Library·Mahābhārata (critical edition)·12·12.340
युधिष्ठिर उवाच धर्माः पितामहेनोक्ता मोक्षधर्माश्रिताः शुभाः धर्मम् आश्रमिणां श्रेष्ठं वक्तुम् अर्हति मे भवान्
yudhiṣṭhira uvāca dharmāḥ pitāmahenoktā mokṣadharmāśritāḥ śubhāḥ dharmam āśramiṇāṃ śreṣṭhaṃ vaktum arhati me bhavān
Sanskrit only: no published translation is held for this verse.
भीष्म उवाच सर्वत्र विहितो धर्मः स्वर्ग्यः सत्यफलोदयः बहुद्वारस्य धर्मस्य नेहास्ति विफला क्रिया
bhīṣma uvāca sarvatra vihito dharmaḥ svargyaḥ satyaphalodayaḥ bahudvārasya dharmasya nehāsti viphalā kriyā
Sanskrit only: no published translation is held for this verse.
यस्मिन् यस्मिंस् तु विषये यो यो याति विनिश्चयम् स तम् एवाभिजानाति नान्यं भरतसत्तम
yasmin yasmiṃs tu viṣaye yo yo yāti viniścayam sa tam evābhijānāti nānyaṃ bharatasattama
Sanskrit only: no published translation is held for this verse.
अपि च त्वं नरव्याघ्र श्रोतुम् अर्हसि मे कथाम् पुरा शक्रस्य कथितां नारदेन सुरर्षिणा
api ca tvaṃ naravyāghra śrotum arhasi me kathām purā śakrasya kathitāṃ nāradena surarṣiṇā
Sanskrit only: no published translation is held for this verse.
सुरर्षिर् नारदो राजन् सिद्धस् त्रैलोक्यसंमतः पर्येति क्रमशो लोकान् वायुर् अव्याहतो यथा
surarṣir nārado rājan siddhas trailokyasaṃmataḥ paryeti kramaśo lokān vāyur avyāhato yathā
Sanskrit only: no published translation is held for this verse.
स कदा चिन् महेष्वास देवराजालयं गतः सत्कृतश् च महेन्द्रेण प्रत्यासन्नगतो ऽभवत्
sa kadā cin maheṣvāsa devarājālayaṃ gataḥ satkṛtaś ca mahendreṇa pratyāsannagato 'bhavat
Sanskrit only: no published translation is held for this verse.
तं कृतक्षणम् आसीनं पर्यपृच्छच् छचीपतिः ब्रह्मर्षे किं चिद् आश्चर्यम् अस्ति दृष्टं त्वयानघ
taṃ kṛtakṣaṇam āsīnaṃ paryapṛcchac chacīpatiḥ brahmarṣe kiṃ cid āścaryam asti dṛṣṭaṃ tvayānagha
Sanskrit only: no published translation is held for this verse.
यथा त्वम् अपि विप्रर्षे त्रैलोक्यं सचराचरम् जातकौतूहलो नित्यं सिद्धश् चरसि साक्षिवत्
yathā tvam api viprarṣe trailokyaṃ sacarācaram jātakautūhalo nityaṃ siddhaś carasi sākṣivat
Sanskrit only: no published translation is held for this verse.
न ह्य् अस्त्य् अविदितं लोके देवर्षे तव किं चन श्रुतं वाप्य् अनुभूतं वा दृष्टं वा कथयस्व मे
na hy asty aviditaṃ loke devarṣe tava kiṃ cana śrutaṃ vāpy anubhūtaṃ vā dṛṣṭaṃ vā kathayasva me
Sanskrit only: no published translation is held for this verse.
तस्मै राजन् सुरेन्द्राय नारदो वदतां वरः आसीनायोपपन्नाय प्रोक्तवान् विपुलां कथाम्
tasmai rājan surendrāya nārado vadatāṃ varaḥ āsīnāyopapannāya proktavān vipulāṃ kathām
Sanskrit only: no published translation is held for this verse.
यथा येन च कल्पेन स तस्मै द्विजसत्तमः कथां कथितवान् पृष्टस् तथा त्वम् अपि मे शृणु
yathā yena ca kalpena sa tasmai dvijasattamaḥ kathāṃ kathitavān pṛṣṭas tathā tvam api me śṛṇu
Sanskrit only: no published translation is held for this verse.