Mahābhārata (critical edition) 13.13

युधिष्ठिर उवाच किं कर्तव्यं मनुष्येण लोकयात्राहितार्थिना कथं वै लोकयात्रां तु किंशीलश् च समाचरेत्

yudhiṣṭhira uvāca kiṃ kartavyaṃ manuṣyeṇa lokayātrāhitārthinā kathaṃ vai lokayātrāṃ tu kiṃśīlaś ca samācaret

Sanskrit only: no published translation is held for this verse.

भीष्म उवाच कायेन त्रिविधं कर्म वाचा चापि चतुर्विधम् मनसा त्रिविधं चैव दश कर्मपथांस् त्यजेत्

bhīṣma uvāca kāyena trividhaṃ karma vācā cāpi caturvidham manasā trividhaṃ caiva daśa karmapathāṃs tyajet

Sanskrit only: no published translation is held for this verse.

प्राणातिपातं स्तैन्यं च परदारम् अथापि च त्रीणि पापानि कायेन सर्वतः परिवर्जयेत्

prāṇātipātaṃ stainyaṃ ca paradāram athāpi ca trīṇi pāpāni kāyena sarvataḥ parivarjayet

Sanskrit only: no published translation is held for this verse.

असत्प्रलापं पारुष्यं पैशुन्यम् अनृतं तथा चत्वारि वाचा राजेन्द्र न जल्पेन् नानुचिन्तयेत्

asatpralāpaṃ pāruṣyaṃ paiśunyam anṛtaṃ tathā catvāri vācā rājendra na jalpen nānucintayet

Sanskrit only: no published translation is held for this verse.

अनभिध्या परस्वेषु सर्वसत्त्वेषु सौहृदम् कर्मणां फलम् अस्तीति त्रिविधं मनसा चरेत्

anabhidhyā parasveṣu sarvasattveṣu sauhṛdam karmaṇāṃ phalam astīti trividhaṃ manasā caret

Sanskrit only: no published translation is held for this verse.

तस्माद् वाक्कायमनसा नाचरेद् अशुभं नरः शुभाशुभान्य् आचरन् हि तस्य तस्याश्नुते फलम्

tasmād vākkāyamanasā nācared aśubhaṃ naraḥ śubhāśubhāny ācaran hi tasya tasyāśnute phalam

Sanskrit only: no published translation is held for this verse.