Mahābhārata (critical edition) 12.214

युधिष्ठिर उवाच द्विजातयो व्रतोपेता यद् इदं भुञ्जते हविः अन्नं ब्राह्मणकामाय कथम् एतत् पितामह

yudhiṣṭhira uvāca dvijātayo vratopetā yad idaṃ bhuñjate haviḥ annaṃ brāhmaṇakāmāya katham etat pitāmaha

Sanskrit only: no published translation is held for this verse.

भीष्म उवाच अवेदोक्तव्रतोपेता भुञ्जानाः कार्यकारिणः वेदोक्तेषु च भुञ्जाना व्रतलुप्ता युधिष्ठिर

bhīṣma uvāca avedoktavratopetā bhuñjānāḥ kāryakāriṇaḥ vedokteṣu ca bhuñjānā vrataluptā yudhiṣṭhira

Sanskrit only: no published translation is held for this verse.

युधिष्ठिर उवाच यद् इदं तप इत्य् आहुर् उपवासं पृथग्जनाः एतत् तपो महाराज उताहो किं तपो भवेत्

yudhiṣṭhira uvāca yad idaṃ tapa ity āhur upavāsaṃ pṛthagjanāḥ etat tapo mahārāja utāho kiṃ tapo bhavet

Sanskrit only: no published translation is held for this verse.

भीष्म उवाच मासपक्षोपवासेन मन्यन्ते यत् तपो जनाः आत्मतन्त्रोपघातः स न तपस् तत् सतां मतम् त्यागश् च सन्नतिश् चैव शिष्यते तप उत्तमम्

bhīṣma uvāca māsapakṣopavāsena manyante yat tapo janāḥ ātmatantropaghātaḥ sa na tapas tat satāṃ matam tyāgaś ca sannatiś caiva śiṣyate tapa uttamam

Sanskrit only: no published translation is held for this verse.

सदोपवासी च भवेद् ब्रह्मचारी सदैव च मुनिश् च स्यात् सदा विप्रो दैवतं च सदा भजेत्

sadopavāsī ca bhaved brahmacārī sadaiva ca muniś ca syāt sadā vipro daivataṃ ca sadā bhajet

Sanskrit only: no published translation is held for this verse.

कुटुम्बिको धर्मकामः सदास्वप्नश् च भारत अमांसाशी सदा च स्यात् पवित्रं च सदा जपेत्

kuṭumbiko dharmakāmaḥ sadāsvapnaś ca bhārata amāṃsāśī sadā ca syāt pavitraṃ ca sadā japet

Sanskrit only: no published translation is held for this verse.

अमृताशी सदा च स्यान् न च स्याद् विषभोजनः विघसाशी सदा च स्यात् सदा चैवातिथिप्रियः

amṛtāśī sadā ca syān na ca syād viṣabhojanaḥ vighasāśī sadā ca syāt sadā caivātithipriyaḥ

Sanskrit only: no published translation is held for this verse.

युधिष्ठिर उवाच कथं सदोपवासी स्याद् ब्रह्मचारी कथं भवेत् विघसाशी कथं च स्यात् सदा चैवातिथिप्रियः

yudhiṣṭhira uvāca kathaṃ sadopavāsī syād brahmacārī kathaṃ bhavet vighasāśī kathaṃ ca syāt sadā caivātithipriyaḥ

Sanskrit only: no published translation is held for this verse.

भीष्म उवाच अन्तरा प्रातराशं च सायमाशं तथैव च सदोपवासी च भवेद् यो न भुङ्क्ते कथं चन

bhīṣma uvāca antarā prātarāśaṃ ca sāyamāśaṃ tathaiva ca sadopavāsī ca bhaved yo na bhuṅkte kathaṃ cana

Sanskrit only: no published translation is held for this verse.

भार्यां गच्छन् ब्रह्मचारी ऋतौ भवति ब्राह्मणः ऋतवादी सदा च स्याज् ज्ञाननित्यश् च यो नरः

bhāryāṃ gacchan brahmacārī ṛtau bhavati brāhmaṇaḥ ṛtavādī sadā ca syāj jñānanityaś ca yo naraḥ

Sanskrit only: no published translation is held for this verse.

अभक्षयन् वृथामांसम् अमांसाशी भवत्य् उत दाननित्यः पवित्रश् च अस्वप्नश् च दिवास्वपन्

abhakṣayan vṛthāmāṃsam amāṃsāśī bhavaty uta dānanityaḥ pavitraś ca asvapnaś ca divāsvapan

Sanskrit only: no published translation is held for this verse.

भृत्यातिथिषु यो भुङ्क्ते भुक्तवत्सु सदा स ह अमृतं सकलं भुङ्क्त इति विद्धि युधिष्ठिर

bhṛtyātithiṣu yo bhuṅkte bhuktavatsu sadā sa ha amṛtaṃ sakalaṃ bhuṅkta iti viddhi yudhiṣṭhira

Sanskrit only: no published translation is held for this verse.

अभुक्तवत्सु नाश्नानः सततं यस् तु वै द्विजः अभोजनेन तेनास्य जितः स्वर्गो भवत्य् उत

abhuktavatsu nāśnānaḥ satataṃ yas tu vai dvijaḥ abhojanena tenāsya jitaḥ svargo bhavaty uta

Sanskrit only: no published translation is held for this verse.

देवताभ्यः पितृभ्यश् च भृत्येभ्यो ऽतिथिभिः सह अवशिष्टं तु यो ऽश्नाति तम् आहुर् विघसाशिनम्

devatābhyaḥ pitṛbhyaś ca bhṛtyebhyo 'tithibhiḥ saha avaśiṣṭaṃ tu yo 'śnāti tam āhur vighasāśinam

Sanskrit only: no published translation is held for this verse.

तेषां लोका ह्य् अपर्यन्ताः सदने ब्रह्मणा सह उपस्थिताश् चाप्सरोभिः परियान्ति दिवौकसः

teṣāṃ lokā hy aparyantāḥ sadane brahmaṇā saha upasthitāś cāpsarobhiḥ pariyānti divaukasaḥ

Sanskrit only: no published translation is held for this verse.

देवताभिश् च ये सार्धं पितृभिश् चोपभुञ्जते रमन्ते पुत्रपौत्रैश् च तेषां गतिर् अनुत्तमा

devatābhiś ca ye sārdhaṃ pitṛbhiś copabhuñjate ramante putrapautraiś ca teṣāṃ gatir anuttamā

Sanskrit only: no published translation is held for this verse.