Mahābhārata (critical edition) 13.25

युधिष्ठिर उवाच इदं मे तत्त्वतो राजन् वक्तुम् अर्हसि भारत अहिंसयित्वा केनेह ब्रह्महत्या विधीयते

yudhiṣṭhira uvāca idaṃ me tattvato rājan vaktum arhasi bhārata ahiṃsayitvā keneha brahmahatyā vidhīyate

Sanskrit only: no published translation is held for this verse.

भीष्म उवाच व्यासम् आमन्त्र्य राजेन्द्र पुरा यत् पृष्टवान् अहम् तत् ते ऽहं संप्रवक्ष्यामि तद् इहैकमनाः शृणु

bhīṣma uvāca vyāsam āmantrya rājendra purā yat pṛṣṭavān aham tat te 'haṃ saṃpravakṣyāmi tad ihaikamanāḥ śṛṇu

Sanskrit only: no published translation is held for this verse.

चतुर्थस् त्वं वसिष्ठस्य तत्त्वम् आख्याहि मे मुने अहिंसयित्वा केनेह ब्रह्महत्या विधीयते

caturthas tvaṃ vasiṣṭhasya tattvam ākhyāhi me mune ahiṃsayitvā keneha brahmahatyā vidhīyate

Sanskrit only: no published translation is held for this verse.

इति पृष्टो महाराज पराशरशरीरजः अब्रवीन् निपुणो धर्मे निःसंशयम् अनुत्तमम्

iti pṛṣṭo mahārāja parāśaraśarīrajaḥ abravīn nipuṇo dharme niḥsaṃśayam anuttamam

Sanskrit only: no published translation is held for this verse.

ब्राह्मणं स्वयम् आहूय भिक्षार्थे कृशवृत्तिनम् ब्रूयान् नास्तीति यः पश्चात् तं विद्याद् ब्रह्मघातिनम्

brāhmaṇaṃ svayam āhūya bhikṣārthe kṛśavṛttinam brūyān nāstīti yaḥ paścāt taṃ vidyād brahmaghātinam

Sanskrit only: no published translation is held for this verse.

मध्यस्थस्येह विप्रस्य यो ऽनूचानस्य भारत वृत्तिं हरति दुर्बुद्धिस् तं विद्याद् ब्रह्मघातिनम्

madhyasthasyeha viprasya yo 'nūcānasya bhārata vṛttiṃ harati durbuddhis taṃ vidyād brahmaghātinam

Sanskrit only: no published translation is held for this verse.

गोकुलस्य तृषार्तस्य जलार्थे वसुधाधिप उत्पादयति यो विघ्नं तं विद्याद् ब्रह्मघातिनम्

gokulasya tṛṣārtasya jalārthe vasudhādhipa utpādayati yo vighnaṃ taṃ vidyād brahmaghātinam

Sanskrit only: no published translation is held for this verse.

यः प्रवृत्तां श्रुतिं सम्यक् शास्त्रं वा मुनिभिः कृतम् दूषयत्य् अनभिज्ञाय तं विद्याद् ब्रह्मघातिनम्

yaḥ pravṛttāṃ śrutiṃ samyak śāstraṃ vā munibhiḥ kṛtam dūṣayaty anabhijñāya taṃ vidyād brahmaghātinam

Sanskrit only: no published translation is held for this verse.

आत्मजां रूपसंपन्नां महतीं सदृशे वरे न प्रयच्छति यः कन्यां तं विद्याद् ब्रह्मघातिनम्

ātmajāṃ rūpasaṃpannāṃ mahatīṃ sadṛśe vare na prayacchati yaḥ kanyāṃ taṃ vidyād brahmaghātinam

Sanskrit only: no published translation is held for this verse.

अधर्मनिरतो मूढो मिथ्या यो वै द्विजातिषु दद्यान् मर्मातिगं शोकं तं विद्याद् ब्रह्मघातिनम्

adharmanirato mūḍho mithyā yo vai dvijātiṣu dadyān marmātigaṃ śokaṃ taṃ vidyād brahmaghātinam

Sanskrit only: no published translation is held for this verse.

चक्षुषा विप्रहीनस्य पङ्गुलस्य जडस्य वा हरेत यो वै सर्वस्वं तं विद्याद् ब्रह्मघातिनम्

cakṣuṣā viprahīnasya paṅgulasya jaḍasya vā hareta yo vai sarvasvaṃ taṃ vidyād brahmaghātinam

Sanskrit only: no published translation is held for this verse.

आश्रमे वा वने वा यो ग्रामे वा यदि वा पुरे अग्निं समुत्सृजेन् मोहात् तं विद्याद् ब्रह्मघातिनम्

āśrame vā vane vā yo grāme vā yadi vā pure agniṃ samutsṛjen mohāt taṃ vidyād brahmaghātinam

Sanskrit only: no published translation is held for this verse.