मूर्तिमन्ति तथास्त्राणि सर्वतेजोमयानि च मया दृष्टानि गोविन्द भवस्यामिततेजसः
mūrtimanti tathāstrāṇi sarvatejomayāni ca mayā dṛṣṭāni govinda bhavasyāmitatejasaḥ
Sanskrit only: no published translation is held for this verse.
Library·Mahābhārata (critical edition)·13·13.14
Mahābhārata (critical edition) 13.14
इन्द्रायुधसहस्राभं धनुस् तस्य महात्मनः पिनाकम् इति विख्यातं स च वै पन्नगो महान्
indrāyudhasahasrābhaṃ dhanus tasya mahātmanaḥ pinākam iti vikhyātaṃ sa ca vai pannago mahān
Sanskrit only: no published translation is held for this verse.
सप्तशीर्षो महाकायस् तीक्ष्णदंष्ट्रो विषोल्बणः ज्यावेष्टितमहाग्रीवः स्थितः पुरुषविग्रहः
saptaśīrṣo mahākāyas tīkṣṇadaṃṣṭro viṣolbaṇaḥ jyāveṣṭitamahāgrīvaḥ sthitaḥ puruṣavigrahaḥ
Sanskrit only: no published translation is held for this verse.
शरश् च सूर्यसंकाशः कालानलसमद्युतिः यत् तद् अस्त्रं महाघोरं दिव्यं पाशुपतं महत्
śaraś ca sūryasaṃkāśaḥ kālānalasamadyutiḥ yat tad astraṃ mahāghoraṃ divyaṃ pāśupataṃ mahat
Sanskrit only: no published translation is held for this verse.
अद्वितीयम् अनिर्देश्यं सर्वभूतभयावहम् सस्फुलिङ्गं महाकायं विसृजन्तम् इवानलम्
advitīyam anirdeśyaṃ sarvabhūtabhayāvaham sasphuliṅgaṃ mahākāyaṃ visṛjantam ivānalam
Sanskrit only: no published translation is held for this verse.
एकपादं महादंष्ट्रं सहस्रशिरसोदरम् सहस्रभुजजिह्वाक्षम् उद्गिरन्तम् इवानलम्
ekapādaṃ mahādaṃṣṭraṃ sahasraśirasodaram sahasrabhujajihvākṣam udgirantam ivānalam
Sanskrit only: no published translation is held for this verse.
ब्राह्मान् नारायणाद् ऐन्द्राद् आग्नेयाद् अपि वारुणात् यद् विशिष्टं महाबाहो सर्वशस्त्रविघातनम्
brāhmān nārāyaṇād aindrād āgneyād api vāruṇāt yad viśiṣṭaṃ mahābāho sarvaśastravighātanam
Sanskrit only: no published translation is held for this verse.
येन तत् त्रिपुरं दग्ध्वा क्षणाद् भस्मीकृतं पुरा शरेणैकेन गोविन्द महादेवेन लीलया
yena tat tripuraṃ dagdhvā kṣaṇād bhasmīkṛtaṃ purā śareṇaikena govinda mahādevena līlayā
Sanskrit only: no published translation is held for this verse.
निर्ददाह जगत् कृत्स्नं त्रैलोक्यं सचराचरम् महेश्वरभुजोत्सृष्टं निमेषार्धान् न संशयः
nirdadāha jagat kṛtsnaṃ trailokyaṃ sacarācaram maheśvarabhujotsṛṣṭaṃ nimeṣārdhān na saṃśayaḥ
Sanskrit only: no published translation is held for this verse.
नावध्यो यस्य लोके ऽस्मिन् ब्रह्मविष्णुसुरेष्व् अपि तद् अहं दृष्टवांस् तात आश्चर्याद्भुतम् उत्तमम्
nāvadhyo yasya loke 'smin brahmaviṣṇusureṣv api tad ahaṃ dṛṣṭavāṃs tāta āścaryādbhutam uttamam
Sanskrit only: no published translation is held for this verse.
