Library·Mahābhārata (critical edition)·13·13.122
भीष्म उवाच एवम् उक्तः प्रत्युवाच मैत्रेयः कर्मपूजकः अत्यन्तं श्रीमति कुले जातः प्राज्ञो बहुश्रुतः
bhīṣma uvāca evam uktaḥ pratyuvāca maitreyaḥ karmapūjakaḥ atyantaṃ śrīmati kule jātaḥ prājño bahuśrutaḥ
Sanskrit only: no published translation is held for this verse.
असंशयं महाप्राज्ञ यथैवात्थ तथैव तत् अनुज्ञातस् तु भवता किं चिद् ब्रूयाम् अहं विभो
asaṃśayaṃ mahāprājña yathaivāttha tathaiva tat anujñātas tu bhavatā kiṃ cid brūyām ahaṃ vibho
Sanskrit only: no published translation is held for this verse.
व्यास उवाच यद् यद् इच्छसि मैत्रेय यावद् यावद् यथा तथा ब्रूहि तावन् महाप्राज्ञ शुश्रूषे वचनं तव
vyāsa uvāca yad yad icchasi maitreya yāvad yāvad yathā tathā brūhi tāvan mahāprājña śuśrūṣe vacanaṃ tava
Sanskrit only: no published translation is held for this verse.
मैत्रेय उवाच निर्दोषं निर्मलं चैव वचनं दानसंहितम् विद्यातपोभ्यां हि भवान् भावितात्मा न संशयः
maitreya uvāca nirdoṣaṃ nirmalaṃ caiva vacanaṃ dānasaṃhitam vidyātapobhyāṃ hi bhavān bhāvitātmā na saṃśayaḥ
Sanskrit only: no published translation is held for this verse.
भवतो भावितात्मत्वाद् दायो ऽयं सुमहान् मम भूयो बुद्ध्यानुपश्यामि सुसमृद्धतपा इव
bhavato bhāvitātmatvād dāyo 'yaṃ sumahān mama bhūyo buddhyānupaśyāmi susamṛddhatapā iva
Sanskrit only: no published translation is held for this verse.
अपि मे दर्शनाद् एव भवतो ऽभ्युदयो महान् मन्ये भवत्प्रसादो ऽयं तद् धि कर्म स्वभावतः
api me darśanād eva bhavato 'bhyudayo mahān manye bhavatprasādo 'yaṃ tad dhi karma svabhāvataḥ
Sanskrit only: no published translation is held for this verse.
तपः श्रुतं च योनिश् चाप्य् एतद् ब्राह्मण्यकारणम् त्रिभिर् गुणैः समुदितस् ततो भवति वै द्विजः
tapaḥ śrutaṃ ca yoniś cāpy etad brāhmaṇyakāraṇam tribhir guṇaiḥ samuditas tato bhavati vai dvijaḥ
Sanskrit only: no published translation is held for this verse.
तस्मिंस् तृप्ते च तृप्यन्ते पितरो दैवतानि च न हि श्रुतवतां किं चिद् अधिकं ब्राह्मणाद् ऋते
tasmiṃs tṛpte ca tṛpyante pitaro daivatāni ca na hi śrutavatāṃ kiṃ cid adhikaṃ brāhmaṇād ṛte
Sanskrit only: no published translation is held for this verse.
यथा हि सुकृते क्षेत्रे फलं विन्दति मानवः एवं दत्त्वा श्रुतवति फलं दाता समश्नुते
yathā hi sukṛte kṣetre phalaṃ vindati mānavaḥ evaṃ dattvā śrutavati phalaṃ dātā samaśnute
Sanskrit only: no published translation is held for this verse.
ब्राह्मणश् चेन् न विद्येत श्रुतवृत्तोपसंहितः प्रतिग्रहीता दानस्य मोघं स्याद् धनिनां धनम्
brāhmaṇaś cen na vidyeta śrutavṛttopasaṃhitaḥ pratigrahītā dānasya moghaṃ syād dhanināṃ dhanam
Sanskrit only: no published translation is held for this verse.
अदन् ह्य् अविद्वान् हन्त्य् अन्नम् अद्यमानं च हन्ति तम् तं च हन्यति यस्यान्नं स हत्वा हन्यते ऽबुधः
adan hy avidvān hanty annam adyamānaṃ ca hanti tam taṃ ca hanyati yasyānnaṃ sa hatvā hanyate 'budhaḥ
Sanskrit only: no published translation is held for this verse.
प्रभुर् ह्य् अन्नम् अदन् विद्वान् पुनर् जनयतीश्वरः स चान्नाज् जायते तस्मात् सूक्ष्म एव व्यतिक्रमः
prabhur hy annam adan vidvān punar janayatīśvaraḥ sa cānnāj jāyate tasmāt sūkṣma eva vyatikramaḥ
Sanskrit only: no published translation is held for this verse.
यद् एव ददतः पुण्यं तद् एव प्रतिगृह्णतः न ह्य् एकचक्रं वर्तेत इत्य् एवम् ऋषयो विदुः
yad eva dadataḥ puṇyaṃ tad eva pratigṛhṇataḥ na hy ekacakraṃ varteta ity evam ṛṣayo viduḥ
Sanskrit only: no published translation is held for this verse.
यत्र वै ब्राह्मणाः सन्ति श्रुतवृत्तोपसंहिताः तत्र दानफलं पुण्यम् इह चामुत्र चाश्नुते
yatra vai brāhmaṇāḥ santi śrutavṛttopasaṃhitāḥ tatra dānaphalaṃ puṇyam iha cāmutra cāśnute
Sanskrit only: no published translation is held for this verse.
ये योनिशुद्धाः सततं तपस्य् अभिरता भृशम् दानाध्ययनसंपन्नास् ते वै पूज्यतमाः सदा
ye yoniśuddhāḥ satataṃ tapasy abhiratā bhṛśam dānādhyayanasaṃpannās te vai pūjyatamāḥ sadā
Sanskrit only: no published translation is held for this verse.
तैर् हि सद्भिः कृतः पन्थाश् चेतयानो न मुह्यते ते हि स्वर्गस्य नेतारो यज्ञवाहाः सनातनाः
tair hi sadbhiḥ kṛtaḥ panthāś cetayāno na muhyate te hi svargasya netāro yajñavāhāḥ sanātanāḥ
Sanskrit only: no published translation is held for this verse.