Library·Mahābhārata (critical edition)·12·12.146
युधिष्ठिर उवाच अबुद्धिपूर्वं यः पापं कुर्याद् भरतसत्तम मुच्यते स कथं तस्माद् एनसस् तद् वदस्व मे
yudhiṣṭhira uvāca abuddhipūrvaṃ yaḥ pāpaṃ kuryād bharatasattama mucyate sa kathaṃ tasmād enasas tad vadasva me
Sanskrit only: no published translation is held for this verse.
भीष्म उवाच अत्र ते वर्णयिष्ये ऽहम् इतिहासं पुरातनम् इन्द्रोतः शौनको विप्रो यद् आह जनमेजयम्
bhīṣma uvāca atra te varṇayiṣye 'ham itihāsaṃ purātanam indrotaḥ śaunako vipro yad āha janamejayam
Sanskrit only: no published translation is held for this verse.
आसीद् राजा महावीर्यः पारिक्षिज् जनमेजयः अबुद्धिपूर्वं ब्रह्महत्या तम् आगच्छन् महीपतिम्
āsīd rājā mahāvīryaḥ pārikṣij janamejayaḥ abuddhipūrvaṃ brahmahatyā tam āgacchan mahīpatim
Sanskrit only: no published translation is held for this verse.
तं ब्राह्मणाः सर्व एव तत्यजुः सपुरोहिताः जगाम स वनं राजा दह्यमानो दिवानिशम्
taṃ brāhmaṇāḥ sarva eva tatyajuḥ sapurohitāḥ jagāma sa vanaṃ rājā dahyamāno divāniśam
Sanskrit only: no published translation is held for this verse.
स प्रजाभिः परित्यक्तश् चकार कुशलं महत् अतिवेलं तपस् तेपे दह्यमानः स मन्युना
sa prajābhiḥ parityaktaś cakāra kuśalaṃ mahat ativelaṃ tapas tepe dahyamānaḥ sa manyunā
Sanskrit only: no published translation is held for this verse.
तत्रेतिहासं वक्ष्यामि धर्मस्यास्योपबृंहणम् दह्यमानः पापकृत्या जगाम जनमेजयः
tatretihāsaṃ vakṣyāmi dharmasyāsyopabṛṃhaṇam dahyamānaḥ pāpakṛtyā jagāma janamejayaḥ
Sanskrit only: no published translation is held for this verse.
वरिष्यमाण इन्द्रोतं शौनकं संशितव्रतम् समासाद्योपजग्राह पादयोः परिपीडयन्
variṣyamāṇa indrotaṃ śaunakaṃ saṃśitavratam samāsādyopajagrāha pādayoḥ paripīḍayan
Sanskrit only: no published translation is held for this verse.
ततो भीतो महाप्राज्ञो जगर्हे सुभृशं तदा कर्ता पापस्य महतो भ्रूणहा किम् इहागतः
tato bhīto mahāprājño jagarhe subhṛśaṃ tadā kartā pāpasya mahato bhrūṇahā kim ihāgataḥ
Sanskrit only: no published translation is held for this verse.
किं तवास्मासु कर्तव्यं मा मा स्प्राक्षीः कथं चन गच्छ गच्छ न ते स्थानं प्रीणात्य् अस्मान् इह ध्रुवम्
kiṃ tavāsmāsu kartavyaṃ mā mā sprākṣīḥ kathaṃ cana gaccha gaccha na te sthānaṃ prīṇāty asmān iha dhruvam
Sanskrit only: no published translation is held for this verse.
रुधिरस्येव ते गन्धः शवस्येव च दर्शनम् अशिवः शिवसंकाशो मृतो जीवन्न् इवाटसि
rudhirasyeva te gandhaḥ śavasyeva ca darśanam aśivaḥ śivasaṃkāśo mṛto jīvann ivāṭasi
Sanskrit only: no published translation is held for this verse.
अन्तर्मृत्युर् अशुद्धात्मा पापम् एवानुचिन्तयन् प्रबुध्यसे प्रस्वपिषि वर्तसे चरसे सुखी
antarmṛtyur aśuddhātmā pāpam evānucintayan prabudhyase prasvapiṣi vartase carase sukhī
Sanskrit only: no published translation is held for this verse.
मोघं ते जीवितं राजन् परिक्लिष्टं च जीवसि पापायेव च सृष्टो ऽसि कर्मणे ह यवीयसे
moghaṃ te jīvitaṃ rājan parikliṣṭaṃ ca jīvasi pāpāyeva ca sṛṣṭo 'si karmaṇe ha yavīyase
Sanskrit only: no published translation is held for this verse.
बहु कल्याणम् इच्छन्त ईहन्ते पितरः सुतान् तपसा देवतेज्याभिर् वन्दनेन तितिक्षया
bahu kalyāṇam icchanta īhante pitaraḥ sutān tapasā devatejyābhir vandanena titikṣayā
Sanskrit only: no published translation is held for this verse.
पितृवंशम् इमं पश्य त्वत्कृते नरकं गतम् निरर्थाः सर्व एवैषाम् आशाबन्धास् त्वदाश्रयाः
pitṛvaṃśam imaṃ paśya tvatkṛte narakaṃ gatam nirarthāḥ sarva evaiṣām āśābandhās tvadāśrayāḥ
Sanskrit only: no published translation is held for this verse.
यान् पूजयन्तो विन्दन्ति स्वर्गम् आयुर् यशः सुखम् तेषु ते सततं द्वेषो ब्राह्मणेषु निरर्थकः
yān pūjayanto vindanti svargam āyur yaśaḥ sukham teṣu te satataṃ dveṣo brāhmaṇeṣu nirarthakaḥ
Sanskrit only: no published translation is held for this verse.
इमं लोकं विमुच्य त्वम् अवाङ्मूर्धा पतिष्यसि अशाश्वतीः शाश्वतीश् च समाः पापेन कर्मणा
imaṃ lokaṃ vimucya tvam avāṅmūrdhā patiṣyasi aśāśvatīḥ śāśvatīś ca samāḥ pāpena karmaṇā
Sanskrit only: no published translation is held for this verse.
अद्यमानो जन्तुगृध्रैः शितिकण्ठैर् अयोमुखैः ततो ऽपि पुनर् आवृत्तः पापयोनिं गमिष्यसि
adyamāno jantugṛdhraiḥ śitikaṇṭhair ayomukhaiḥ tato 'pi punar āvṛttaḥ pāpayoniṃ gamiṣyasi
Sanskrit only: no published translation is held for this verse.
यद् इदं मन्यसे राजन् नायम् अस्ति परः कुतः प्रतिस्मारयितारस् त्वां यमदूता यमक्षये
yad idaṃ manyase rājan nāyam asti paraḥ kutaḥ pratismārayitāras tvāṃ yamadūtā yamakṣaye
Sanskrit only: no published translation is held for this verse.