Mahābhārata (critical edition) 12.59

तं साक्षात् पृथिवी भेजे रत्नान्य् आदाय पाण्डव सागरः सरितां भर्ता हिमवांश् चाचलोत्तमः

taṃ sākṣāt pṛthivī bheje ratnāny ādāya pāṇḍava sāgaraḥ saritāṃ bhartā himavāṃś cācalottamaḥ

Sanskrit only: no published translation is held for this verse.

शक्रश् च धनम् अक्षय्यं प्रादात् तस्य युधिष्ठिर रुक्मं चापि महामेरुः स्वयं कनकपर्वतः

śakraś ca dhanam akṣayyaṃ prādāt tasya yudhiṣṭhira rukmaṃ cāpi mahāmeruḥ svayaṃ kanakaparvataḥ

Sanskrit only: no published translation is held for this verse.

यक्षराक्षसभर्ता च भगवान् नरवाहनः धर्मे चार्थे च कामे च समर्थं प्रददौ धनम्

yakṣarākṣasabhartā ca bhagavān naravāhanaḥ dharme cārthe ca kāme ca samarthaṃ pradadau dhanam

Sanskrit only: no published translation is held for this verse.

हया रथाश् च नागाश् च कोटिशः पुरुषास् तथा प्रादुर्बभूवुर् वैन्यस्य चिन्तनाद् एव पाण्डव न जरा न च दुर्भिक्षं नाधयो व्याधयस् तथा

hayā rathāś ca nāgāś ca koṭiśaḥ puruṣās tathā prādurbabhūvur vainyasya cintanād eva pāṇḍava na jarā na ca durbhikṣaṃ nādhayo vyādhayas tathā

Sanskrit only: no published translation is held for this verse.

सरीसृपेभ्यः स्तेनेभ्यो न चान्योन्यात् कदा चन भयम् उत्पद्यते तत्र तस्य राज्ञो ऽभिरक्षणात्

sarīsṛpebhyaḥ stenebhyo na cānyonyāt kadā cana bhayam utpadyate tatra tasya rājño 'bhirakṣaṇāt

Sanskrit only: no published translation is held for this verse.

तेनेयं पृथिवी दुग्धा सस्यानि दश सप्त च यक्षराक्षसनागैश् चापीप्सितं यस्य यस्य यत्

teneyaṃ pṛthivī dugdhā sasyāni daśa sapta ca yakṣarākṣasanāgaiś cāpīpsitaṃ yasya yasya yat

Sanskrit only: no published translation is held for this verse.

तेन धर्मोत्तरश् चायं कृतो लोको महात्मना रञ्जिताश् च प्रजाः सर्वास् तेन राजेति शब्द्यते

tena dharmottaraś cāyaṃ kṛto loko mahātmanā rañjitāś ca prajāḥ sarvās tena rājeti śabdyate

Sanskrit only: no published translation is held for this verse.

ब्राह्मणानां क्षतत्राणात् ततः क्षत्रिय उच्यते प्रथिता धनतश् चेयं पृथिवी साधुभिः स्मृता

brāhmaṇānāṃ kṣatatrāṇāt tataḥ kṣatriya ucyate prathitā dhanataś ceyaṃ pṛthivī sādhubhiḥ smṛtā

Sanskrit only: no published translation is held for this verse.

स्थापनं चाकरोद् विष्णुः स्वयम् एव सनातनः नातिवर्तिष्यते कश् चिद् राजंस् त्वाम् इति पार्थिव

sthāpanaṃ cākarod viṣṇuḥ svayam eva sanātanaḥ nātivartiṣyate kaś cid rājaṃs tvām iti pārthiva

Sanskrit only: no published translation is held for this verse.

तपसा भगवान् विष्णुर् आविवेश च भूमिपम् देववन् नरदेवानां नमते यज् जगन् नृप

tapasā bhagavān viṣṇur āviveśa ca bhūmipam devavan naradevānāṃ namate yaj jagan nṛpa

Sanskrit only: no published translation is held for this verse.

