Library·Mahābhārata (critical edition)·12·12.127
युधिष्ठिर उवाच नामृतस्येव पर्याप्तिर् ममास्ति ब्रुवति त्वयि तस्मात् कथय भूयस् त्वं धर्मम् एव पितामह
yudhiṣṭhira uvāca nāmṛtasyeva paryāptir mamāsti bruvati tvayi tasmāt kathaya bhūyas tvaṃ dharmam eva pitāmaha
Sanskrit only: no published translation is held for this verse.
भीष्म उवाच अत्राप्य् उदाहरन्तीमम् इतिहासं पुरातनम् गौतमस्य च संवादं यमस्य च महात्मनः
bhīṣma uvāca atrāpy udāharantīmam itihāsaṃ purātanam gautamasya ca saṃvādaṃ yamasya ca mahātmanaḥ
Sanskrit only: no published translation is held for this verse.
पारियात्रगिरिं प्राप्य गौतमस्याश्रमो महान् उवास गौतमो यत्र कालं तद् अपि मे शृणु
pāriyātragiriṃ prāpya gautamasyāśramo mahān uvāsa gautamo yatra kālaṃ tad api me śṛṇu
Sanskrit only: no published translation is held for this verse.
षष्टिं वर्षसहस्राणि सो ऽतप्यद् गौतमस् तपः तम् उग्रतपसं युक्तं तपसा भावितं मुनिम्
ṣaṣṭiṃ varṣasahasrāṇi so 'tapyad gautamas tapaḥ tam ugratapasaṃ yuktaṃ tapasā bhāvitaṃ munim
Sanskrit only: no published translation is held for this verse.
उपयातो नरव्याघ्र लोकपालो यमस् तदा तम् अपश्यत् सुतपसम् ऋषिं वै गौतमं मुनिम्
upayāto naravyāghra lokapālo yamas tadā tam apaśyat sutapasam ṛṣiṃ vai gautamaṃ munim
Sanskrit only: no published translation is held for this verse.
स तं विदित्वा ब्रह्मर्षिर् यमम् आगतम् ओजसा प्राञ्जलिः प्रयतो भूत्वा उपसृप्तस् तपोधनः
sa taṃ viditvā brahmarṣir yamam āgatam ojasā prāñjaliḥ prayato bhūtvā upasṛptas tapodhanaḥ
Sanskrit only: no published translation is held for this verse.
तं धर्मराजो दृष्ट्वैव नमस्कृत्य नरर्षभम् न्यमन्त्रयत धर्मेण क्रियतां किम् इति ब्रुवन्
taṃ dharmarājo dṛṣṭvaiva namaskṛtya nararṣabham nyamantrayata dharmeṇa kriyatāṃ kim iti bruvan
Sanskrit only: no published translation is held for this verse.
गौतम उवाच मातापितृभ्याम् आनृण्यं किं कृत्वा समवाप्नुयात् कथं च लोकान् अश्नाति पुरुषो दुर्लभाञ् शुभान्
gautama uvāca mātāpitṛbhyām ānṛṇyaṃ kiṃ kṛtvā samavāpnuyāt kathaṃ ca lokān aśnāti puruṣo durlabhāñ śubhān
Sanskrit only: no published translation is held for this verse.
यम उवाच तपःशौचवता नित्यं सत्यधर्मरतेन च मातापित्रोर् अहरहः पूजनं कार्यम् अञ्जसा
yama uvāca tapaḥśaucavatā nityaṃ satyadharmaratena ca mātāpitror aharahaḥ pūjanaṃ kāryam añjasā
Sanskrit only: no published translation is held for this verse.
अश्वमेधैश् च यष्टव्यं बहुभिः स्वाप्तदक्षिणैः तेन लोकान् उपाश्नाति पुरुषो ऽद्भुतदर्शनान्
aśvamedhaiś ca yaṣṭavyaṃ bahubhiḥ svāptadakṣiṇaiḥ tena lokān upāśnāti puruṣo 'dbhutadarśanān
Sanskrit only: no published translation is held for this verse.