गुह्यम् अस्त्रं परं चापि तत्तुल्याधिकम् एव वा यत् तच् छूलम् इति ख्यातं सर्वलोकेषु शूलिनः
guhyam astraṃ paraṃ cāpi tattulyādhikam eva vā yat tac chūlam iti khyātaṃ sarvalokeṣu śūlinaḥ
Sanskrit only: no published translation is held for this verse.
दारयेद् यन् महीं कृत्स्नां शोषयेद् वा महोदधिम् संहरेद् वा जगत् कृत्स्नं विसृष्टं शूलपाणिना
dārayed yan mahīṃ kṛtsnāṃ śoṣayed vā mahodadhim saṃhared vā jagat kṛtsnaṃ visṛṣṭaṃ śūlapāṇinā
Sanskrit only: no published translation is held for this verse.
यौवनाश्वो हतो येन मांधाता सबलः पुरा चक्रवर्ती महातेजास् त्रिलोकविजयी नृपः
yauvanāśvo hato yena māṃdhātā sabalaḥ purā cakravartī mahātejās trilokavijayī nṛpaḥ
Sanskrit only: no published translation is held for this verse.
महाबलो महावीर्यः शक्रतुल्यपराक्रमः करस्थेनैव गोविन्द लवणस्येह रक्षसः
mahābalo mahāvīryaḥ śakratulyaparākramaḥ karasthenaiva govinda lavaṇasyeha rakṣasaḥ
Sanskrit only: no published translation is held for this verse.
तच् छूलम् अतितीक्ष्णाग्रं सुभीमं लोमहर्षणम् त्रिशिखां भ्रुकुटीं कृत्वा तर्जमानम् इव स्थितम्
tac chūlam atitīkṣṇāgraṃ subhīmaṃ lomaharṣaṇam triśikhāṃ bhrukuṭīṃ kṛtvā tarjamānam iva sthitam
Sanskrit only: no published translation is held for this verse.
विधूमं सार्चिषं कृष्णं कालसूर्यम् इवोदितम् सर्पहस्तम् अनिर्देश्यं पाशहस्तम् इवान्तकम् दृष्टवान् अस्मि गोविन्द तद् अस्त्रं रुद्रसंनिधौ
vidhūmaṃ sārciṣaṃ kṛṣṇaṃ kālasūryam ivoditam sarpahastam anirdeśyaṃ pāśahastam ivāntakam dṛṣṭavān asmi govinda tad astraṃ rudrasaṃnidhau
Sanskrit only: no published translation is held for this verse.
परशुस् तीक्ष्णधारश् च दत्तो रामस्य यः पुरा महादेवेन तुष्टेन क्षत्रियाणां क्षयंकरः कार्तवीर्यो हतो येन चक्रवर्ती महामृधे
paraśus tīkṣṇadhāraś ca datto rāmasya yaḥ purā mahādevena tuṣṭena kṣatriyāṇāṃ kṣayaṃkaraḥ kārtavīryo hato yena cakravartī mahāmṛdhe
Sanskrit only: no published translation is held for this verse.
त्रिःसप्तकृत्वः पृथिवी येन निःक्षत्रिया कृता जामदग्न्येन गोविन्द रामेणाक्लिष्टकर्मणा
triḥsaptakṛtvaḥ pṛthivī yena niḥkṣatriyā kṛtā jāmadagnyena govinda rāmeṇākliṣṭakarmaṇā
Sanskrit only: no published translation is held for this verse.
दीप्तधारः सुरौद्रास्यः सर्पकण्ठाग्रवेष्टितः अभवच् छूलिनो ऽभ्याशे दीप्तवह्निशिखोपमः
dīptadhāraḥ suraudrāsyaḥ sarpakaṇṭhāgraveṣṭitaḥ abhavac chūlino 'bhyāśe dīptavahniśikhopamaḥ
Sanskrit only: no published translation is held for this verse.
