Mahābhārata (critical edition) 12.5

नारद उवाच आविष्कृतबलं कर्णं ज्ञात्वा राजा तु मागधः आह्वयद् द्वैरथेनाजौ जरासंधो महीपतिः

nārada uvāca āviṣkṛtabalaṃ karṇaṃ jñātvā rājā tu māgadhaḥ āhvayad dvairathenājau jarāsaṃdho mahīpatiḥ

Sanskrit only: no published translation is held for this verse.

तयोः समभवद् युद्धं दिव्यास्त्रविदुषोर् द्वयोः युधि नानाप्रहरणैर् अन्योन्यम् अभिवर्षतोः

tayoḥ samabhavad yuddhaṃ divyāstraviduṣor dvayoḥ yudhi nānāpraharaṇair anyonyam abhivarṣatoḥ

Sanskrit only: no published translation is held for this verse.

क्षीणबाणौ विधनुषौ भग्नखड्गौ महीं गतौ बाहुभिः समसज्जेताम् उभाव् अपि बलान्वितौ

kṣīṇabāṇau vidhanuṣau bhagnakhaḍgau mahīṃ gatau bāhubhiḥ samasajjetām ubhāv api balānvitau

Sanskrit only: no published translation is held for this verse.

बाहुकण्टकयुद्धेन तस्य कर्णो ऽथ युध्यतः बिभेद संधिं देहस्य जरया श्लेषितस्य ह

bāhukaṇṭakayuddhena tasya karṇo 'tha yudhyataḥ bibheda saṃdhiṃ dehasya jarayā śleṣitasya ha

Sanskrit only: no published translation is held for this verse.

स विकारं शरीरस्य दृष्ट्वा नृपतिर् आत्मनः प्रीतो ऽस्मीत्य् अब्रवीत् कर्णं वैरम् उत्सृज्य भारत

sa vikāraṃ śarīrasya dṛṣṭvā nṛpatir ātmanaḥ prīto 'smīty abravīt karṇaṃ vairam utsṛjya bhārata

Sanskrit only: no published translation is held for this verse.

प्रीत्या ददौ स कर्णाय मालिनीं नगरीम् अथ अङ्गेषु नरशार्दूल स राजासीत् सपत्नजित्

prītyā dadau sa karṇāya mālinīṃ nagarīm atha aṅgeṣu naraśārdūla sa rājāsīt sapatnajit

Sanskrit only: no published translation is held for this verse.

पालयाम् आस चम्पां तु कर्णः परबलार्दनः दुर्योधनस्यानुमते तवापि विदितं तथा

pālayām āsa campāṃ tu karṇaḥ parabalārdanaḥ duryodhanasyānumate tavāpi viditaṃ tathā

Sanskrit only: no published translation is held for this verse.

एवं शस्त्रप्रतापेन प्रथितः सो ऽभवत् क्षितौ त्वद्धितार्थं सुरेन्द्रेण भिक्षितो वर्मकुण्डले

evaṃ śastrapratāpena prathitaḥ so 'bhavat kṣitau tvaddhitārthaṃ surendreṇa bhikṣito varmakuṇḍale

Sanskrit only: no published translation is held for this verse.

स दिव्ये सहजे प्रादात् कुण्डले परमार्चिते सहजं कवचं चैव मोहितो देवमायया

sa divye sahaje prādāt kuṇḍale paramārcite sahajaṃ kavacaṃ caiva mohito devamāyayā

Sanskrit only: no published translation is held for this verse.

विमुक्तः कुण्डलाभ्यां च सहजेन च वर्मणा निहतो विजयेनाजौ वासुदेवस्य पश्यतः

vimuktaḥ kuṇḍalābhyāṃ ca sahajena ca varmaṇā nihato vijayenājau vāsudevasya paśyataḥ

Sanskrit only: no published translation is held for this verse.

ब्राह्मणस्याभिशापेन रामस्य च महात्मनः कुन्त्याश् च वरदानेन मायया च शतक्रतोः

brāhmaṇasyābhiśāpena rāmasya ca mahātmanaḥ kuntyāś ca varadānena māyayā ca śatakratoḥ

Sanskrit only: no published translation is held for this verse.

भीष्मावमानात् संख्यायां रथानाम् अर्धकीर्तनात् शल्यात् तेजोवधाच् चापि वासुदेवनयेन च

bhīṣmāvamānāt saṃkhyāyāṃ rathānām ardhakīrtanāt śalyāt tejovadhāc cāpi vāsudevanayena ca

Sanskrit only: no published translation is held for this verse.

रुद्रस्य देवराजस्य यमस्य वरुणस्य च कुबेरद्रोणयोश् चैव कृपस्य च महात्मनः

rudrasya devarājasya yamasya varuṇasya ca kuberadroṇayoś caiva kṛpasya ca mahātmanaḥ

Sanskrit only: no published translation is held for this verse.

अस्त्राणि दिव्यान्य् आदाय युधि गाण्डीवधन्वना हतो वैकर्तनः कर्णो दिवाकरसमद्युतिः

astrāṇi divyāny ādāya yudhi gāṇḍīvadhanvanā hato vaikartanaḥ karṇo divākarasamadyutiḥ

Sanskrit only: no published translation is held for this verse.

एवं शप्तस् तव भ्राता बहुभिश् चापि वञ्चितः न शोच्यः स नरव्याघ्रो युद्धे हि निधनं गतः

evaṃ śaptas tava bhrātā bahubhiś cāpi vañcitaḥ na śocyaḥ sa naravyāghro yuddhe hi nidhanaṃ gataḥ

Sanskrit only: no published translation is held for this verse.