Mahābhārata (critical edition) 12.343

अतिथिर् उवाच उपदेशं तु ते विप्र करिष्ये ऽहं यथागमम् गुरुणा मे यथाख्यातम् अर्थतस् तच् च मे शृणु

atithir uvāca upadeśaṃ tu te vipra kariṣye 'haṃ yathāgamam guruṇā me yathākhyātam arthatas tac ca me śṛṇu

Sanskrit only: no published translation is held for this verse.

यत्र पूर्वाभिसर्गेण धर्मचक्रं प्रवर्तितम् नैमिषे गोमतीतीरे तत्र नागाह्वयं पुरम्

yatra pūrvābhisargeṇa dharmacakraṃ pravartitam naimiṣe gomatītīre tatra nāgāhvayaṃ puram

Sanskrit only: no published translation is held for this verse.

समग्रैस् त्रिदशैस् तत्र इष्टम् आसीद् द्विजर्षभ यत्रेन्द्रातिक्रमं चक्रे मान्धाता राजसत्तमः

samagrais tridaśais tatra iṣṭam āsīd dvijarṣabha yatrendrātikramaṃ cakre māndhātā rājasattamaḥ

Sanskrit only: no published translation is held for this verse.

कृताधिवासो धर्मात्मा तत्र चक्षुःश्रवा महान् पद्मनाभो महाभागः पद्म इत्य् एव विश्रुतः

kṛtādhivāso dharmātmā tatra cakṣuḥśravā mahān padmanābho mahābhāgaḥ padma ity eva viśrutaḥ

Sanskrit only: no published translation is held for this verse.

स वाचा कर्मणा चैव मनसा च द्विजर्षभ प्रसादयति भूतानि त्रिविधे वर्त्मनि स्थितः

sa vācā karmaṇā caiva manasā ca dvijarṣabha prasādayati bhūtāni trividhe vartmani sthitaḥ

Sanskrit only: no published translation is held for this verse.

साम्ना दानेन भेदेन दण्डेनेति चतुर्विधम् विषमस्थं जनं स्वं च चक्षुर्ध्यानेन रक्षति

sāmnā dānena bhedena daṇḍeneti caturvidham viṣamasthaṃ janaṃ svaṃ ca cakṣurdhyānena rakṣati

Sanskrit only: no published translation is held for this verse.

तम् अभिक्रम्य विधिना प्रष्टुम् अर्हसि काङ्क्षितम् स ते परमकं धर्मं नमिथ्या दर्शयिष्यति

tam abhikramya vidhinā praṣṭum arhasi kāṅkṣitam sa te paramakaṃ dharmaṃ namithyā darśayiṣyati

Sanskrit only: no published translation is held for this verse.

स हि सर्वातिथिर् नागो बुद्धिशास्त्रविशारदः गुणैर् अनवमैर् युक्तः समस्तैर् आभिकामिकैः

sa hi sarvātithir nāgo buddhiśāstraviśāradaḥ guṇair anavamair yuktaḥ samastair ābhikāmikaiḥ

Sanskrit only: no published translation is held for this verse.

प्रकृत्या नित्यसलिलो नित्यम् अध्ययने रतः तपोदमाभ्यां संयुक्तो वृत्तेनानवरेण च

prakṛtyā nityasalilo nityam adhyayane rataḥ tapodamābhyāṃ saṃyukto vṛttenānavareṇa ca

Sanskrit only: no published translation is held for this verse.

यज्वा दानरुचिः क्षान्तो वृत्ते च परमे स्थितः सत्यवाग् अनसूयुश् च शीलवान् अभिसंश्रितः

yajvā dānaruciḥ kṣānto vṛtte ca parame sthitaḥ satyavāg anasūyuś ca śīlavān abhisaṃśritaḥ

Sanskrit only: no published translation is held for this verse.

शेषान्नभोक्ता वचनानुकूलो; हितार्जवोत्कृष्टकृताकृतज्ञः अवैरकृद् भूतहिते नियुक्तो; गङ्गाह्रदाम्भो ऽभिजनोपपन्नः

śeṣānnabhoktā vacanānukūlo; hitārjavotkṛṣṭakṛtākṛtajñaḥ avairakṛd bhūtahite niyukto; gaṅgāhradāmbho 'bhijanopapannaḥ

Sanskrit only: no published translation is held for this verse.