Mahābhārata (critical edition) 12.344

ब्राह्मण उवाच अतिभारोद्यतस्यैव भारापनयनं महत् पराश्वासकरं वाक्यम् इदं मे भवतः श्रुतम्

brāhmaṇa uvāca atibhārodyatasyaiva bhārāpanayanaṃ mahat parāśvāsakaraṃ vākyam idaṃ me bhavataḥ śrutam

Sanskrit only: no published translation is held for this verse.

अध्वक्लान्तस्य शयनं स्थानक्लान्तस्य चासनम् तृषितस्य च पानीयं क्षुधार्तस्य च भोजनम्

adhvaklāntasya śayanaṃ sthānaklāntasya cāsanam tṛṣitasya ca pānīyaṃ kṣudhārtasya ca bhojanam

Sanskrit only: no published translation is held for this verse.

ईप्सितस्येव संप्राप्तिर् अन्नस्य समये ऽतिथेः एषितस्यात्मनः काले वृद्धस्येव सुतो यथा

īpsitasyeva saṃprāptir annasya samaye 'titheḥ eṣitasyātmanaḥ kāle vṛddhasyeva suto yathā

Sanskrit only: no published translation is held for this verse.

मनसा चिन्तितस्येव प्रीतिस्निग्धस्य दर्शनम् प्रह्रादयति मां वाक्यं भवता यद् उदीरितम्

manasā cintitasyeva prītisnigdhasya darśanam prahrādayati māṃ vākyaṃ bhavatā yad udīritam

Sanskrit only: no published translation is held for this verse.

दत्तचक्षुर् इवाकाशे पश्यामि विमृशामि च प्रज्ञानवचनाद् यो ऽयम् उपदेशो हि मे कृतः बाढम् एवं करिष्यामि यथा मां भाषते भवान्

dattacakṣur ivākāśe paśyāmi vimṛśāmi ca prajñānavacanād yo 'yam upadeśo hi me kṛtaḥ bāḍham evaṃ kariṣyāmi yathā māṃ bhāṣate bhavān

Sanskrit only: no published translation is held for this verse.

इहेमां रजनीं साधो निवसस्व मया सह प्रभाते यास्यति भवान् पर्याश्वस्तः सुखोषितः असौ हि भगवान् सूर्यो मन्दरश्मिर् अवाङ्मुखः

ihemāṃ rajanīṃ sādho nivasasva mayā saha prabhāte yāsyati bhavān paryāśvastaḥ sukhoṣitaḥ asau hi bhagavān sūryo mandaraśmir avāṅmukhaḥ

Sanskrit only: no published translation is held for this verse.

भीष्म उवाच ततस् तेन कृतातिथ्यः सो ऽतिथिः शत्रुसूदन उवास किल तां रात्रिं सह तेन द्विजेन वै

bhīṣma uvāca tatas tena kṛtātithyaḥ so 'tithiḥ śatrusūdana uvāsa kila tāṃ rātriṃ saha tena dvijena vai

Sanskrit only: no published translation is held for this verse.

तत् तच् च धर्मसंयुक्तं तयोः कथयतोस् तदा व्यतीता सा निशा कृत्स्ना सुखेन दिवसोपमा

tat tac ca dharmasaṃyuktaṃ tayoḥ kathayatos tadā vyatītā sā niśā kṛtsnā sukhena divasopamā

Sanskrit only: no published translation is held for this verse.

ततः प्रभातसमये सो ऽतिथिस् तेन पूजितः ब्राह्मणेन यथाशक्त्या स्वकार्यम् अभिकाङ्क्षता

tataḥ prabhātasamaye so 'tithis tena pūjitaḥ brāhmaṇena yathāśaktyā svakāryam abhikāṅkṣatā

Sanskrit only: no published translation is held for this verse.

ततः स विप्रः कृतधर्मनिश्चयः; कृताभ्यनुज्ञः स्वजनेन धर्मवित् यथोपदिष्टं भुजगेन्द्रसंश्रयं; जगाम काले सुकृतैकनिश्चयः

tataḥ sa vipraḥ kṛtadharmaniścayaḥ; kṛtābhyanujñaḥ svajanena dharmavit yathopadiṣṭaṃ bhujagendrasaṃśrayaṃ; jagāma kāle sukṛtaikaniścayaḥ

Sanskrit only: no published translation is held for this verse.