Library·Mahābhārata (critical edition)·12·12.353
भीष्म उवाच स चामन्त्र्योरगश्रेष्ठं ब्राह्मणः कृतनिश्चयः दीक्षाकाङ्क्षी तदा राजंश् च्यवनं भार्गवं श्रितः
bhīṣma uvāca sa cāmantryoragaśreṣṭhaṃ brāhmaṇaḥ kṛtaniścayaḥ dīkṣākāṅkṣī tadā rājaṃś cyavanaṃ bhārgavaṃ śritaḥ
Sanskrit only: no published translation is held for this verse.
स तेन कृतसंस्कारो धर्मम् एवोपतस्थिवान् तथैव च कथाम् एतां राजन् कथितवांस् तदा
sa tena kṛtasaṃskāro dharmam evopatasthivān tathaiva ca kathām etāṃ rājan kathitavāṃs tadā
Sanskrit only: no published translation is held for this verse.
भार्गवेणापि राजेन्द्र जनकस्य निवेशने कथैषा कथिता पुण्या नारदाय महात्मने
bhārgaveṇāpi rājendra janakasya niveśane kathaiṣā kathitā puṇyā nāradāya mahātmane
Sanskrit only: no published translation is held for this verse.
नारदेनापि राजेन्द्र देवेन्द्रस्य निवेशने कथिता भरतश्रेष्ठ पृष्टेनाक्लिष्टकर्मणा
nāradenāpi rājendra devendrasya niveśane kathitā bharataśreṣṭha pṛṣṭenākliṣṭakarmaṇā
Sanskrit only: no published translation is held for this verse.
देवराजेन च पुरा कथैषा कथिता शुभा समस्तेभ्यः प्रशस्तेभ्यो वसुभ्यो वसुधाधिप
devarājena ca purā kathaiṣā kathitā śubhā samastebhyaḥ praśastebhyo vasubhyo vasudhādhipa
Sanskrit only: no published translation is held for this verse.
यदा च मम रामेण युद्धम् आसीत् सुदारुणम् वसुभिश् च तदा राजन् कथेयं कथिता मम
yadā ca mama rāmeṇa yuddham āsīt sudāruṇam vasubhiś ca tadā rājan katheyaṃ kathitā mama
Sanskrit only: no published translation is held for this verse.
पृच्छमानाय तत्त्वेन मया तुभ्यं विशां पते कथेयं कथिता पुण्या धर्म्या धर्मभृतां वर
pṛcchamānāya tattvena mayā tubhyaṃ viśāṃ pate katheyaṃ kathitā puṇyā dharmyā dharmabhṛtāṃ vara
Sanskrit only: no published translation is held for this verse.
तद् एष परमो धर्मो यन् मां पृच्छसि भारत असन्नधीर् अनाकाङ्क्षी धर्मार्थकरणे नृप
tad eṣa paramo dharmo yan māṃ pṛcchasi bhārata asannadhīr anākāṅkṣī dharmārthakaraṇe nṛpa
Sanskrit only: no published translation is held for this verse.
स च किल कृतनिश्चयो द्विजाग्र्यो; भुजगपतिप्रतिदेशितार्थकृत्यः यमनियमसमाहितो वनान्तं; परिगणितोञ्छशिलाशनः प्रविष्टः
sa ca kila kṛtaniścayo dvijāgryo; bhujagapatipratideśitārthakṛtyaḥ yamaniyamasamāhito vanāntaṃ; parigaṇitoñchaśilāśanaḥ praviṣṭaḥ
Sanskrit only: no published translation is held for this verse.