Mahābhārata (critical edition) 12.351

सूर्य उवाच नैष देवो ऽनिलसखो नासुरो न च पन्नगः उञ्छवृत्तिव्रते सिद्धो मुनिर् एष दिवं गतः

sūrya uvāca naiṣa devo 'nilasakho nāsuro na ca pannagaḥ uñchavṛttivrate siddho munir eṣa divaṃ gataḥ

Sanskrit only: no published translation is held for this verse.

एष मूलफलाहारः शीर्णपर्णाशनस् तथा अब्भक्षो वायुभक्षश् च आसीद् विप्रः समाहितः

eṣa mūlaphalāhāraḥ śīrṇaparṇāśanas tathā abbhakṣo vāyubhakṣaś ca āsīd vipraḥ samāhitaḥ

Sanskrit only: no published translation is held for this verse.

ऋचश् चानेन विप्रेण संहितान्तरभिष्टुताः स्वर्गद्वारकृतोद्योगो येनासौ त्रिदिवं गतः

ṛcaś cānena vipreṇa saṃhitāntarabhiṣṭutāḥ svargadvārakṛtodyogo yenāsau tridivaṃ gataḥ

Sanskrit only: no published translation is held for this verse.

असन्नधीरनाकाङ्क्षी नित्यम् उञ्छशिलाशनः सर्वभूतहिते युक्त एष विप्रो भुजंगम

asannadhīranākāṅkṣī nityam uñchaśilāśanaḥ sarvabhūtahite yukta eṣa vipro bhujaṃgama

Sanskrit only: no published translation is held for this verse.

न हि देवा न गन्धर्वा नासुरा न च पन्नगाः प्रभवन्तीह भूतानां प्राप्तानां परमां गतिम्

na hi devā na gandharvā nāsurā na ca pannagāḥ prabhavantīha bhūtānāṃ prāptānāṃ paramāṃ gatim

Sanskrit only: no published translation is held for this verse.

नाग उवाच एतद् एवंविधं दृष्टम् आश्चर्यं तत्र मे द्विज संसिद्धो मानुषः कायो यो ऽसौ सिद्धगतिं गतः सूर्येण सहितो ब्रह्मन् पृथिवीं परिवर्तते

nāga uvāca etad evaṃvidhaṃ dṛṣṭam āścaryaṃ tatra me dvija saṃsiddho mānuṣaḥ kāyo yo 'sau siddhagatiṃ gataḥ sūryeṇa sahito brahman pṛthivīṃ parivartate

Sanskrit only: no published translation is held for this verse.