असंख्येयानि चास्त्राणि तस्य दिव्यानि धीमतः प्राधान्यतो मयैतानि कीर्तितानि तवानघ
asaṃkhyeyāni cāstrāṇi tasya divyāni dhīmataḥ prādhānyato mayaitāni kīrtitāni tavānagha
Sanskrit only: no published translation is held for this verse.
सव्यदेशे तु देवस्य ब्रह्मा लोकपितामहः दिव्यं विमानम् आस्थाय हंसयुक्तं मनोजवम्
savyadeśe tu devasya brahmā lokapitāmahaḥ divyaṃ vimānam āsthāya haṃsayuktaṃ manojavam
Sanskrit only: no published translation is held for this verse.
वामपार्श्वगतश् चैव तथा नारायणः स्थितः वैनतेयं समास्थाय शङ्खचक्रगदाधरः
vāmapārśvagataś caiva tathā nārāyaṇaḥ sthitaḥ vainateyaṃ samāsthāya śaṅkhacakragadādharaḥ
Sanskrit only: no published translation is held for this verse.
स्कन्दो मयूरम् आस्थाय स्थितो देव्याः समीपतः शक्तिं कण्ठे समादाय द्वितीय इव पावकः
skando mayūram āsthāya sthito devyāḥ samīpataḥ śaktiṃ kaṇṭhe samādāya dvitīya iva pāvakaḥ
Sanskrit only: no published translation is held for this verse.
पुरस्ताच् चैव देवस्य नन्दिं पश्याम्य् अवस्थितम् शूलं विष्टभ्य तिष्ठन्तं द्वितीयम् इव शंकरम्
purastāc caiva devasya nandiṃ paśyāmy avasthitam śūlaṃ viṣṭabhya tiṣṭhantaṃ dvitīyam iva śaṃkaram
Sanskrit only: no published translation is held for this verse.
स्वायंभुवाद्या मनवो भृग्वाद्या ऋषयस् तथा शक्राद्या देवताश् चैव सर्व एव समभ्ययुः
svāyaṃbhuvādyā manavo bhṛgvādyā ṛṣayas tathā śakrādyā devatāś caiva sarva eva samabhyayuḥ
Sanskrit only: no published translation is held for this verse.
ते ऽभिवाद्य महात्मानं परिवार्य समन्ततः अस्तुवन् विविधैः स्तोत्रैर् महादेवं सुरास् तदा
te 'bhivādya mahātmānaṃ parivārya samantataḥ astuvan vividhaiḥ stotrair mahādevaṃ surās tadā
Sanskrit only: no published translation is held for this verse.
ब्रह्मा भवं तदा स्तुन्वन् रथन्तरम् उदीरयन् ज्येष्ठसाम्ना च देवेशं जगौ नारायणस् तदा गृणञ् शक्रः परं ब्रह्म शतरुद्रीयम् उत्तमम्
brahmā bhavaṃ tadā stunvan rathantaram udīrayan jyeṣṭhasāmnā ca deveśaṃ jagau nārāyaṇas tadā gṛṇañ śakraḥ paraṃ brahma śatarudrīyam uttamam
Sanskrit only: no published translation is held for this verse.
ब्रह्मा नारायणश् चैव देवराजश् च कौशिकः अशोभन्त महात्मानस् त्रयस् त्रय इवाग्नयः
brahmā nārāyaṇaś caiva devarājaś ca kauśikaḥ aśobhanta mahātmānas trayas traya ivāgnayaḥ
Sanskrit only: no published translation is held for this verse.
तेषां मध्यगतो देवो रराज भगवाञ् शिवः शरद्घनविनिर्मुक्तः परिविष्ट इवांशुमान् ततो ऽहम् अस्तुवं देवं स्तवेनानेन सुव्रतम्
teṣāṃ madhyagato devo rarāja bhagavāñ śivaḥ śaradghanavinirmuktaḥ pariviṣṭa ivāṃśumān tato 'ham astuvaṃ devaṃ stavenānena suvratam
Sanskrit only: no published translation is held for this verse.
