Mahābhārata (critical edition) 12.95

वामदेव उवाच अयुद्धेनैव विजयं वर्धयेद् वसुधाधिपः जघन्यम् आहुर् विजयं यो युद्धेन नराधिप

vāmadeva uvāca ayuddhenaiva vijayaṃ vardhayed vasudhādhipaḥ jaghanyam āhur vijayaṃ yo yuddhena narādhipa

Sanskrit only: no published translation is held for this verse.

न चाप्य् अलब्धं लिप्सेत मूले नातिदृढे सति न हि दुर्बलमूलस्य राज्ञो लाभो विधीयते

na cāpy alabdhaṃ lipseta mūle nātidṛḍhe sati na hi durbalamūlasya rājño lābho vidhīyate

Sanskrit only: no published translation is held for this verse.

यस्य स्फीतो जनपदः संपन्नः प्रियराजकः संतुष्टपुष्टसचिवो दृढमूलः स पार्थिवः

yasya sphīto janapadaḥ saṃpannaḥ priyarājakaḥ saṃtuṣṭapuṣṭasacivo dṛḍhamūlaḥ sa pārthivaḥ

Sanskrit only: no published translation is held for this verse.

यस्य योधाः सुसंतुष्टाः सान्त्विताः सूपधास्थिताः अल्पेनापि स दण्डेन महीं जयति भूमिपः

yasya yodhāḥ susaṃtuṣṭāḥ sāntvitāḥ sūpadhāsthitāḥ alpenāpi sa daṇḍena mahīṃ jayati bhūmipaḥ

Sanskrit only: no published translation is held for this verse.

पौरजानपदा यस्य स्वनुरक्ताः सुपूजिताः सधना धान्यवन्तश् च दृढमूलः स पार्थिवः

paurajānapadā yasya svanuraktāḥ supūjitāḥ sadhanā dhānyavantaś ca dṛḍhamūlaḥ sa pārthivaḥ

Sanskrit only: no published translation is held for this verse.

प्रभावकालाव् अधिकौ यदा मन्येत चात्मनः तदा लिप्सेत मेधावी परभूमिं धनान्य् उत

prabhāvakālāv adhikau yadā manyeta cātmanaḥ tadā lipseta medhāvī parabhūmiṃ dhanāny uta

Sanskrit only: no published translation is held for this verse.

भोगेष्व् अदयमानस्य भूतेषु च दयावतः वर्धते त्वरमाणस्य विषयो रक्षितात्मनः

bhogeṣv adayamānasya bhūteṣu ca dayāvataḥ vardhate tvaramāṇasya viṣayo rakṣitātmanaḥ

Sanskrit only: no published translation is held for this verse.

तक्षत्य् आत्मानम् एवैष वनं परशुना यथा यः सम्यग् वर्तमानेषु स्वेषु मिथ्या प्रवर्तते

takṣaty ātmānam evaiṣa vanaṃ paraśunā yathā yaḥ samyag vartamāneṣu sveṣu mithyā pravartate

Sanskrit only: no published translation is held for this verse.

न वै द्विषन्तः क्षीयन्ते राज्ञो नित्यम् अपि घ्नतः क्रोधं नियन्तुं यो वेद तस्य द्वेष्टा न विद्यते

na vai dviṣantaḥ kṣīyante rājño nityam api ghnataḥ krodhaṃ niyantuṃ yo veda tasya dveṣṭā na vidyate

Sanskrit only: no published translation is held for this verse.

यद् आर्यजनविद्विष्टं कर्म तन् नाचरेद् बुधः यत् कल्याणम् अभिध्यायेत् तत्रात्मानं नियोजयेत्

yad āryajanavidviṣṭaṃ karma tan nācared budhaḥ yat kalyāṇam abhidhyāyet tatrātmānaṃ niyojayet

Sanskrit only: no published translation is held for this verse.

नैनम् अन्ये ऽवजानन्ति नात्मना परितप्यते कृत्यशेषेण यो राजा सुखान्य् अनुबुभूषति

nainam anye 'vajānanti nātmanā paritapyate kṛtyaśeṣeṇa yo rājā sukhāny anububhūṣati

Sanskrit only: no published translation is held for this verse.

इदंवृत्तं मनुष्येषु वर्तते यो महीपतिः उभौ लोकौ विनिर्जित्य विजये संप्रतिष्ठते

idaṃvṛttaṃ manuṣyeṣu vartate yo mahīpatiḥ ubhau lokau vinirjitya vijaye saṃpratiṣṭhate

Sanskrit only: no published translation is held for this verse.

भीष्म उवाच इत्य् उक्तो वामदेवेन सर्वं तत् कृतवान् नृपः तथा कुर्वंस् त्वम् अप्य् एतौ लोकौ जेता न संशयः

bhīṣma uvāca ity ukto vāmadevena sarvaṃ tat kṛtavān nṛpaḥ tathā kurvaṃs tvam apy etau lokau jetā na saṃśayaḥ

Sanskrit only: no published translation is held for this verse.