Library·Mahābhārata (critical edition)·12·12.48
वैशंपायन उवाच ततः स च हृषीकेशः स च राजा युधिष्ठिरः कृपादयश् च ते सर्वे चत्वारः पाण्डवाश् च ह
vaiśaṃpāyana uvāca tataḥ sa ca hṛṣīkeśaḥ sa ca rājā yudhiṣṭhiraḥ kṛpādayaś ca te sarve catvāraḥ pāṇḍavāś ca ha
Sanskrit only: no published translation is held for this verse.
रथैस् ते नगराकारैः पताकाध्वजशोभितैः ययुर् आशु कुरुक्षेत्रं वाजिभिः शीघ्रगामिभिः
rathais te nagarākāraiḥ patākādhvajaśobhitaiḥ yayur āśu kurukṣetraṃ vājibhiḥ śīghragāmibhiḥ
Sanskrit only: no published translation is held for this verse.
ते ऽवतीर्य कुरुक्षेत्रं केशमज्जास्थिसंकुलम् देहन्यासः कृतो यत्र क्षत्रियैस् तैर् महात्मभिः
te 'vatīrya kurukṣetraṃ keśamajjāsthisaṃkulam dehanyāsaḥ kṛto yatra kṣatriyais tair mahātmabhiḥ
Sanskrit only: no published translation is held for this verse.
गजाश्वदेहास्थिचयैः पर्वतैर् इव संचितम् नरशीर्षकपालैश् च शङ्खैर् इव समाचितम्
gajāśvadehāsthicayaiḥ parvatair iva saṃcitam naraśīrṣakapālaiś ca śaṅkhair iva samācitam
Sanskrit only: no published translation is held for this verse.
चितासहस्रैर् निचितं वर्मशस्त्रसमाकुलम् आपानभूमिं कालस्य तदा भुक्तोज्झिताम् इव
citāsahasrair nicitaṃ varmaśastrasamākulam āpānabhūmiṃ kālasya tadā bhuktojjhitām iva
Sanskrit only: no published translation is held for this verse.
भूतसंघानुचरितं रक्षोगणनिषेवितम् पश्यन्तस् ते कुरुक्षेत्रं ययुर् आशु महारथाः
bhūtasaṃghānucaritaṃ rakṣogaṇaniṣevitam paśyantas te kurukṣetraṃ yayur āśu mahārathāḥ
Sanskrit only: no published translation is held for this verse.
गच्छन्न् एव महाबाहुः सर्वयादवनन्दनः युधिष्ठिराय प्रोवाच जामदग्न्यस्य विक्रमम्
gacchann eva mahābāhuḥ sarvayādavanandanaḥ yudhiṣṭhirāya provāca jāmadagnyasya vikramam
Sanskrit only: no published translation is held for this verse.
अमी रामह्रदाः पञ्च दृश्यन्ते पार्थ दूरतः येषु संतर्पयाम् आस पूर्वान् क्षत्रियशोणितैः
amī rāmahradāḥ pañca dṛśyante pārtha dūrataḥ yeṣu saṃtarpayām āsa pūrvān kṣatriyaśoṇitaiḥ
Sanskrit only: no published translation is held for this verse.
त्रिःसप्तकृत्वो वसुधां कृत्वा निःक्षत्रियां प्रभुः इहेदानीं ततो रामः कर्मणो विरराम ह
triḥsaptakṛtvo vasudhāṃ kṛtvā niḥkṣatriyāṃ prabhuḥ ihedānīṃ tato rāmaḥ karmaṇo virarāma ha
Sanskrit only: no published translation is held for this verse.
युधिष्ठिर उवाच त्रिःसप्तकृत्वः पृथिवी कृता निःक्षत्रिया तदा रामेणेति यद् आत्थ त्वम् अत्र मे संशयो महान्
yudhiṣṭhira uvāca triḥsaptakṛtvaḥ pṛthivī kṛtā niḥkṣatriyā tadā rāmeṇeti yad āttha tvam atra me saṃśayo mahān
Sanskrit only: no published translation is held for this verse.
क्षत्रबीजं यदा दग्धं रामेण यदुपुंगव कथं भूयः समुत्पत्तिः क्षत्रस्यामितविक्रम
kṣatrabījaṃ yadā dagdhaṃ rāmeṇa yadupuṃgava kathaṃ bhūyaḥ samutpattiḥ kṣatrasyāmitavikrama
Sanskrit only: no published translation is held for this verse.
महात्मना भगवता रामेण यदुपुंगव कथम् उत्सादितं क्षत्रं कथं वृद्धिं पुनर् गतम्
mahātmanā bhagavatā rāmeṇa yadupuṃgava katham utsāditaṃ kṣatraṃ kathaṃ vṛddhiṃ punar gatam
Sanskrit only: no published translation is held for this verse.
महाभारतयुद्धे हि कोटिशः क्षत्रिया हताः तथाभूच् च मही कीर्णा क्षत्रियैर् वदतां वर
mahābhāratayuddhe hi koṭiśaḥ kṣatriyā hatāḥ tathābhūc ca mahī kīrṇā kṣatriyair vadatāṃ vara
Sanskrit only: no published translation is held for this verse.
एवं मे छिन्धि वार्ष्णेय संशयं तार्क्ष्यकेतन आगमो हि परः कृष्ण त्वत्तो नो वासवानुज
evaṃ me chindhi vārṣṇeya saṃśayaṃ tārkṣyaketana āgamo hi paraḥ kṛṣṇa tvatto no vāsavānuja
Sanskrit only: no published translation is held for this verse.
वैशंपायन उवाच ततो व्रजन्न् एव गदाग्रजः प्रभुः; शशंस तस्मै निखिलेन तत्त्वतः युधिष्ठिरायाप्रतिमौजसे तदा; यथाभवत् क्षत्रियसंकुला मही
vaiśaṃpāyana uvāca tato vrajann eva gadāgrajaḥ prabhuḥ; śaśaṃsa tasmai nikhilena tattvataḥ yudhiṣṭhirāyāpratimaujase tadā; yathābhavat kṣatriyasaṃkulā mahī
Sanskrit only: no published translation is held for this verse.