नमो देवाधिदेवाय महादेवाय वै नमः शक्राय शक्ररूपाय शक्रवेषधराय च
namo devādhidevāya mahādevāya vai namaḥ śakrāya śakrarūpāya śakraveṣadharāya ca
Sanskrit only: no published translation is held for this verse.
नमस् ते वज्रहस्ताय पिङ्गलायारुणाय च पिनाकपाणये नित्यं खड्गशूलधराय च
namas te vajrahastāya piṅgalāyāruṇāya ca pinākapāṇaye nityaṃ khaḍgaśūladharāya ca
Sanskrit only: no published translation is held for this verse.
नमस् ते कृष्णवासाय कृष्णकुञ्चितमूर्धजे कृष्णाजिनोत्तरीयाय कृष्णाष्टम् इरताय च
namas te kṛṣṇavāsāya kṛṣṇakuñcitamūrdhaje kṛṣṇājinottarīyāya kṛṣṇāṣṭam iratāya ca
Sanskrit only: no published translation is held for this verse.
शुक्लवर्णाय शुक्लाय शुक्लाम्बरधराय च शुक्लभस्मावलिप्ताय शुक्लकर्मरताय च
śuklavarṇāya śuklāya śuklāmbaradharāya ca śuklabhasmāvaliptāya śuklakarmaratāya ca
Sanskrit only: no published translation is held for this verse.
त्वं ब्रह्मा सर्वदेवानां रुद्राणां नीललोहितः आत्मा च सर्वभूतानां सांख्ये पुरुष उच्यसे
tvaṃ brahmā sarvadevānāṃ rudrāṇāṃ nīlalohitaḥ ātmā ca sarvabhūtānāṃ sāṃkhye puruṣa ucyase
Sanskrit only: no published translation is held for this verse.
ऋषभस् त्वं पवित्राणां योगिनां निष्कलः शिवः आश्रमाणां गृहस्थस् त्वम् ईश्वराणां महेश्वरः कुबेरः सर्वयक्षाणां क्रतूनां विष्णुर् उच्यसे
ṛṣabhas tvaṃ pavitrāṇāṃ yogināṃ niṣkalaḥ śivaḥ āśramāṇāṃ gṛhasthas tvam īśvarāṇāṃ maheśvaraḥ kuberaḥ sarvayakṣāṇāṃ kratūnāṃ viṣṇur ucyase
Sanskrit only: no published translation is held for this verse.
पर्वतानां महामेरुर् नक्षत्राणां च चन्द्रमाः वसिष्ठस् त्वम् ऋषीणां च ग्रहाणां सूर्य उच्यसे
parvatānāṃ mahāmerur nakṣatrāṇāṃ ca candramāḥ vasiṣṭhas tvam ṛṣīṇāṃ ca grahāṇāṃ sūrya ucyase
Sanskrit only: no published translation is held for this verse.
आरण्यानां पशूनां च सिंहस् त्वं परमेश्वरः ग्राम्याणां गोवृषश् चासि भगवांल् लोकपूजितः
āraṇyānāṃ paśūnāṃ ca siṃhas tvaṃ parameśvaraḥ grāmyāṇāṃ govṛṣaś cāsi bhagavāṃl lokapūjitaḥ
Sanskrit only: no published translation is held for this verse.
आदित्यानां भवान् विष्णुर् वसूनां चैव पावकः पक्षिणां वैनतेयश् च अनन्तो भुजगेषु च
ādityānāṃ bhavān viṣṇur vasūnāṃ caiva pāvakaḥ pakṣiṇāṃ vainateyaś ca ananto bhujageṣu ca
Sanskrit only: no published translation is held for this verse.
सामवेदश् च वेदानां यजुषां शतरुद्रियम् सनत्कुमारो योगीनां सांख्यानां कपिलो ह्य् असि
sāmavedaś ca vedānāṃ yajuṣāṃ śatarudriyam sanatkumāro yogīnāṃ sāṃkhyānāṃ kapilo hy asi
Sanskrit only: no published translation is held for this verse.
