Library·Mahābhārata (critical edition)·12·12.352
ब्राह्मण उवाच आश्चर्यं नात्र संदेहः सुप्रीतो ऽस्मि भुजंगम अन्वर्थोपगतैर् वाक्यैः पन्थानं चास्मि दर्शितः
brāhmaṇa uvāca āścaryaṃ nātra saṃdehaḥ suprīto 'smi bhujaṃgama anvarthopagatair vākyaiḥ panthānaṃ cāsmi darśitaḥ
Sanskrit only: no published translation is held for this verse.
स्वस्ति ते ऽस्तु गमिष्यामि साधो भुजगसत्तम स्मरणीयो ऽस्मि भवता संप्रेषणनियोजनैः
svasti te 'stu gamiṣyāmi sādho bhujagasattama smaraṇīyo 'smi bhavatā saṃpreṣaṇaniyojanaiḥ
Sanskrit only: no published translation is held for this verse.
नाग उवाच अनुक्त्वा मद्गतं कार्यं क्वेदानीं प्रस्थितो भवान् उच्यतां द्विज यत् कार्यं यदर्थं त्वम् इहागतः
nāga uvāca anuktvā madgataṃ kāryaṃ kvedānīṃ prasthito bhavān ucyatāṃ dvija yat kāryaṃ yadarthaṃ tvam ihāgataḥ
Sanskrit only: no published translation is held for this verse.
उक्तानुक्ते कृते कार्ये माम् आमन्त्र्य द्विजर्षभ मया प्रत्यभ्यनुज्ञातस् ततो यास्यसि ब्राह्मण
uktānukte kṛte kārye mām āmantrya dvijarṣabha mayā pratyabhyanujñātas tato yāsyasi brāhmaṇa
Sanskrit only: no published translation is held for this verse.
न हि मां केवलं दृष्ट्वा त्यक्त्वा प्रणयवान् इह गन्तुम् अर्हसि विप्रर्षे वृक्षमूलगतो यथा
na hi māṃ kevalaṃ dṛṣṭvā tyaktvā praṇayavān iha gantum arhasi viprarṣe vṛkṣamūlagato yathā
Sanskrit only: no published translation is held for this verse.
त्वयि चाहं द्विजश्रेष्ठ भवान् मयि न संशयः लोको ऽयं भवतः सर्वः का चिन्ता मयि ते ऽनघ
tvayi cāhaṃ dvijaśreṣṭha bhavān mayi na saṃśayaḥ loko 'yaṃ bhavataḥ sarvaḥ kā cintā mayi te 'nagha
Sanskrit only: no published translation is held for this verse.
ब्राह्मण उवाच एवम् एतन् महाप्राज्ञ विज्ञातार्थ भुजंगम नातिरिक्तास् त्वया देवाः सर्वथैव यथातथम्
brāhmaṇa uvāca evam etan mahāprājña vijñātārtha bhujaṃgama nātiriktās tvayā devāḥ sarvathaiva yathātatham
Sanskrit only: no published translation is held for this verse.
य एवाहं स एव त्वम् एवम् एतद् भुजंगम अहं भवांश् च भूतानि सर्वे सर्वत्रगाः सदा
ya evāhaṃ sa eva tvam evam etad bhujaṃgama ahaṃ bhavāṃś ca bhūtāni sarve sarvatragāḥ sadā
Sanskrit only: no published translation is held for this verse.
आसीत् तु मे भोगपते संशयः पुण्यसंचये सो ऽहम् उञ्छव्रतं साधो चरिष्याम्य् अर्थदर्शनम्
āsīt tu me bhogapate saṃśayaḥ puṇyasaṃcaye so 'ham uñchavrataṃ sādho cariṣyāmy arthadarśanam
Sanskrit only: no published translation is held for this verse.
एष मे निश्चयः साधो कृतः कारणवत्तरः आमन्त्रयामि भद्रं ते कृतार्थो ऽस्मि भुजंगम
eṣa me niścayaḥ sādho kṛtaḥ kāraṇavattaraḥ āmantrayāmi bhadraṃ te kṛtārtho 'smi bhujaṃgama
Sanskrit only: no published translation is held for this verse.