Mahābhārata (critical edition) 12.326

वैशंपायन उवाच श्रुत्वैतद् आख्यानवरं धर्मराड् जनमेजय भ्रातरश् चास्य ते सर्वे नारायणपराभवन्

vaiśaṃpāyana uvāca śrutvaitad ākhyānavaraṃ dharmarāḍ janamejaya bhrātaraś cāsya te sarve nārāyaṇaparābhavan

Sanskrit only: no published translation is held for this verse.

जितं भगवता तेन पुरुषेणेति भारत नित्यं जप्यपरा भूत्वा सरस्वतीम् उदीरयन्

jitaṃ bhagavatā tena puruṣeṇeti bhārata nityaṃ japyaparā bhūtvā sarasvatīm udīrayan

Sanskrit only: no published translation is held for this verse.

यो ह्य् अस्माकं गुरुः श्रेष्ठः कृष्णद्वैपायनो मुनिः स जगौ परमं जप्यं नारायणम् उदीरयन्

yo hy asmākaṃ guruḥ śreṣṭhaḥ kṛṣṇadvaipāyano muniḥ sa jagau paramaṃ japyaṃ nārāyaṇam udīrayan

Sanskrit only: no published translation is held for this verse.

गत्वान्तरिक्षात् सततं क्षीरोदम् अमृताशयम् पूजयित्वा च देवेशं पुनर् आयात् स्वम् आश्रमम्

gatvāntarikṣāt satataṃ kṣīrodam amṛtāśayam pūjayitvā ca deveśaṃ punar āyāt svam āśramam

Sanskrit only: no published translation is held for this verse.