Library·Mahābhārata (critical edition)·12·12.33
युधिष्ठिर उवाच हताः पुत्राश् च पौत्राश् च भ्रातरः पितरस् तथा श्वशुरा गुरवश् चैव मातुलाः सपितामहाः
yudhiṣṭhira uvāca hatāḥ putrāś ca pautrāś ca bhrātaraḥ pitaras tathā śvaśurā guravaś caiva mātulāḥ sapitāmahāḥ
Sanskrit only: no published translation is held for this verse.
क्षत्रियाश् च महात्मानः संबन्धिसुहृदस् तथा वयस्या ज्ञातयश् चैव भ्रातरश् च पितामह
kṣatriyāś ca mahātmānaḥ saṃbandhisuhṛdas tathā vayasyā jñātayaś caiva bhrātaraś ca pitāmaha
Sanskrit only: no published translation is held for this verse.
बहवश् च मनुष्येन्द्रा नानादेशसमागताः घातिता राज्यलुब्धेन मयैकेन पितामह
bahavaś ca manuṣyendrā nānādeśasamāgatāḥ ghātitā rājyalubdhena mayaikena pitāmaha
Sanskrit only: no published translation is held for this verse.
तांस् तादृशान् अहं हत्वा धर्मनित्यान् महीक्षितः असकृत् सोमपान् वीरान् किं प्राप्स्यामि तपोधन
tāṃs tādṛśān ahaṃ hatvā dharmanityān mahīkṣitaḥ asakṛt somapān vīrān kiṃ prāpsyāmi tapodhana
Sanskrit only: no published translation is held for this verse.
दह्याम्य् अनिशम् अद्याहं चिन्तयानः पुनः पुनः हीनां पार्थिवसिंहैस् तैः श्रीमद्भिः पृथिवीम् इमाम्
dahyāmy aniśam adyāhaṃ cintayānaḥ punaḥ punaḥ hīnāṃ pārthivasiṃhais taiḥ śrīmadbhiḥ pṛthivīm imām
Sanskrit only: no published translation is held for this verse.
दृष्ट्वा ज्ञातिवधं घोरं हतांश् च शतशः परान् कोटिशश् च नरान् अन्यान् परितप्ये पितामह
dṛṣṭvā jñātivadhaṃ ghoraṃ hatāṃś ca śataśaḥ parān koṭiśaś ca narān anyān paritapye pitāmaha
Sanskrit only: no published translation is held for this verse.
का नु तासां वरस्त्रीणाम् अवस्थाद्य भविष्यति विहीनानां स्वतनयैः पतिभिर् भ्रातृभिस् तथा
kā nu tāsāṃ varastrīṇām avasthādya bhaviṣyati vihīnānāṃ svatanayaiḥ patibhir bhrātṛbhis tathā
Sanskrit only: no published translation is held for this verse.
अस्मान् अन्तकरान् घोरान् पाण्डवान् वृष्णिसंहितान् आक्रोशन्त्यः कृशा दीना निपतन्त्यश् च भूतले
asmān antakarān ghorān pāṇḍavān vṛṣṇisaṃhitān ākrośantyaḥ kṛśā dīnā nipatantyaś ca bhūtale
Sanskrit only: no published translation is held for this verse.
अपश्यन्त्यः पितॄन् भ्रातॄन् पतीन् पुत्रांश् च योषितः त्यक्त्वा प्राणान् प्रियान् सर्वा गमिष्यन्ति यमक्षयम्
apaśyantyaḥ pitṝn bhrātṝn patīn putrāṃś ca yoṣitaḥ tyaktvā prāṇān priyān sarvā gamiṣyanti yamakṣayam
Sanskrit only: no published translation is held for this verse.
वत्सलत्वाद् द्विजश्रेष्ठ तत्र मे नास्ति संशयः व्यक्तं सौक्ष्म्याच् च धर्मस्य प्राप्स्यामः स्त्रीवधं वयम्
vatsalatvād dvijaśreṣṭha tatra me nāsti saṃśayaḥ vyaktaṃ saukṣmyāc ca dharmasya prāpsyāmaḥ strīvadhaṃ vayam
Sanskrit only: no published translation is held for this verse.
ते वयं सुहृदो हत्वा कृत्वा पापम् अनन्तकम् नरके निपतिष्यामो ह्य् अधःशिरस एव च
te vayaṃ suhṛdo hatvā kṛtvā pāpam anantakam narake nipatiṣyāmo hy adhaḥśirasa eva ca
Sanskrit only: no published translation is held for this verse.
शरीराणि विमोक्ष्यामस् तपसोग्रेण सत्तम आश्रमांश् च विशेषांस् त्वं ममाचक्ष्व पितामह
śarīrāṇi vimokṣyāmas tapasogreṇa sattama āśramāṃś ca viśeṣāṃs tvaṃ mamācakṣva pitāmaha
Sanskrit only: no published translation is held for this verse.