शक्रो ऽसि मरुतां देव पितॄणां धर्मराड् असि ब्रह्मलोकश् च लोकानां गतीनां मोक्ष उच्यसे
śakro 'si marutāṃ deva pitṝṇāṃ dharmarāḍ asi brahmalokaś ca lokānāṃ gatīnāṃ mokṣa ucyase
Sanskrit only: no published translation is held for this verse.
क्षीरोदः सागराणां च शैलानां हिमवान् गिरिः वर्णानां ब्राह्मणश् चासि विप्राणां दीक्षितो द्विजः आदिस् त्वम् असि लोकानां संहर्ता काल एव च
kṣīrodaḥ sāgarāṇāṃ ca śailānāṃ himavān giriḥ varṇānāṃ brāhmaṇaś cāsi viprāṇāṃ dīkṣito dvijaḥ ādis tvam asi lokānāṃ saṃhartā kāla eva ca
Sanskrit only: no published translation is held for this verse.
यच् चान्यद् अपि लोकेषु सत्त्वं तेजोधिकं स्मृतम् तत् सर्वं भगवान् एव इति मे निश्चिता मतिः
yac cānyad api lokeṣu sattvaṃ tejodhikaṃ smṛtam tat sarvaṃ bhagavān eva iti me niścitā matiḥ
Sanskrit only: no published translation is held for this verse.
नमस् ते भगवन् देव नमस् ते भक्तवत्सल योगेश्वर नमस् ते ऽस्तु नमस् ते विश्वसंभव
namas te bhagavan deva namas te bhaktavatsala yogeśvara namas te 'stu namas te viśvasaṃbhava
Sanskrit only: no published translation is held for this verse.
प्रसीद मम भक्तस्य दीनस्य कृपणस्य च अनैश्वर्येण युक्तस्य गतिर् भव सनातन
prasīda mama bhaktasya dīnasya kṛpaṇasya ca anaiśvaryeṇa yuktasya gatir bhava sanātana
Sanskrit only: no published translation is held for this verse.
यं चापराधं कृतवान् अज्ञानात् परमेश्वर मद्भक्त इति देवेश तत् सर्वं क्षन्तुम् अर्हसि
yaṃ cāparādhaṃ kṛtavān ajñānāt parameśvara madbhakta iti deveśa tat sarvaṃ kṣantum arhasi
Sanskrit only: no published translation is held for this verse.
मोहितश् चास्मि देवेश तुभ्यं रूपविपर्ययात् तेन नार्घ्यं मया दत्तं पाद्यं चापि सुरेश्वर
mohitaś cāsmi deveśa tubhyaṃ rūpaviparyayāt tena nārghyaṃ mayā dattaṃ pādyaṃ cāpi sureśvara
Sanskrit only: no published translation is held for this verse.
एवं स्तुत्वाहम् ईशानं पाद्यम् अर्घ्यं च भक्तितः कृताञ्जलिपुटो भूत्वा सर्वं तस्मै न्यवेदयम्
evaṃ stutvāham īśānaṃ pādyam arghyaṃ ca bhaktitaḥ kṛtāñjalipuṭo bhūtvā sarvaṃ tasmai nyavedayam
Sanskrit only: no published translation is held for this verse.
ततः शीताम्बुसंयुक्ता दिव्यगन्धसमन्विता पुष्पवृष्टिः शुभा तात पपात मम मूर्धनि
tataḥ śītāmbusaṃyuktā divyagandhasamanvitā puṣpavṛṣṭiḥ śubhā tāta papāta mama mūrdhani
Sanskrit only: no published translation is held for this verse.
दुन्दुभिश् च ततो दिव्यस् ताडितो देवकिंकरैः ववौ च मारुतः पुण्यः शुचिगन्धः सुखावहः
dundubhiś ca tato divyas tāḍito devakiṃkaraiḥ vavau ca mārutaḥ puṇyaḥ śucigandhaḥ sukhāvahaḥ
Sanskrit only: no published translation is held for this verse.
