Mahābhārata (critical edition) 12.40

वैशंपायन उवाच ततः कुन्तीसुतो राजा गतमन्युर् गतज्वरः काञ्चने प्राङ्मुखो हृष्टो न्यषीदत् परमासने

vaiśaṃpāyana uvāca tataḥ kuntīsuto rājā gatamanyur gatajvaraḥ kāñcane prāṅmukho hṛṣṭo nyaṣīdat paramāsane

Sanskrit only: no published translation is held for this verse.

तम् एवाभिमुखौ पीठे सेव्यास्तरणसंवृते सात्यकिर् वासुदेवश् च निषीदतुर् अरिंदमौ

tam evābhimukhau pīṭhe sevyāstaraṇasaṃvṛte sātyakir vāsudevaś ca niṣīdatur ariṃdamau

Sanskrit only: no published translation is held for this verse.

मध्ये कृत्वा तु राजानं भीमसेनार्जुनाव् उभौ निषीदतुर् महात्मानौ श्लक्ष्णयोर् मणिपीठयोः

madhye kṛtvā tu rājānaṃ bhīmasenārjunāv ubhau niṣīdatur mahātmānau ślakṣṇayor maṇipīṭhayoḥ

Sanskrit only: no published translation is held for this verse.

दान्ते शय्यासने शुभ्रे जाम्बूनदविभूषिते पृथापि सहदेवेन सहास्ते नकुलेन च

dānte śayyāsane śubhre jāmbūnadavibhūṣite pṛthāpi sahadevena sahāste nakulena ca

Sanskrit only: no published translation is held for this verse.

सुधर्मा विदुरो धौम्यो धृतराष्ट्रश् च कौरवः निषेदुर् ज्वलनाकारेष्व् आसनेषु पृथक् पृथक्

sudharmā viduro dhaumyo dhṛtarāṣṭraś ca kauravaḥ niṣedur jvalanākāreṣv āsaneṣu pṛthak pṛthak

Sanskrit only: no published translation is held for this verse.

युयुत्सुः संजयश् चैव गान्धारी च यशस्विनी धृतराष्ट्रो यतो राजा ततः सर्व उपाविशन्

yuyutsuḥ saṃjayaś caiva gāndhārī ca yaśasvinī dhṛtarāṣṭro yato rājā tataḥ sarva upāviśan

Sanskrit only: no published translation is held for this verse.

तत्रोपविष्टो धर्मात्मा श्वेताः सुमनसो ऽस्पृशत् स्वस्तिकान् अक्षतान् भूमिं सुवर्णं रजतं मणीन्

tatropaviṣṭo dharmātmā śvetāḥ sumanaso 'spṛśat svastikān akṣatān bhūmiṃ suvarṇaṃ rajataṃ maṇīn

Sanskrit only: no published translation is held for this verse.

ततः प्रकृतयः सर्वाः पुरस्कृत्य पुरोहितम् ददृशुर् धर्मराजानम् आदाय बहु मङ्गलम्

tataḥ prakṛtayaḥ sarvāḥ puraskṛtya purohitam dadṛśur dharmarājānam ādāya bahu maṅgalam

Sanskrit only: no published translation is held for this verse.

पृथिवीं च सुवर्णं च रत्नानि विविधानि च आभिषेचनिकं भाण्डं सर्वसंभारसंभृतम्

pṛthivīṃ ca suvarṇaṃ ca ratnāni vividhāni ca ābhiṣecanikaṃ bhāṇḍaṃ sarvasaṃbhārasaṃbhṛtam

Sanskrit only: no published translation is held for this verse.

काञ्चनौदुम्बरास् तत्र राजताः पृथिवीमयाः पूर्णकुम्भाः सुमनसो लाजा बर्हींषि गोरसाः

kāñcanaudumbarās tatra rājatāḥ pṛthivīmayāḥ pūrṇakumbhāḥ sumanaso lājā barhīṃṣi gorasāḥ

Sanskrit only: no published translation is held for this verse.

शमीपलाशपुंनागाः समिधो मधुसर्पिषी स्रुव औदुम्बरः शङ्खास् तथा हेमविभूषिताः

śamīpalāśapuṃnāgāḥ samidho madhusarpiṣī sruva audumbaraḥ śaṅkhās tathā hemavibhūṣitāḥ

Sanskrit only: no published translation is held for this verse.

