Mahābhārata (critical edition) 12.192

अथ तत्र विरागी स गच्छति त्व् अथ संशयम् परम् अव्ययम् इच्छन् स तम् एवाविशते पुनः

atha tatra virāgī sa gacchati tv atha saṃśayam param avyayam icchan sa tam evāviśate punaḥ

Sanskrit only: no published translation is held for this verse.

अमृताच् चामृतं प्राप्तः शीतीभूतो निरात्मवान् ब्रह्मभूतः स निर्द्वंद्वः सुखी शान्तो निरामयः

amṛtāc cāmṛtaṃ prāptaḥ śītībhūto nirātmavān brahmabhūtaḥ sa nirdvaṃdvaḥ sukhī śānto nirāmayaḥ

Sanskrit only: no published translation is held for this verse.

ब्रह्मस्थानम् अनावर्तम् एकम् अक्षरसंज्ञकम् अदुःखम् अजरं शान्तं स्थानं तत् प्रतिपद्यते

brahmasthānam anāvartam ekam akṣarasaṃjñakam aduḥkham ajaraṃ śāntaṃ sthānaṃ tat pratipadyate

Sanskrit only: no published translation is held for this verse.

चतुर्भिर् लक्षणैर् हीनं तथा षड्भिः सषोडशैः पुरुषं समतिक्रम्य आकाशं प्रतिपद्यते

caturbhir lakṣaṇair hīnaṃ tathā ṣaḍbhiḥ saṣoḍaśaiḥ puruṣaṃ samatikramya ākāśaṃ pratipadyate

Sanskrit only: no published translation is held for this verse.

अथ वेच्छति रागात्मा सर्वं तद् अधितिष्ठति यच् च प्रार्थयते तच् च मनसा प्रतिपद्यते

atha vecchati rāgātmā sarvaṃ tad adhitiṣṭhati yac ca prārthayate tac ca manasā pratipadyate

Sanskrit only: no published translation is held for this verse.

अथ वा वीक्षते लोकान् सर्वान् निरयसंस्थितान् निःस्पृहः सर्वतो मुक्तस् तत्रैव रमते सुखी

atha vā vīkṣate lokān sarvān nirayasaṃsthitān niḥspṛhaḥ sarvato muktas tatraiva ramate sukhī

Sanskrit only: no published translation is held for this verse.

एवम् एषा महाराज जापकस्य गतिर् यथा एतत् ते सर्वम् आख्यातं किं भूयः श्रोतुम् इच्छसि

evam eṣā mahārāja jāpakasya gatir yathā etat te sarvam ākhyātaṃ kiṃ bhūyaḥ śrotum icchasi

Sanskrit only: no published translation is held for this verse.