Mahābhārata (critical edition) 12.134

भीष्म उवाच अत्र गाथा ब्रह्मगीताः कीर्तयन्ति पुराविदः येन मार्गेण राजानः कोशं संजनयन्ति च

bhīṣma uvāca atra gāthā brahmagītāḥ kīrtayanti purāvidaḥ yena mārgeṇa rājānaḥ kośaṃ saṃjanayanti ca

Sanskrit only: no published translation is held for this verse.

न धनं यज्ञशीलानां हार्यं देवस्वम् एव तत् दस्यूनां निष्क्रियाणां च क्षत्रियो हर्तुम् अर्हति

na dhanaṃ yajñaśīlānāṃ hāryaṃ devasvam eva tat dasyūnāṃ niṣkriyāṇāṃ ca kṣatriyo hartum arhati

Sanskrit only: no published translation is held for this verse.

इमाः प्रजाः क्षत्रियाणां रक्ष्याश् चाद्याश् च भारत धनं हि क्षत्रियस्येह द्वितीयस्य न विद्यते

imāḥ prajāḥ kṣatriyāṇāṃ rakṣyāś cādyāś ca bhārata dhanaṃ hi kṣatriyasyeha dvitīyasya na vidyate

Sanskrit only: no published translation is held for this verse.

तद् अस्य स्याद् बलार्थं वा धनं यज्ञार्थम् एव वा अभोग्या ह्य् ओषधीश् छित्त्वा भोग्या एव पचन्त्य् उत

tad asya syād balārthaṃ vā dhanaṃ yajñārtham eva vā abhogyā hy oṣadhīś chittvā bhogyā eva pacanty uta

Sanskrit only: no published translation is held for this verse.

यो वै न देवान् न पितॄन् न मर्त्यान् हविषार्चति आनन्तिकां तां धनिताम् आहुर् वेदविदो जनाः

yo vai na devān na pitṝn na martyān haviṣārcati ānantikāṃ tāṃ dhanitām āhur vedavido janāḥ

Sanskrit only: no published translation is held for this verse.

हरेत् तद् द्रविणं राजन् धार्मिकः पृथिवीपतिः न हि तत् प्रीणयेल् लोकान् न कोशं तद्विधं नृपः

haret tad draviṇaṃ rājan dhārmikaḥ pṛthivīpatiḥ na hi tat prīṇayel lokān na kośaṃ tadvidhaṃ nṛpaḥ

Sanskrit only: no published translation is held for this verse.

असाधुभ्यो निरादाय साधुभ्यो यः प्रयच्छति आत्मानं संक्रमं कृत्वा मन्ये धर्मविद् एव सः

asādhubhyo nirādāya sādhubhyo yaḥ prayacchati ātmānaṃ saṃkramaṃ kṛtvā manye dharmavid eva saḥ

Sanskrit only: no published translation is held for this verse.

औद्भिज्जा जन्तवः के चिद् युक्तवाचो यथा तथा अनिष्टतः संभवन्ति तथायज्ञः प्रतायते

audbhijjā jantavaḥ ke cid yuktavāco yathā tathā aniṣṭataḥ saṃbhavanti tathāyajñaḥ pratāyate

Sanskrit only: no published translation is held for this verse.

यथैव दंशमशकं यथा चाण्डपिपीलिकम् सैव वृत्तिर् अयज्ञेषु तथा धर्मो विधीयते

yathaiva daṃśamaśakaṃ yathā cāṇḍapipīlikam saiva vṛttir ayajñeṣu tathā dharmo vidhīyate

Sanskrit only: no published translation is held for this verse.

यथा ह्य् अकस्माद् भवति भूमौ पांसुतृणोलपम् तथैवेह भवेद् धर्मः सूक्ष्मः सूक्ष्मतरो ऽपि च

yathā hy akasmād bhavati bhūmau pāṃsutṛṇolapam tathaiveha bhaved dharmaḥ sūkṣmaḥ sūkṣmataro 'pi ca

Sanskrit only: no published translation is held for this verse.