Mahābhārata (critical edition) 12.85

भीष्म उवाच अत्राप्य् उदाहरन्तीमम् इतिहासं पुरातनम् बृहस्पतेश् च संवादं शक्रस्य च युधिष्ठिर

bhīṣma uvāca atrāpy udāharantīmam itihāsaṃ purātanam bṛhaspateś ca saṃvādaṃ śakrasya ca yudhiṣṭhira

Sanskrit only: no published translation is held for this verse.

शक्र उवाच किं स्विद् एकपदं ब्रह्मन् पुरुषः सम्यग् आचरन् प्रमाणं सर्वभूतानां यशश् चैवाप्नुयान् महत्

śakra uvāca kiṃ svid ekapadaṃ brahman puruṣaḥ samyag ācaran pramāṇaṃ sarvabhūtānāṃ yaśaś caivāpnuyān mahat

Sanskrit only: no published translation is held for this verse.

बृहस्पतिर् उवाच सान्त्वम् एकपदं शक्र पुरुषः सम्यग् आचरन् प्रमाणं सर्वभूतानां यशश् चैवाप्नुयान् महत्

bṛhaspatir uvāca sāntvam ekapadaṃ śakra puruṣaḥ samyag ācaran pramāṇaṃ sarvabhūtānāṃ yaśaś caivāpnuyān mahat

Sanskrit only: no published translation is held for this verse.

एतद् एकपदं शक्र सर्वलोकसुखावहम् आचरन् सर्वभूतेषु प्रियो भवति सर्वदा

etad ekapadaṃ śakra sarvalokasukhāvaham ācaran sarvabhūteṣu priyo bhavati sarvadā

Sanskrit only: no published translation is held for this verse.

यो हि नाभाषते किं चित् सततं भ्रुकुटीमुखः द्वेष्यो भवति भूतानां स सान्त्वम् इह नाचरन्

yo hi nābhāṣate kiṃ cit satataṃ bhrukuṭīmukhaḥ dveṣyo bhavati bhūtānāṃ sa sāntvam iha nācaran

Sanskrit only: no published translation is held for this verse.

यस् तु पूर्वम् अभिप्रेक्ष्य पूर्वम् एवाभिभाषते स्मितपूर्वाभिभाषी च तस्य लोकः प्रसीदति

yas tu pūrvam abhiprekṣya pūrvam evābhibhāṣate smitapūrvābhibhāṣī ca tasya lokaḥ prasīdati

Sanskrit only: no published translation is held for this verse.

दानम् एव हि सर्वत्र सान्त्वेनानभिजल्पितम् न प्रीणयति भूतानि निर्व्यञ्जनम् इवाशनम्

dānam eva hi sarvatra sāntvenānabhijalpitam na prīṇayati bhūtāni nirvyañjanam ivāśanam

Sanskrit only: no published translation is held for this verse.

अदाता ह्य् अपि भूतानां मधुराम् ईरयन् गिरम् सर्वलोकम् इमं शक्र सान्त्वेन कुरुते वशे

adātā hy api bhūtānāṃ madhurām īrayan giram sarvalokam imaṃ śakra sāntvena kurute vaśe

Sanskrit only: no published translation is held for this verse.

तस्मात् सान्त्वं प्रकर्तव्यं दण्डम् आधित्सताम् इह फलं च जनयत्य् एवं न चास्योद्विजते जनः

tasmāt sāntvaṃ prakartavyaṃ daṇḍam ādhitsatām iha phalaṃ ca janayaty evaṃ na cāsyodvijate janaḥ

Sanskrit only: no published translation is held for this verse.

सुकृतस्य हि सान्त्वस्य श्लक्ष्णस्य मधुरस्य च सम्यग् आसेव्यमानस्य तुल्यं जातु न विद्यते

sukṛtasya hi sāntvasya ślakṣṇasya madhurasya ca samyag āsevyamānasya tulyaṃ jātu na vidyate

Sanskrit only: no published translation is held for this verse.

भीष्म उवाच इत्य् उक्तः कृतवान् सर्वं तथा शक्रः पुरोधसा तथा त्वम् अपि कौन्तेय सम्यग् एतत् समाचर

bhīṣma uvāca ity uktaḥ kṛtavān sarvaṃ tathā śakraḥ purodhasā tathā tvam api kaunteya samyag etat samācara

Sanskrit only: no published translation is held for this verse.