Mahābhārata (critical edition) 12.42

वैशंपायन उवाच ततो युधिष्ठिरो राजा ज्ञातीनां ये हता मृधे श्राद्धानि कारयाम् आस तेषां पृथग् उदारधीः

vaiśaṃpāyana uvāca tato yudhiṣṭhiro rājā jñātīnāṃ ye hatā mṛdhe śrāddhāni kārayām āsa teṣāṃ pṛthag udāradhīḥ

Sanskrit only: no published translation is held for this verse.

धृतराष्ट्रो ददौ राजा पुत्राणाम् और्ध्वदेहिकम् सर्वकामगुणोपेतम् अन्नं गाश् च धनानि च रत्नानि च विचित्राणि महार्हाणि महायशाः

dhṛtarāṣṭro dadau rājā putrāṇām aurdhvadehikam sarvakāmaguṇopetam annaṃ gāś ca dhanāni ca ratnāni ca vicitrāṇi mahārhāṇi mahāyaśāḥ

Sanskrit only: no published translation is held for this verse.

युधिष्ठिरस् तु कर्णस्य द्रोणस्य च महात्मनः धृष्टद्युम्नाभिमन्युभ्यां हैडिम्बस्य च रक्षसः

yudhiṣṭhiras tu karṇasya droṇasya ca mahātmanaḥ dhṛṣṭadyumnābhimanyubhyāṃ haiḍimbasya ca rakṣasaḥ

Sanskrit only: no published translation is held for this verse.

विराटप्रभृतीनां च सुहृदाम् उपकारिणाम् द्रुपदद्रौपदेयानां द्रौपद्या सहितो ददौ

virāṭaprabhṛtīnāṃ ca suhṛdām upakāriṇām drupadadraupadeyānāṃ draupadyā sahito dadau

Sanskrit only: no published translation is held for this verse.

ब्राह्मणानां सहस्राणि पृथग् एकैकम् उद्दिशन् धनैश् च वस्त्रै रत्नैश् च गोभिश् च समतर्पयत्

brāhmaṇānāṃ sahasrāṇi pṛthag ekaikam uddiśan dhanaiś ca vastrai ratnaiś ca gobhiś ca samatarpayat

Sanskrit only: no published translation is held for this verse.

ये चान्ये पृथिवीपाला येषां नास्ति सुहृज्जनः उद्दिश्योद्दिश्य तेषां च चक्रे राजौर्ध्वदैहिकम्

ye cānye pṛthivīpālā yeṣāṃ nāsti suhṛjjanaḥ uddiśyoddiśya teṣāṃ ca cakre rājaurdhvadaihikam

Sanskrit only: no published translation is held for this verse.

सभाः प्रपाश् च विविधास् तडागानि च पाण्डवः सुहृदां कारयाम् आस सर्वेषाम् और्ध्वदैहिकम्

sabhāḥ prapāś ca vividhās taḍāgāni ca pāṇḍavaḥ suhṛdāṃ kārayām āsa sarveṣām aurdhvadaihikam

Sanskrit only: no published translation is held for this verse.

स तेषाम् अनृणो भूत्वा गत्वा लोकेष्व् अवाच्यताम् कृतकृत्यो ऽभवद् राजा प्रजा धर्मेण पालयन्

sa teṣām anṛṇo bhūtvā gatvā lokeṣv avācyatām kṛtakṛtyo 'bhavad rājā prajā dharmeṇa pālayan

Sanskrit only: no published translation is held for this verse.

धृतराष्ट्रं यथापूर्वं गान्धारीं विदुरं तथा सर्वांश् च कौरवामात्यान् भृत्यांश् च समपूजयत्

dhṛtarāṣṭraṃ yathāpūrvaṃ gāndhārīṃ viduraṃ tathā sarvāṃś ca kauravāmātyān bhṛtyāṃś ca samapūjayat

Sanskrit only: no published translation is held for this verse.

याश् च तत्र स्त्रियः काश् चिद् धतवीरा हतात्मजाः सर्वास् ताः कौरवो राजा संपूज्यापालयद् घृणी

yāś ca tatra striyaḥ kāś cid dhatavīrā hatātmajāḥ sarvās tāḥ kauravo rājā saṃpūjyāpālayad ghṛṇī

Sanskrit only: no published translation is held for this verse.

दीनान्धकृपणानां च गृहाच्छादनभोजनैः आनृशंस्यपरो राजा चकारानुग्रहं प्रभुः

dīnāndhakṛpaṇānāṃ ca gṛhācchādanabhojanaiḥ ānṛśaṃsyaparo rājā cakārānugrahaṃ prabhuḥ

Sanskrit only: no published translation is held for this verse.

स विजित्य महीं कृत्स्नाम् आनृण्यं प्राप्य वैरिषु निःसपत्नः सुखी राजा विजहार युधिष्ठिरः

sa vijitya mahīṃ kṛtsnām ānṛṇyaṃ prāpya vairiṣu niḥsapatnaḥ sukhī rājā vijahāra yudhiṣṭhiraḥ

Sanskrit only: no published translation is held for this verse.