Library·Mahābhārata (critical edition)·12·12.190
युधिष्ठिर उवाच गतीनाम् उत्तमा प्राप्तिः कथिता जापकेष्व् इह एकैवैषा गतिस् तेषाम् उत यान्त्य् अपराम् अपि
yudhiṣṭhira uvāca gatīnām uttamā prāptiḥ kathitā jāpakeṣv iha ekaivaiṣā gatis teṣām uta yānty aparām api
Sanskrit only: no published translation is held for this verse.
भीष्म उवाच शृणुष्वावहितो राजञ् जापकानां गतिं विभो यथा गच्छन्ति निरयम् अनेकं पुरुषर्षभ
bhīṣma uvāca śṛṇuṣvāvahito rājañ jāpakānāṃ gatiṃ vibho yathā gacchanti nirayam anekaṃ puruṣarṣabha
Sanskrit only: no published translation is held for this verse.
यथोक्तम् एतत् पूर्वं यो नानुतिष्ठति जापकः एकदेशक्रियश् चात्र निरयं स निगच्छति
yathoktam etat pūrvaṃ yo nānutiṣṭhati jāpakaḥ ekadeśakriyaś cātra nirayaṃ sa nigacchati
Sanskrit only: no published translation is held for this verse.
अवज्ञानेन कुरुते न तुष्यति न शोचति ईदृशो जापको याति निरयं नात्र संशयः
avajñānena kurute na tuṣyati na śocati īdṛśo jāpako yāti nirayaṃ nātra saṃśayaḥ
Sanskrit only: no published translation is held for this verse.
अहंकारकृतश् चैव सर्वे निरयगामिनः परावमानी पुरुषो भविता निरयोपगः
ahaṃkārakṛtaś caiva sarve nirayagāminaḥ parāvamānī puruṣo bhavitā nirayopagaḥ
Sanskrit only: no published translation is held for this verse.
अभिध्यापूर्वकं जप्यं कुरुते यश् च मोहितः यत्राभिध्यां स कुरुते तं वै निरयम् ऋच्छति
abhidhyāpūrvakaṃ japyaṃ kurute yaś ca mohitaḥ yatrābhidhyāṃ sa kurute taṃ vai nirayam ṛcchati
Sanskrit only: no published translation is held for this verse.
अथैश्वर्यप्रवृत्तः सञ् जापकस् तत्र रज्यते स एव निरयस् तस्य नासौ तस्मात् प्रमुच्यते
athaiśvaryapravṛttaḥ sañ jāpakas tatra rajyate sa eva nirayas tasya nāsau tasmāt pramucyate
Sanskrit only: no published translation is held for this verse.
रागेण जापको जप्यं कुरुते तत्र मोहितः यत्रास्य रागः पतति तत्र तत्रोपजायते
rāgeṇa jāpako japyaṃ kurute tatra mohitaḥ yatrāsya rāgaḥ patati tatra tatropajāyate
Sanskrit only: no published translation is held for this verse.
दुर्बुद्धिर् अकृतप्रज्ञश् चले मनसि तिष्ठति चलाम् एव गतिं याति निरयं वाधिगच्छति
durbuddhir akṛtaprajñaś cale manasi tiṣṭhati calām eva gatiṃ yāti nirayaṃ vādhigacchati
Sanskrit only: no published translation is held for this verse.
अकृतप्रज्ञको बालो मोहं गच्छति जापकः स मोहान् निरयं याति तत्र गत्वानुशोचति
akṛtaprajñako bālo mohaṃ gacchati jāpakaḥ sa mohān nirayaṃ yāti tatra gatvānuśocati
Sanskrit only: no published translation is held for this verse.
दृढग्राही करोमीति जप्यं जपति जापकः न संपूर्णो न वा युक्तो निरयं सो ऽधिगच्छति
dṛḍhagrāhī karomīti japyaṃ japati jāpakaḥ na saṃpūrṇo na vā yukto nirayaṃ so 'dhigacchati
Sanskrit only: no published translation is held for this verse.
युधिष्ठिर उवाच अनिमित्तं परं यत् तद् अव्यक्तं ब्रह्मणि स्थितम् सद्भूतो जापकः कस्मात् स शरीरम् अथाविशेत्
yudhiṣṭhira uvāca animittaṃ paraṃ yat tad avyaktaṃ brahmaṇi sthitam sadbhūto jāpakaḥ kasmāt sa śarīram athāviśet
Sanskrit only: no published translation is held for this verse.
भीष्म उवाच दुष्प्रज्ञानेन निरया बहवः समुदाहृताः प्रशस्तं जापकत्वं च दोषाश् चैते तदात्मकाः
bhīṣma uvāca duṣprajñānena nirayā bahavaḥ samudāhṛtāḥ praśastaṃ jāpakatvaṃ ca doṣāś caite tadātmakāḥ
Sanskrit only: no published translation is held for this verse.