse.
न चाप्य् अतीतां गान्धारि वाचं ते वितथाम् अहम् स्मरामि भाषमाणायास् तथा प्रणिहिता ह्य् असि
na cāpy atītāṃ gāndhāri vācaṃ te vitathām aham smarāmi bhāṣamāṇāyās tathā praṇihitā hy asi
Sanskrit only: no published translation is held for this verse.
सा त्वं धर्मं परिस्मृत्य वाचा चोक्त्वा मनस्विनि कोपं संयच्छ गान्धारि मैवं भूः सत्यवादिनि
sā tvaṃ dharmaṃ parismṛtya vācā coktvā manasvini kopaṃ saṃyaccha gāndhāri maivaṃ bhūḥ satyavādini
Sanskrit only: no published translation is held for this verse.
गान्धार्य् उवाच भगवन् नाभ्यसूयामि नैतान् इच्छामि नश्यतः पुत्रशोकेन तु बलान् मनो विह्वलतीव मे
gāndhāry uvāca bhagavan nābhyasūyāmi naitān icchāmi naśyataḥ putraśokena tu balān mano vihvalatīva me
Sanskrit only: no published translation is held for this verse.
यथैव कुन्त्या कौन्तेया रक्षितव्यास् तथा मया यथैव धृतराष्ट्रेण रक्षितव्यास् तथा मया
yathaiva kuntyā kaunteyā rakṣitavyās tathā mayā yathaiva dhṛtarāṣṭreṇa rakṣitavyās tathā mayā
Sanskrit only: no published translation is held for this verse.
दुर्योधनापराधेन शकुनेः सौबलस्य च कर्णदुःशासनाभ्यां च वृत्तो ऽयं कुरुसंक्षयः
duryodhanāparādhena śakuneḥ saubalasya ca karṇaduḥśāsanābhyāṃ ca vṛtto 'yaṃ kurusaṃkṣayaḥ
Sanskrit only: no published translation is held for this verse.
नापराध्यति बीभत्सुर् न च पार्थो वृकोदरः नकुलः सहदेवो वा नैव जातु युधिष्ठिरः
nāparādhyati bībhatsur na ca pārtho vṛkodaraḥ nakulaḥ sahadevo vā naiva jātu yudhiṣṭhiraḥ
Sanskrit only: no published translation is held for this verse.
युध्यमाना हि कौरव्याः कृन्तमानाः परस्परम् निहताः सहिताश् चान्यैस् तत्र नास्त्य् अप्रियं मम
yudhyamānā hi kauravyāḥ kṛntamānāḥ parasparam nihatāḥ sahitāś cānyais tatra nāsty apriyaṃ mama
Sanskrit only: no published translation is held for this verse.
यत् तु कर्माकरोद् भीमो वासुदेवस्य पश्यतः दुर्योधनं समाहूय गदायुद्धे महामनाः
yat tu karmākarod bhīmo vāsudevasya paśyataḥ duryodhanaṃ samāhūya gadāyuddhe mahāmanāḥ
Sanskrit only: no published translation is held for this verse.
शिक्षयाभ्यधिकं ज्ञात्वा चरन्तं बहुधा रणे अधो नाभ्यां प्रहृतवांस् तन् मे कोपम् अवर्धयत्
śikṣayābhyadhikaṃ jñātvā carantaṃ bahudhā raṇe adho nābhyāṃ prahṛtavāṃs tan me kopam avardhayat
Sanskrit only: no published translation is held for this verse.
कथं नु धर्मं धर्मज्ञैः समुद्दिष्टं महात्मभिः त्यजेयुर् आहवे शूराः प्राणहेतोः कथं चन
kathaṃ nu dharmaṃ dharmajñaiḥ samuddiṣṭaṃ mahātmabhiḥ tyajeyur āhave śūrāḥ prāṇahetoḥ kathaṃ cana
Sanskrit only: no published translation is held for this verse.