ततः प्रीतो महादेवः सपत्नीको वृषध्वजः अब्रवीत् त्रिदशांस् तत्र हर्षयन्न् इव मां तदा
tataḥ prīto mahādevaḥ sapatnīko vṛṣadhvajaḥ abravīt tridaśāṃs tatra harṣayann iva māṃ tadā
Sanskrit only: no published translation is held for this verse.
पश्यध्वं त्रिदशाः सर्वे उपमन्योर् महात्मनः मयि भक्तिं परां दिव्याम् एकभावाद् अवस्थिताम्
paśyadhvaṃ tridaśāḥ sarve upamanyor mahātmanaḥ mayi bhaktiṃ parāṃ divyām ekabhāvād avasthitām
Sanskrit only: no published translation is held for this verse.
एवम् उक्तास् ततः कृष्ण सुरास् ते शूलपाणिना ऊचुः प्राञ्जलयः सर्वे नमस्कृत्वा वृषध्वजम्
evam uktās tataḥ kṛṣṇa surās te śūlapāṇinā ūcuḥ prāñjalayaḥ sarve namaskṛtvā vṛṣadhvajam
Sanskrit only: no published translation is held for this verse.
भगवन् देवदेवेश लोकनाथ जगत्पते लभतां सर्वकामेभ्यः फलं त्वत्तो द्विजोत्तमः
bhagavan devadeveśa lokanātha jagatpate labhatāṃ sarvakāmebhyaḥ phalaṃ tvatto dvijottamaḥ
Sanskrit only: no published translation is held for this verse.
एवम् उक्तस् ततः शर्वः सुरैर् ब्रह्मादिभिस् तथा आह मां भगवान् ईशः प्रहसन्न् इव शंकरः
evam uktas tataḥ śarvaḥ surair brahmādibhis tathā āha māṃ bhagavān īśaḥ prahasann iva śaṃkaraḥ
Sanskrit only: no published translation is held for this verse.
वत्सोपमन्यो प्रीतो ऽस्मि पश्य मां मुनिपुंगव दृढभक्तो ऽसि विप्रर्षे मया जिज्ञासितो ह्य् असि
vatsopamanyo prīto 'smi paśya māṃ munipuṃgava dṛḍhabhakto 'si viprarṣe mayā jijñāsito hy asi
Sanskrit only: no published translation is held for this verse.
अनया चैव भक्त्या ते अत्यर्थं प्रीतिमान् अहम् तस्मात् सर्वान् ददाम्य् अद्य कामांस् तव यथेप्शितान्
anayā caiva bhaktyā te atyarthaṃ prītimān aham tasmāt sarvān dadāmy adya kāmāṃs tava yathepśitān
Sanskrit only: no published translation is held for this verse.
एवम् उक्तस्य चैवाथ महादेवेन मे विभो हर्षाद् अश्रूण्य् अवर्तन्त लोमहर्षश् च जायते
evam uktasya caivātha mahādevena me vibho harṣād aśrūṇy avartanta lomaharṣaś ca jāyate
Sanskrit only: no published translation is held for this verse.
अब्रुवं च तदा देवं हर्षगद्गदया गिरा जानुभ्याम् अवनिं गत्वा प्रणम्य च पुनः पुनः
abruvaṃ ca tadā devaṃ harṣagadgadayā girā jānubhyām avaniṃ gatvā praṇamya ca punaḥ punaḥ
Sanskrit only: no published translation is held for this verse.
अद्य जातो ह्य् अहं देव अद्य मे सफलं तपः यन् मे साक्षान् महादेवः प्रसन्नस् तिष्ठते ऽग्रतः
adya jāto hy ahaṃ deva adya me saphalaṃ tapaḥ yan me sākṣān mahādevaḥ prasannas tiṣṭhate 'grataḥ
Sanskrit only: no published translation is held for this verse.
यं न पश्यन्ति चाराध्य देवा ह्य् अमितविक्रमम् तम् अहं दृष्टवान् देवं को ऽन्यो धन्यतरो मया
yaṃ na paśyanti cārādhya devā hy amitavikramam tam ahaṃ dṛṣṭavān devaṃ ko 'nyo dhanyataro mayā
Sanskrit only: no published translation is held for this verse.
