Mahābhārata (critical edition) 12.350

ब्राह्मण उवाच विवस्वतो गच्छति पर्ययेण; वोढुं भवांस् तं रथम् एकचक्रम् आश्चर्यभूतं यदि तत्र किं चिद्; दृष्टं त्वया शंसितुम् अर्हसि त्वम्

brāhmaṇa uvāca vivasvato gacchati paryayeṇa; voḍhuṃ bhavāṃs taṃ ratham ekacakram āścaryabhūtaṃ yadi tatra kiṃ cid; dṛṣṭaṃ tvayā śaṃsitum arhasi tvam

Sanskrit only: no published translation is held for this verse.

नाग उवाच यस्य रश्मिसहस्रेषु शाखास्व् इव विहंगमाः वसन्त्य् आश्रित्य मुनयः संसिद्धा दैवतैः सह

nāga uvāca yasya raśmisahasreṣu śākhāsv iva vihaṃgamāḥ vasanty āśritya munayaḥ saṃsiddhā daivataiḥ saha

Sanskrit only: no published translation is held for this verse.

यतो वायुर् विनिःसृत्य सूर्यरश्म्याश्रितो महान् विजृम्भत्य् अम्बरे विप्र किम् आश्चर्यतरं ततः

yato vāyur viniḥsṛtya sūryaraśmyāśrito mahān vijṛmbhaty ambare vipra kim āścaryataraṃ tataḥ

Sanskrit only: no published translation is held for this verse.

शुक्रो नामासितः पादो यस्य वारिधरो ऽम्बरे तोयं सृजति वर्षासु किम् आश्चर्यम् अतः परम्

śukro nāmāsitaḥ pādo yasya vāridharo 'mbare toyaṃ sṛjati varṣāsu kim āścaryam ataḥ param

Sanskrit only: no published translation is held for this verse.

यो ऽष्टमासांस् तु शुचिना किरणेनोज्झितं पयः पर्यादत्ते पुनः काले किम् आश्चर्यम् अतः परम्

yo 'ṣṭamāsāṃs tu śucinā kiraṇenojjhitaṃ payaḥ paryādatte punaḥ kāle kim āścaryam ataḥ param

Sanskrit only: no published translation is held for this verse.

यस्य तेजोविशेषेषु नित्यम् आत्मा प्रतिष्ठितः यतो बीजं मही चेयं धार्यते सचराचरम्

yasya tejoviśeṣeṣu nityam ātmā pratiṣṭhitaḥ yato bījaṃ mahī ceyaṃ dhāryate sacarācaram

Sanskrit only: no published translation is held for this verse.

यत्र देवो महाबाहुः शाश्वतः परमो ऽक्षरः अनादिनिधनो विप्र किम् आश्चर्यम् अतः परम्

yatra devo mahābāhuḥ śāśvataḥ paramo 'kṣaraḥ anādinidhano vipra kim āścaryam ataḥ param

Sanskrit only: no published translation is held for this verse.

आश्चर्याणाम् इवाश्चर्यम् इदम् एकं तु मे शृणु विमले यन् मया दृष्टम् अम्बरे सूर्यसंश्रयात्

āścaryāṇām ivāścaryam idam ekaṃ tu me śṛṇu vimale yan mayā dṛṣṭam ambare sūryasaṃśrayāt

Sanskrit only: no published translation is held for this verse.

पुरा मध्याह्नसमये लोकांस् तपति भास्करे प्रत्यादित्यप्रतीकाशः सर्वतः प्रत्यदृश्यत

purā madhyāhnasamaye lokāṃs tapati bhāskare pratyādityapratīkāśaḥ sarvataḥ pratyadṛśyata

Sanskrit only: no published translation is held for this verse.

स लोकांस् तेजसा सर्वान् स्वभासा निर्विभासयन् आदित्याभिमुखो ऽभ्येति गगनं पाटयन्न् इव

sa lokāṃs tejasā sarvān svabhāsā nirvibhāsayan ādityābhimukho 'bhyeti gaganaṃ pāṭayann iva

Sanskrit only: no published translation is held for this verse.

हुताहुतिर् इव ज्योतिर् व्याप्य तेजोमरीचिभिः अनिर्देश्येन रूपेण द्वितीय इव भास्करः

hutāhutir iva jyotir vyāpya tejomarīcibhiḥ anirdeśyena rūpeṇa dvitīya iva bhāskaraḥ

Sanskrit only: no published translation is held for this verse.

तस्याभिगमनप्राप्तौ हस्तो दत्तो विवस्वता तेनापि दक्षिणो हस्तो दत्तः प्रत्यर्चनार्थिना

tasyābhigamanaprāptau hasto datto vivasvatā tenāpi dakṣiṇo hasto dattaḥ pratyarcanārthinā

Sanskrit only: no published translation is held for this verse.

ततो भित्त्वैव गगनं प्रविष्टो रविमण्डलम् एकीभूतं च तत् तेजः क्षणेनादित्यतां गतम्

tato bhittvaiva gaganaṃ praviṣṭo ravimaṇḍalam ekībhūtaṃ ca tat tejaḥ kṣaṇenādityatāṃ gatam

Sanskrit only: no published translation is held for this verse.

तत्र नः संशयो जातस् तयोस् तेजःसमागमे अनयोः को भवेत् सूर्यो रथस्थो यो ऽयम् आगतः

tatra naḥ saṃśayo jātas tayos tejaḥsamāgame anayoḥ ko bhavet sūryo rathastho yo 'yam āgataḥ

Sanskrit only: no published translation is held for this verse.

ते वयं जातसंदेहाः पर्यपृच्छामहे रविम् क एष दिवम् आक्रम्य गतः सूर्य इवापरः

te vayaṃ jātasaṃdehāḥ paryapṛcchāmahe ravim ka eṣa divam ākramya gataḥ sūrya ivāparaḥ

Sanskrit only: no published translation is held for this verse.