दण्डनीत्या च सततं रक्षितं तं नरेश्वर नाधर्षयत् ततः कश् चिच् चारनित्याच् च दर्शनात्

daṇḍanītyā ca satataṃ rakṣitaṃ taṃ nareśvara nādharṣayat tataḥ kaś cic cāranityāc ca darśanāt

Sanskrit only: no published translation is held for this verse.

आत्मना करणैश् चैव समस्येह महीक्षितः को हेतुर् यद् वशे तिष्ठेल् लोको दैवाद् ऋते गुणात्

ātmanā karaṇaiś caiva samasyeha mahīkṣitaḥ ko hetur yad vaśe tiṣṭhel loko daivād ṛte guṇāt

Sanskrit only: no published translation is held for this verse.

विष्णोर् ललाटात् कमलं सौवर्णम् अभवत् तदा श्रीः संभूता यतो देवी पत्नी धर्मस्य धीमतः

viṣṇor lalāṭāt kamalaṃ sauvarṇam abhavat tadā śrīḥ saṃbhūtā yato devī patnī dharmasya dhīmataḥ

Sanskrit only: no published translation is held for this verse.

श्रियः सकाशाद् अर्थश् च जातो धर्मेण पाण्डव अथ धर्मस् तथैवार्थः श्रीश् च राज्ये प्रतिष्ठिता

śriyaḥ sakāśād arthaś ca jāto dharmeṇa pāṇḍava atha dharmas tathaivārthaḥ śrīś ca rājye pratiṣṭhitā

Sanskrit only: no published translation is held for this verse.

सुकृतस्य क्षयाच् चैव स्वर्लोकाद् एत्य मेदिनीम् पार्थिवो जायते तात दण्डनीतिवशानुगः

sukṛtasya kṣayāc caiva svarlokād etya medinīm pārthivo jāyate tāta daṇḍanītivaśānugaḥ

Sanskrit only: no published translation is held for this verse.

महत्त्वेन च संयुक्तो वैष्णवेन नरो भुवि बुद्ध्या भवति संयुक्तो माहात्म्यं चाधिगच्छति

mahattvena ca saṃyukto vaiṣṇavena naro bhuvi buddhyā bhavati saṃyukto māhātmyaṃ cādhigacchati

Sanskrit only: no published translation is held for this verse.

स्थापनाम् अथ देवानां न कश् चिद् अतिवर्तते तिष्ठत्य् एकस्य च वशे तं चेद् अनुविधीयते

sthāpanām atha devānāṃ na kaś cid ativartate tiṣṭhaty ekasya ca vaśe taṃ ced anuvidhīyate

Sanskrit only: no published translation is held for this verse.

शुभं हि कर्म राजेन्द्र शुभत्वायोपकल्पते तुल्यस्यैकस्य यस्यायं लोको वचसि तिष्ठति

śubhaṃ hi karma rājendra śubhatvāyopakalpate tulyasyaikasya yasyāyaṃ loko vacasi tiṣṭhati

Sanskrit only: no published translation is held for this verse.

यो ह्य् अस्य मुखम् अद्राक्षीत् सोम्य सो ऽस्य वशानुगः सुभगं चार्थवन्तं च रूपवन्तं च पश्यति

yo hy asya mukham adrākṣīt somya so 'sya vaśānugaḥ subhagaṃ cārthavantaṃ ca rūpavantaṃ ca paśyati

Sanskrit only: no published translation is held for this verse.

ततो जगति राजेन्द्र सततं शब्दितं बुधैः देवाश् च नरदेवाश् च तुल्या इति विशां पते

tato jagati rājendra satataṃ śabditaṃ budhaiḥ devāś ca naradevāś ca tulyā iti viśāṃ pate

Sanskrit only: no published translation is held for this verse.

एतत् ते सर्वम् आख्यातं महत्त्वं प्रति राजसु कार्त्स्न्येन भरतश्रेष्ठ किम् अन्यद् इह वर्तताम्

etat te sarvam ākhyātaṃ mahattvaṃ prati rājasu kārtsnyena bharataśreṣṭha kim anyad iha vartatām

Sanskrit only: no published translation is held for this verse.