एवं ध्यायन्ति विद्वांसः परं तत्त्वं सनातनम् षड्विंशकम् इति ख्यातं यत् परात्परम् अक्षरम्
evaṃ dhyāyanti vidvāṃsaḥ paraṃ tattvaṃ sanātanam ṣaḍviṃśakam iti khyātaṃ yat parātparam akṣaram
Sanskrit only: no published translation is held for this verse.
स एष भगवान् देवः सर्वतत्त्वादिर् अव्ययः सर्वतत्त्वविधानज्ञः प्रधानपुरुषेश्वरः
sa eṣa bhagavān devaḥ sarvatattvādir avyayaḥ sarvatattvavidhānajñaḥ pradhānapuruṣeśvaraḥ
Sanskrit only: no published translation is held for this verse.
यो ऽसृजद् दक्षिणाद् अङ्गाद् ब्रह्माणं लोकसंभवम् वामपार्श्वात् तथा विष्णुं लोकरक्षार्थम् ईश्वरः युगान्ते चैव संप्राप्ते रुद्रम् अङ्गात् सृजत् प्रभुः
yo 'sṛjad dakṣiṇād aṅgād brahmāṇaṃ lokasaṃbhavam vāmapārśvāt tathā viṣṇuṃ lokarakṣārtham īśvaraḥ yugānte caiva saṃprāpte rudram aṅgāt sṛjat prabhuḥ
Sanskrit only: no published translation is held for this verse.
स रुद्रः संहरन् कृत्स्नं जगत् स्थावरजङ्गमम् कालो भूत्वा महातेजाः संवर्तक इवानलः
sa rudraḥ saṃharan kṛtsnaṃ jagat sthāvarajaṅgamam kālo bhūtvā mahātejāḥ saṃvartaka ivānalaḥ
Sanskrit only: no published translation is held for this verse.
एष देवो महादेवो जगत् सृष्ट्वा चराचरम् कल्पान्ते चैव सर्वेषां स्मृतिम् आक्षिप्य तिष्ठति
eṣa devo mahādevo jagat sṛṣṭvā carācaram kalpānte caiva sarveṣāṃ smṛtim ākṣipya tiṣṭhati
Sanskrit only: no published translation is held for this verse.
सर्वगः सर्वभूतात्मा सर्वभूतभवोद्भवः आस्ते सर्वगतो नित्यम् अदृश्यः सर्वदैवतैः
sarvagaḥ sarvabhūtātmā sarvabhūtabhavodbhavaḥ āste sarvagato nityam adṛśyaḥ sarvadaivataiḥ
Sanskrit only: no published translation is held for this verse.
यदि देयो वरो मह्यं यदि तुष्टश् च मे प्रभुः भक्तिर् भवतु मे नित्यं शाश्वती त्वयि शंकर
yadi deyo varo mahyaṃ yadi tuṣṭaś ca me prabhuḥ bhaktir bhavatu me nityaṃ śāśvatī tvayi śaṃkara
Sanskrit only: no published translation is held for this verse.
अतीतानागतं चैव वर्तमानं च यद् विभो जानीयाम् इति मे बुद्धिस् त्वत्प्रसादात् सुरोत्तम
atītānāgataṃ caiva vartamānaṃ ca yad vibho jānīyām iti me buddhis tvatprasādāt surottama
Sanskrit only: no published translation is held for this verse.
क्षीरोदनं च भुञ्जीयाम् अक्षयं सह बान्धवैः आश्रमे च सदा मह्यं सांनिध्यं परम् अस्तु ते
kṣīrodanaṃ ca bhuñjīyām akṣayaṃ saha bāndhavaiḥ āśrame ca sadā mahyaṃ sāṃnidhyaṃ param astu te
Sanskrit only: no published translation is held for this verse.
