Library·Mahābhārata (critical edition)·12·12.20
वैशंपायन उवाच तस्मिन् वाक्यान्तरे वक्ता देवस्थानो महातपाः अभिनीततरं वाक्यम् इत्य् उवाच युधिष्ठिरम्
vaiśaṃpāyana uvāca tasmin vākyāntare vaktā devasthāno mahātapāḥ abhinītataraṃ vākyam ity uvāca yudhiṣṭhiram
Sanskrit only: no published translation is held for this verse.
यद् वचः फल्गुनेनोक्तं न ज्यायो ऽस्ति धनाद् इति अत्र ते वर्तयिष्यामि तद् एकाग्रमनाः शृणु
yad vacaḥ phalgunenoktaṃ na jyāyo 'sti dhanād iti atra te vartayiṣyāmi tad ekāgramanāḥ śṛṇu
Sanskrit only: no published translation is held for this verse.
अजातशत्रो धर्मेण कृत्स्ना ते वसुधा जिता तां जित्वा न वृथा राजंस् त्वं परित्यक्तुम् अर्हसि
ajātaśatro dharmeṇa kṛtsnā te vasudhā jitā tāṃ jitvā na vṛthā rājaṃs tvaṃ parityaktum arhasi
Sanskrit only: no published translation is held for this verse.
चतुष्पदी हि निःश्रेणी कर्मण्य् एषा प्रतिष्ठिता तां क्रमेण महाबाहो यथावज् जय पार्थिव
catuṣpadī hi niḥśreṇī karmaṇy eṣā pratiṣṭhitā tāṃ krameṇa mahābāho yathāvaj jaya pārthiva
Sanskrit only: no published translation is held for this verse.
तस्मात् पार्थ महायज्ञैर् यजस्व बहुदक्षिणैः स्वाध्याययज्ञा ऋषयो ज्ञानयज्ञास् तथापरे
tasmāt pārtha mahāyajñair yajasva bahudakṣiṇaiḥ svādhyāyayajñā ṛṣayo jñānayajñās tathāpare
Sanskrit only: no published translation is held for this verse.
कर्मनिष्ठांस् तु बुध्येथास् तपोनिष्ठांश् च भारत वैखानसानां राजेन्द्र वचनं श्रूयते यथा
karmaniṣṭhāṃs tu budhyethās taponiṣṭhāṃś ca bhārata vaikhānasānāṃ rājendra vacanaṃ śrūyate yathā
Sanskrit only: no published translation is held for this verse.
ईहते धनहेतोर् यस् तस्यानीहा गरीयसी भूयान् दोषः प्रवर्धेत यस् तं धनम् अपाश्रयेत्
īhate dhanahetor yas tasyānīhā garīyasī bhūyān doṣaḥ pravardheta yas taṃ dhanam apāśrayet
Sanskrit only: no published translation is held for this verse.
कृच्छ्राच् च द्रव्यसंहारं कुर्वन्ति धनकारणात् धनेन तृषितो ऽबुद्ध्या भ्रूणहत्यां न बुध्यते
kṛcchrāc ca dravyasaṃhāraṃ kurvanti dhanakāraṇāt dhanena tṛṣito 'buddhyā bhrūṇahatyāṃ na budhyate
Sanskrit only: no published translation is held for this verse.
अनर्हते यद् ददाति न ददाति यद् अर्हते अनर्हार्हापरिज्ञानाद् दानधर्मो ऽपि दुष्करः
anarhate yad dadāti na dadāti yad arhate anarhārhāparijñānād dānadharmo 'pi duṣkaraḥ
Sanskrit only: no published translation is held for this verse.
यज्ञाय सृष्टानि धनानि धात्रा; यष्टादिष्टः पुरुषो रक्षिता च तस्मात् सर्वं यज्ञ एवोपयोज्यं; धनं ततो ऽनन्तर एव कामः
yajñāya sṛṣṭāni dhanāni dhātrā; yaṣṭādiṣṭaḥ puruṣo rakṣitā ca tasmāt sarvaṃ yajña evopayojyaṃ; dhanaṃ tato 'nantara eva kāmaḥ
Sanskrit only: no published translation is held for this verse.
यज्ञैर् इन्द्रो विविधैर् अन्नवद्भिर्; देवान् सर्वान् अभ्ययान् महौजाः तेनेन्द्रत्वं प्राप्य विभ्राजते ऽसौ; तस्माद् यज्ञे सर्वम् एवोपयोज्यम्
yajñair indro vividhair annavadbhir; devān sarvān abhyayān mahaujāḥ tenendratvaṃ prāpya vibhrājate 'sau; tasmād yajñe sarvam evopayojyam
Sanskrit only: no published translation is held for this verse.
महादेवः सर्वमेधे महात्मा; हुत्वात्मानं देवदेवो विभूतः विश्वांल् लोकान् व्याप्य विष्टभ्य कीर्त्या; विरोचते द्युतिमान् कृत्तिवासाः
mahādevaḥ sarvamedhe mahātmā; hutvātmānaṃ devadevo vibhūtaḥ viśvāṃl lokān vyāpya viṣṭabhya kīrtyā; virocate dyutimān kṛttivāsāḥ
Sanskrit only: no published translation is held for this verse.
आविक्षितः पार्थिवो वै मरुत्तः; स्वृद्ध्या मर्त्यो यो ऽजयद् देवराजम् यज्ञे यस्य श्रीः स्वयं संनिविष्टा; यस्मिन् भाण्डं काञ्चनं सर्वम् आसीत्
āvikṣitaḥ pārthivo vai maruttaḥ; svṛddhyā martyo yo 'jayad devarājam yajñe yasya śrīḥ svayaṃ saṃniviṣṭā; yasmin bhāṇḍaṃ kāñcanaṃ sarvam āsīt
Sanskrit only: no published translation is held for this verse.
हरिश्चन्द्रः पार्थिवेन्द्रः श्रुतस् ते; यज्ञैर् इष्ट्वा पुण्यकृद् वीतशोकः ऋद्ध्या शक्रं यो ऽजयन् मानुषः संस्; तस्माद् यज्ञे सर्वम् एवोपयोज्यम्
hariścandraḥ pārthivendraḥ śrutas te; yajñair iṣṭvā puṇyakṛd vītaśokaḥ ṛddhyā śakraṃ yo 'jayan mānuṣaḥ saṃs; tasmād yajñe sarvam evopayojyam
Sanskrit only: no published translation is held for this verse.