Library·Mahābhārata (critical edition)·13·13.150
भीष्म उवाच कार्यते यच् च क्रियते सच् चासच् च कृतं ततः तत्राश्वसीत सत्कृत्वा असत्कृत्वा न विश्वसेत्
bhīṣma uvāca kāryate yac ca kriyate sac cāsac ca kṛtaṃ tataḥ tatrāśvasīta satkṛtvā asatkṛtvā na viśvaset
Sanskrit only: no published translation is held for this verse.
काल एवात्र कालेन निग्रहानुग्रहौ ददत् बुद्धिम् आविश्य भूतानां धर्मार्थेषु प्रवर्तते
kāla evātra kālena nigrahānugrahau dadat buddhim āviśya bhūtānāṃ dharmārtheṣu pravartate
Sanskrit only: no published translation is held for this verse.
यदा त्व् अस्य भवेद् बुद्धिर् धर्म्या चार्थप्रदर्शिनी तदाश्वसीत धर्मात्मादृढबुद्धिर् न विश्वसेत्
yadā tv asya bhaved buddhir dharmyā cārthapradarśinī tadāśvasīta dharmātmādṛḍhabuddhir na viśvaset
Sanskrit only: no published translation is held for this verse.
एतावन् मात्रम् एतद् धि भूतानां प्राज्ञलक्षणम् कालयुक्तो ऽप्य् उभयविच् छेषम् अर्थं समाचरेत्
etāvan mātram etad dhi bhūtānāṃ prājñalakṣaṇam kālayukto 'py ubhayavic cheṣam arthaṃ samācaret
Sanskrit only: no published translation is held for this verse.
यथा ह्य् उपस्थितैश्वर्याः पूजयन्ते नरा नरान् एवम् एवात्मनात्मानं पूजयन्तीह धार्मिकाः
yathā hy upasthitaiśvaryāḥ pūjayante narā narān evam evātmanātmānaṃ pūjayantīha dhārmikāḥ
Sanskrit only: no published translation is held for this verse.
न ह्य् अधर्मतया धर्मं दद्यात् कालः कथं चन तस्माद् विशुद्धम् आत्मानं जानीयाद् धर्मचारिणम्
na hy adharmatayā dharmaṃ dadyāt kālaḥ kathaṃ cana tasmād viśuddham ātmānaṃ jānīyād dharmacāriṇam
Sanskrit only: no published translation is held for this verse.
स्प्रष्टुम् अप्य् असमर्थो हि ज्वलन्तम् इव पावकम् अधर्मः सततो धर्मं कालेन परिरक्षितम्
spraṣṭum apy asamartho hi jvalantam iva pāvakam adharmaḥ satato dharmaṃ kālena parirakṣitam
Sanskrit only: no published translation is held for this verse.
कार्याव् एतौ हि कालेन धर्मो हि विजयावहः त्रयाणाम् अपि लोकानाम् आलोककरणो भवेत्
kāryāv etau hi kālena dharmo hi vijayāvahaḥ trayāṇām api lokānām ālokakaraṇo bhavet
Sanskrit only: no published translation is held for this verse.
तत्र कश् चिन् नयेत् प्राज्ञो गृहीत्वैव करे नरम् उह्यमानः स धर्मेण धर्मे बहुभयच्छले
tatra kaś cin nayet prājño gṛhītvaiva kare naram uhyamānaḥ sa dharmeṇa dharme bahubhayacchale
Sanskrit only: no published translation is held for this verse.