एवम् उक्तः स मां प्राह भगवांल् लोकपूजितः महेश्वरो महातेजाश् चराचरगुरुः प्रभुः
evam uktaḥ sa māṃ prāha bhagavāṃl lokapūjitaḥ maheśvaro mahātejāś carācaraguruḥ prabhuḥ
Sanskrit only: no published translation is held for this verse.
अजरश् चामरश् चैव भव दुःखविवर्जितः शीलवान् गुणसंपन्नः सर्वज्ञः प्रियदर्शनः
ajaraś cāmaraś caiva bhava duḥkhavivarjitaḥ śīlavān guṇasaṃpannaḥ sarvajñaḥ priyadarśanaḥ
Sanskrit only: no published translation is held for this verse.
अक्षयं यौवनं ते ऽस्तु तेजश् चैवानलोपमम् क्षीरोदः सागरश् चैव यत्र यत्रेच्छसे मुने
akṣayaṃ yauvanaṃ te 'stu tejaś caivānalopamam kṣīrodaḥ sāgaraś caiva yatra yatrecchase mune
Sanskrit only: no published translation is held for this verse.
तत्र ते भविता कामं सांनिध्यं पयसो निधेः क्षीरोदनं च भुङ्क्ष्व त्वम् अमृतेन समन्वितम्
tatra te bhavitā kāmaṃ sāṃnidhyaṃ payaso nidheḥ kṣīrodanaṃ ca bhuṅkṣva tvam amṛtena samanvitam
Sanskrit only: no published translation is held for this verse.
बन्धुभिः सहितः कल्पं ततो माम् उपयास्यसि सांनिध्यम् आश्रमे नित्यं करिष्यामि द्विजोत्तम
bandhubhiḥ sahitaḥ kalpaṃ tato mām upayāsyasi sāṃnidhyam āśrame nityaṃ kariṣyāmi dvijottama
Sanskrit only: no published translation is held for this verse.
तिष्ठ वत्स यथाकामं नोत्कण्ठां कर्तुम् अर्हसि स्मृतः स्मृतश् च ते विप्र सदा दास्यामि दर्शनम्
tiṣṭha vatsa yathākāmaṃ notkaṇṭhāṃ kartum arhasi smṛtaḥ smṛtaś ca te vipra sadā dāsyāmi darśanam
Sanskrit only: no published translation is held for this verse.
एवम् उक्त्वा स भगवान् सूर्यकोटिसमप्रभः ममेशानो वरं दत्त्वा तत्रैवान्तरधीयत
evam uktvā sa bhagavān sūryakoṭisamaprabhaḥ mameśāno varaṃ dattvā tatraivāntaradhīyata
Sanskrit only: no published translation is held for this verse.
एवं दृष्टो मया कृष्ण देवदेवः समाधिना तद् अवाप्तं च मे सर्वं यद् उक्तं तेन धीमता
evaṃ dṛṣṭo mayā kṛṣṇa devadevaḥ samādhinā tad avāptaṃ ca me sarvaṃ yad uktaṃ tena dhīmatā
Sanskrit only: no published translation is held for this verse.
प्रत्यक्षं चैव ते कृष्ण पश्य सिद्धान् व्यवस्थितान् ऋषीन् विद्याधरान् यक्षान् गन्धर्वाप्सरसस् तथा
pratyakṣaṃ caiva te kṛṣṇa paśya siddhān vyavasthitān ṛṣīn vidyādharān yakṣān gandharvāpsarasas tathā
Sanskrit only: no published translation is held for this verse.
पश्य वृक्षान् मनोरम्यान् सदा पुष्पफलान्वितान् सर्वर्तुकुसुमैर् युक्तान् स्निग्धपत्रान् सुशाखिनः सर्वम् एतन् महाबाहो दिव्यभावसमन्वितम्
paśya vṛkṣān manoramyān sadā puṣpaphalānvitān sarvartukusumair yuktān snigdhapatrān suśākhinaḥ sarvam etan mahābāho divyabhāvasamanvitam
Sanskrit only: no published translation is held for this verse.