Mahābhārata (critical edition) 13.39

युधिष्ठिर उवाच इमे वै मानवा लोके स्त्रीषु सज्जन्त्य् अभीक्ष्णशः मोहेन परम् आविष्टा दैवादिष्टेन पार्थिव स्त्रियश् च पुरुषेष्व् एव प्रत्यक्षं लोकसाक्षिकम्

yudhiṣṭhira uvāca ime vai mānavā loke strīṣu sajjanty abhīkṣṇaśaḥ mohena param āviṣṭā daivādiṣṭena pārthiva striyaś ca puruṣeṣv eva pratyakṣaṃ lokasākṣikam

Sanskrit only: no published translation is held for this verse.

अत्र मे संशयस् तीव्रो हृदि संपरिवर्तते कथम् आसां नराः सङ्गं कुर्वते कुरुनन्दन स्त्रियो वा तेषु रज्यन्ते विरज्यन्ते ऽथ वा पुनः

atra me saṃśayas tīvro hṛdi saṃparivartate katham āsāṃ narāḥ saṅgaṃ kurvate kurunandana striyo vā teṣu rajyante virajyante 'tha vā punaḥ

Sanskrit only: no published translation is held for this verse.

इति ताः पुरुषव्याघ्र कथं शक्याः स्म रक्षितुम् प्रमदाः पुरुषेणेह तन् मे व्याख्यातुम् अर्हसि

iti tāḥ puruṣavyāghra kathaṃ śakyāḥ sma rakṣitum pramadāḥ puruṣeṇeha tan me vyākhyātum arhasi

Sanskrit only: no published translation is held for this verse.

एता हि मयमायाभिर् वञ्चयन्तीह मानवान् न चासां मुच्यते कश् चित् पुरुषो हस्तम् आगतः गावो नवतृणानीव गृह्णन्त्य् एव नवान् नवान्

etā hi mayamāyābhir vañcayantīha mānavān na cāsāṃ mucyate kaś cit puruṣo hastam āgataḥ gāvo navatṛṇānīva gṛhṇanty eva navān navān

Sanskrit only: no published translation is held for this verse.

शम्बरस्य च या माया या माया नमुचेर् अपि बलेः कुम्भीनसेश् चैव सर्वास् ता योषितो विदुः

śambarasya ca yā māyā yā māyā namucer api baleḥ kumbhīnaseś caiva sarvās tā yoṣito viduḥ

Sanskrit only: no published translation is held for this verse.

हसन्तं प्रहसन्त्य् एता रुदन्तं प्ररुदन्ति च अप्रियं प्रियवाक्यैश् च गृह्णते कालयोगतः

hasantaṃ prahasanty etā rudantaṃ prarudanti ca apriyaṃ priyavākyaiś ca gṛhṇate kālayogataḥ

Sanskrit only: no published translation is held for this verse.

उशना वेद यच् छास्त्रं यच् च वेद बृहस्पतिः स्त्रीबुद्ध्या न विशिष्येते ताः स्म रक्ष्याः कथं नरैः

uśanā veda yac chāstraṃ yac ca veda bṛhaspatiḥ strībuddhyā na viśiṣyete tāḥ sma rakṣyāḥ kathaṃ naraiḥ

Sanskrit only: no published translation is held for this verse.

अनृतं सत्यम् इत्य् आहुः सत्यं चापि तथानृतम् इति यास् ताः कथं वीर संरक्ष्याः पुरुषैर् इह

anṛtaṃ satyam ity āhuḥ satyaṃ cāpi tathānṛtam iti yās tāḥ kathaṃ vīra saṃrakṣyāḥ puruṣair iha

Sanskrit only: no published translation is held for this verse.

स्त्रीणां बुद्ध्युपनिष्कर्षाद् अर्थशास्त्राणि शत्रुहन् बृहस्पतिप्रभृतिभिर् मन्ये सद्भिः कृतानि वै

strīṇāṃ buddhyupaniṣkarṣād arthaśāstrāṇi śatruhan bṛhaspatiprabhṛtibhir manye sadbhiḥ kṛtāni vai

Sanskrit only: no published translation is held for this verse.

संपूज्यमानाः पुरुषैर् विकुर्वन्ति मनो नृषु अपास्ताश् च तथा राजन् विकुर्वन्ति मनः स्त्रियः

saṃpūjyamānāