Mahābhārata (critical edition) 12.341

भीष्म उवाच आसीत् किल कुरुश्रेष्ठ महापद्मे पुरोत्तमे गङ्गाया दक्षिणे तीरे कश् चिद् विप्रः समाहितः

bhīṣma uvāca āsīt kila kuruśreṣṭha mahāpadme purottame gaṅgāyā dakṣiṇe tīre kaś cid vipraḥ samāhitaḥ

Sanskrit only: no published translation is held for this verse.

सौम्यः सोमान्वये वेदे गताध्वा छिन्नसंशयः धर्मनित्यो जितक्रोधो नित्यतृप्तो जितेन्द्रियः

saumyaḥ somānvaye vede gatādhvā chinnasaṃśayaḥ dharmanityo jitakrodho nityatṛpto jitendriyaḥ

Sanskrit only: no published translation is held for this verse.

अहिंसानिरतो नित्यं सत्यः सज्जनसंमतः न्यायप्राप्तेन वित्तेन स्वेन शीलेन चान्वितः

ahiṃsānirato nityaṃ satyaḥ sajjanasaṃmataḥ nyāyaprāptena vittena svena śīlena cānvitaḥ

Sanskrit only: no published translation is held for this verse.

ज्ञातिसंबन्धिविपुले मित्रापाश्रयसंमते कुले महति विख्याते विशिष्टां वृत्तिम् आस्थितः

jñātisaṃbandhivipule mitrāpāśrayasaṃmate kule mahati vikhyāte viśiṣṭāṃ vṛttim āsthitaḥ

Sanskrit only: no published translation is held for this verse.

स पुत्रान् बहुलान् दृष्ट्वा विपुले कर्मणि स्थितः कुलधर्माश्रितो राजन् धर्मचर्यापरो ऽभवत्

sa putrān bahulān dṛṣṭvā vipule karmaṇi sthitaḥ kuladharmāśrito rājan dharmacaryāparo 'bhavat

Sanskrit only: no published translation is held for this verse.

ततः स धर्मं वेदोक्तं यथाशास्त्रोक्तम् एव च शिष्टाचीर्णं च धर्मं च त्रिविधं चिन्त्य चेतसा

tataḥ sa dharmaṃ vedoktaṃ yathāśāstroktam eva ca śiṣṭācīrṇaṃ ca dharmaṃ ca trividhaṃ cintya cetasā

Sanskrit only: no published translation is held for this verse.

किं नु मे स्याच् छुभं कृत्वा किं क्षमं किं परायणम् इत्य् एवं खिद्यते नित्यं न च याति विनिश्चयम्

kiṃ nu me syāc chubhaṃ kṛtvā kiṃ kṣamaṃ kiṃ parāyaṇam ity evaṃ khidyate nityaṃ na ca yāti viniścayam

Sanskrit only: no published translation is held for this verse.

तस्यैवं खिद्यमानस्य धर्मं परमम् आस्थितः कदा चिद् अतिथिः प्राप्तो ब्राह्मणः सुसमाहितः

tasyaivaṃ khidyamānasya dharmaṃ paramam āsthitaḥ kadā cid atithiḥ prāpto brāhmaṇaḥ susamāhitaḥ

Sanskrit only: no published translation is held for this verse.

स तस्मै सत्क्रियां चक्रे क्रियायुक्तेन हेतुना विश्रान्तं चैनम् आसीनम् इदं वचनम् अब्रवीत्

sa tasmai satkriyāṃ cakre kriyāyuktena hetunā viśrāntaṃ cainam āsīnam idaṃ vacanam abravīt

Sanskrit only: no published translation is held for this verse.