दाशार्हेणाभ्यनुज्ञातस् तत्र धौम्यः पुरोहितः प्रागुदक्प्रवणां वेदीं लक्षणेनोपलिप्य ह

dāśārheṇābhyanujñātas tatra dhaumyaḥ purohitaḥ prāgudakpravaṇāṃ vedīṃ lakṣaṇenopalipya ha

Sanskrit only: no published translation is held for this verse.

व्याघ्रचर्मोत्तरे श्लक्ष्णे सर्वतोभद्र आसने दृढपादप्रतिष्ठाने हुताशनसमत्विषि

vyāghracarmottare ślakṣṇe sarvatobhadra āsane dṛḍhapādapratiṣṭhāne hutāśanasamatviṣi

Sanskrit only: no published translation is held for this verse.

उपवेश्य महात्मानं कृष्णां च द्रुपदात्मजाम् जुहाव पावकं धीमान् विधिमन्त्रपुरस्कृतम्

upaveśya mahātmānaṃ kṛṣṇāṃ ca drupadātmajām juhāva pāvakaṃ dhīmān vidhimantrapuraskṛtam

Sanskrit only: no published translation is held for this verse.

अभ्यषिञ्चत् पतिं पृथ्व्याः कुन्तीपुत्रं युधिष्ठिरम् धृतराष्ट्रश् च राजर्षिः सर्वाः प्रकृतयस् तथा

abhyaṣiñcat patiṃ pṛthvyāḥ kuntīputraṃ yudhiṣṭhiram dhṛtarāṣṭraś ca rājarṣiḥ sarvāḥ prakṛtayas tathā

Sanskrit only: no published translation is held for this verse.

ततो ऽनुवादयाम् आसुः पणवानकदुन्दुभीः धर्मराजो ऽपि तत् सर्वं प्रतिजग्राह धर्मतः

tato 'nuvādayām āsuḥ paṇavānakadundubhīḥ dharmarājo 'pi tat sarvaṃ pratijagrāha dharmataḥ

Sanskrit only: no published translation is held for this verse.

पूजयाम् आस तांश् चापि विधिवद् भूरिदक्षिणः ततो निष्कसहस्रेण ब्राह्मणान् स्वस्ति वाचयत् वेदाध्ययनसंपन्नाञ् शीलवृत्तसमन्वितान्

pūjayām āsa tāṃś cāpi vidhivad bhūridakṣiṇaḥ tato niṣkasahasreṇa brāhmaṇān svasti vācayat vedādhyayanasaṃpannāñ śīlavṛttasamanvitān

Sanskrit only: no published translation is held for this verse.

ते प्रीता ब्राह्मणा राजन् स्वस्त्य् ऊचुर् जयम् एव च हंसा इव च नर्दन्तः प्रशशंसुर् युधिष्ठिरम्

te prītā brāhmaṇā rājan svasty ūcur jayam eva ca haṃsā iva ca nardantaḥ praśaśaṃsur yudhiṣṭhiram

Sanskrit only: no published translation is held for this verse.

युधिष्ठिर महाबाहो दिष्ट्या जयसि पाण्डव दिष्ट्या स्वधर्मं प्राप्तो ऽसि विक्रमेण महाद्युते

yudhiṣṭhira mahābāho diṣṭyā jayasi pāṇḍava diṣṭyā svadharmaṃ prāpto 'si vikrameṇa mahādyute

Sanskrit only: no published translation is held for this verse.

दिष्ट्या गाण्डीवधन्वा च भीमसेनश् च पाण्डवः त्वं चापि कुशली राजन् माद्रीपुत्रौ च पाण्डवौ

diṣṭyā gāṇḍīvadhanvā ca bhīmasenaś ca pāṇḍavaḥ tvaṃ cāpi kuśalī rājan mādrīputrau ca pāṇḍavau

Sanskrit only: no published translation is held for this verse.

मुक्ता वीरक्षयाद् अस्मात् संग्रामान् निहतद्विषः क्षिप्रम् उत्तरकालानि कुरु कार्याणि पाण्डव

muktā vīrakṣayād asmāt saṃgrāmān nihatadviṣaḥ kṣipram uttarakālāni kuru kāryāṇi pāṇḍava

Sanskrit only: no published translation is held for this verse.

ततः प्रत्यर्चितः सद्भिर् धर्मराजो युधिष्ठिरः प्रतिपेदे महद् राज्यं सुहृद्भिः सह भारत

tataḥ pratyarcitaḥ sadbhir dharmarājo yudhiṣṭhiraḥ pratipede mahad rājyaṃ suhṛdbhiḥ saha bhārata

Sanskrit only: no published translation is held for this verse.