Mahābhārata (critical edition) 13.110

यस् तु मासे गते भुङ्क्ते एकभक्तं शमात्मकः सदा द्वादश मासान् वै ब्रह्मलोकम् अवाप्नुयात्

yas tu māse gate bhuṅkte ekabhaktaṃ śamātmakaḥ sadā dvādaśa māsān vai brahmalokam avāpnuyāt

Sanskrit only: no published translation is held for this verse.

सुधारसकृताहारः श्रीमान् सर्वमनोहरः तेजसा वपुषा लक्ष्म्या भ्राजते रश्मिवान् इव

sudhārasakṛtāhāraḥ śrīmān sarvamanoharaḥ tejasā vapuṣā lakṣmyā bhrājate raśmivān iva

Sanskrit only: no published translation is held for this verse.

दिव्यमाल्याम्बरधरो दिव्यगन्धानुलेपनः सुखेष्व् अभिरतो योगी दुःखानाम् अविजानकः

divyamālyāmbaradharo divyagandhānulepanaḥ sukheṣv abhirato yogī duḥkhānām avijānakaḥ

Sanskrit only: no published translation is held for this verse.

स्वयंप्रभाभिर् नारीभिर् विमानस्थो महीयते रुद्रदेवर्षिकन्याभिः सततं चाभिपूज्यते

svayaṃprabhābhir nārībhir vimānastho mahīyate rudradevarṣikanyābhiḥ satataṃ cābhipūjyate

Sanskrit only: no published translation is held for this verse.

नानाविधसुरूपाभिर् नानारागाभिर् एव च नानामधुरभाषाभिर् नानारतिभिर् एव च

nānāvidhasurūpābhir nānārāgābhir eva ca nānāmadhurabhāṣābhir nānāratibhir eva ca

Sanskrit only: no published translation is held for this verse.

विमाने नगराकारे सूर्यवत् सूर्यसंनिभे पृष्ठतः सोमसंकाशे उदक् चैवाभ्रसंनिभे

vimāne nagarākāre sūryavat sūryasaṃnibhe pṛṣṭhataḥ somasaṃkāśe udak caivābhrasaṃnibhe

Sanskrit only: no published translation is held for this verse.

दक्षिणायां तु रक्ताभे अधस्तान् नीलमण्डले ऊर्ध्वं चित्राभिसंकाशे नैको वसति पूजितः

dakṣiṇāyāṃ tu raktābhe adhastān nīlamaṇḍale ūrdhvaṃ citrābhisaṃkāśe naiko vasati pūjitaḥ

Sanskrit only: no published translation is held for this verse.

यावद् वर्षसहस्रं तु जम्बूद्वीपे प्रवर्षति तावत् संवत्सराः प्रोक्ता ब्रह्मलोकस्य धीमतः

yāvad varṣasahasraṃ tu jambūdvīpe pravarṣati tāvat saṃvatsarāḥ proktā brahmalokasya dhīmataḥ

Sanskrit only: no published translation is held for this verse.

विप्रुषश् चैव यावन्त्यो निपतन्ति नभस्तलात् वर्षासु वर्षतस् तावन् निवसत्य् अमरप्रभः

vipruṣaś caiva yāvantyo nipatanti nabhastalāt varṣāsu varṣatas tāvan nivasaty amaraprabhaḥ

Sanskrit only: no published translation is held for this verse.

मासोपवासी वर्षैस् तु दशभिः स्वर्गम् उत्तमम् महर्षित्वम् अथासाद्य सशरीरगतिर् भवेत्

māsopavāsī varṣais tu daśabhiḥ svargam uttamam maharṣitvam athāsādya saśarīragatir bhavet

Sanskrit only: no published translation is held for this verse.

मुनिर् दान्तो जितक्रोधो जितशिश्नोदरः सदा जुह्वन्न् अग्नींश् च नियतः संध्योपासनसेविता

munir dānto jitakrodho jitaśiśnodaraḥ sadā juhvann agnīṃś ca niyataḥ saṃdhyopāsanasevitā

Sanskrit only: no published translation is held for this verse.

बहुभिर् नियमैर् एवं मासान् अश्नाति यो नरः अभ्रावकाशशीलश् च तस्य वासो निरुच्यते

bahubhir niyamair evaṃ māsān aśnāti yo naraḥ abhrāvakāśaśīlaś ca tasya vāso nirucyate

Sanskrit only: no published translation is held for this verse.

दिवं गत्वा शरीरेण स्वेन राजन् यथामरः स्वर्गं पुण्यं यथाकामम् उपभुङ्क्ते यथाविधि

divaṃ gatvā śarīreṇa svena rājan yathāmaraḥ svargaṃ puṇyaṃ yathākāmam upabhuṅkte yathāvidhi

Sanskrit only: no published translation is held for this verse.

एष ते भरतश्रेष्ठ यज्ञानां विधिर् उत्तमः व्याख्यातो ह्य् आनुपूर्व्येण उपवासफलात्मकः

eṣa te bharataśreṣṭha yajñānāṃ vidhir uttamaḥ vyākhyāto hy ānupūrvyeṇa upavāsaphalātmakaḥ

Sanskrit only: no published translation is held for this verse.

दरिद्रैर् मनुजैः पार्थ प्राप्यं यज्ञफलं यथा उपवासम् इमं कृत्वा गच्छेच् च परमां गतिम् देवद्विजातिपूजायां रतो भरतसत्तम

daridrair manujaiḥ pārtha prāpyaṃ yajñaphalaṃ yathā upavāsam imaṃ kṛtvā gacchec ca paramāṃ gatim devadvijātipūjāyāṃ rato bharatasattama

Sanskrit only: no published translation is held for this verse.

उपवासविधिस् त्व् एष विस्तरेण प्रकीर्तितः नियतेष्व् अप्रमत्तेषु शौचवत्सु महात्मसु

upavāsavidhis tv eṣa vistareṇa prakīrtitaḥ niyateṣv apramatteṣu śaucavatsu mahātmasu

Sanskrit only: no published translation is held for this verse.

दम्भद्रोहनिवृत्तेषु कृतबुद्धिषु भारत अचलेष्व् अप्रकम्पेषु मा ते भूद् अत्र संशयः

dambhadrohanivṛtteṣu kṛtabuddhiṣu bhārata acaleṣv aprakampeṣu mā te bhūd atra saṃśayaḥ

Sanskrit only: no published translation is held for this verse.