Mahābhārata (critical edition) 12.132

भीष्म उवाच अत्र कर्मान्तवचनं कीर्तयन्ति पुराविदः प्रत्यक्षाव् एव धर्मार्थौ क्षत्रियस्य विजानतः तत्र न व्यवधातव्यं परोक्षा धर्मयापना

bhīṣma uvāca atra karmāntavacanaṃ kīrtayanti purāvidaḥ pratyakṣāv eva dharmārthau kṣatriyasya vijānataḥ tatra na vyavadhātavyaṃ parokṣā dharmayāpanā

Sanskrit only: no published translation is held for this verse.

अधर्मो धर्म इत्य् एतद् यथा वृकपदं तथा धर्माधर्मफले जातु न ददर्शेह कश् चन

adharmo dharma ity etad yathā vṛkapadaṃ tathā dharmādharmaphale jātu na dadarśeha kaś cana

Sanskrit only: no published translation is held for this verse.

बुभूषेद् बलवान् एव सर्वं बलवतो वशे श्रियं बलम् अमात्यांश् च बलवान् इह विन्दति

bubhūṣed balavān eva sarvaṃ balavato vaśe śriyaṃ balam amātyāṃś ca balavān iha vindati

Sanskrit only: no published translation is held for this verse.

यो ह्य् अनाढ्यः स पतितस् तद् उच्छिष्टं यद् अल्पकम् बह्व् अपथ्यं बलवति न किं चित् त्रायते भयात्

yo hy anāḍhyaḥ sa patitas tad ucchiṣṭaṃ yad alpakam bahv apathyaṃ balavati na kiṃ cit trāyate bhayāt

Sanskrit only: no published translation is held for this verse.

उभौ सत्याधिकारौ तौ त्रायेते महतो भयात् अति धर्माद् बलं मन्ये बलाद् धर्मः प्रवर्तते

ubhau satyādhikārau tau trāyete mahato bhayāt ati dharmād balaṃ manye balād dharmaḥ pravartate

Sanskrit only: no published translation is held for this verse.

बले प्रतिष्ठितो धर्मो धरण्याम् इव जङ्गमः धूमो वायोर् इव वशं बलं धर्मो ऽनुवर्तते

bale pratiṣṭhito dharmo dharaṇyām iva jaṅgamaḥ dhūmo vāyor iva vaśaṃ balaṃ dharmo 'nuvartate

Sanskrit only: no published translation is held for this verse.

अनीश्वरे बलं धर्मो द्रुमं वल्लीव संश्रिता वश्यो बलवतां धर्मः सुखं भोगवताम् इव नास्त्य् असाध्यं बलवतां सर्वं बलवतां शुचि

anīśvare balaṃ dharmo drumaṃ vallīva saṃśritā vaśyo balavatāṃ dharmaḥ sukhaṃ bhogavatām iva nāsty asādhyaṃ balavatāṃ sarvaṃ balavatāṃ śuci

Sanskrit only: no published translation is held for this verse.

दुराचारः क्षीणबलः परिमाणं नियच्छति अथ तस्माद् उद्विजते सर्वो लोको वृकाद् इव

durācāraḥ kṣīṇabalaḥ parimāṇaṃ niyacchati atha tasmād udvijate sarvo loko vṛkād iva

Sanskrit only: no published translation is held for this verse.

अपध्वस्तो ह्य् अवमतो दुःखं जीवति जीवितम् जीवितं यद् अवक्षिप्तं यथैव मरणं तथा

apadhvasto hy avamato duḥkhaṃ jīvati jīvitam jīvitaṃ yad avakṣiptaṃ yathaiva maraṇaṃ tathā

Sanskrit only: no published translation is held for this verse.

यद् एनम् आहुः पापेन चारित्रेण विनिक्षतम् स भृशं तप्यते ऽनेन वाक्शल्येन परिक्षतः

yad enam āhuḥ pāpena cāritreṇa vinikṣatam sa bhṛśaṃ tapyate 'nena vākśalyena parikṣataḥ

Sanskrit only: no published translation is held for this verse.

अत्रैतद् आहुर् आचार्याः पापस्य परिमोक्षणे त्रयीं विद्यां निषेवेत तथोपासीत स द्विजान्

atraitad āhur ācāryāḥ pāpasya parimokṣaṇe trayīṃ vidyāṃ niṣeveta tathopāsīta sa dvijān

Sanskrit only: no published translation is held for this verse.

प्रसादयेन् मधुरया वाचाप्य् अथ च कर्मणा महामनाश् चैव भवेद् विवहेच् च महाकुले

prasādayen madhurayā vācāpy atha ca karmaṇā mahāmanāś caiva bhaved vivahec ca mahākule

Sanskrit only: no published translation is held for this verse.

इत्य् अस्मीति वदेद् एवं परेषां कीर्तयन् गुणान् जपेद् उदकशीलः स्यात् पेशलो नातिजल्पनः

ity asmīti vaded evaṃ pareṣāṃ kīrtayan guṇān japed udakaśīlaḥ syāt peśalo nātijalpanaḥ

Sanskrit only: no published translation is held for this verse.

ब्रह्मक्षत्रं संप्रविशेद् बहु कृत्वा सुदुष्करम् उच्यमानो ऽपि लोकेन बहु तत् तद् अचिन्तयन्

brahmakṣatraṃ saṃpraviśed bahu kṛtvā suduṣkaram ucyamāno 'pi lokena bahu tat tad acintayan

Sanskrit only: no published translation is held for this verse.

अपापो ह्य् एवम् आचारः क्षिप्रं बहुमतो भवेत् सुखं वित्तं च भुञ्जीत वृत्तेनैतेन गोपयेत् लोके च लभते पूजां परत्र च महत् फलम्

apāpo hy evam ācāraḥ kṣipraṃ bahumato bhavet sukhaṃ vittaṃ ca bhuñjīta vṛttenaitena gopayet loke ca labhate pūjāṃ paratra ca mahat phalam

Sanskrit only: no published translation is held for this verse.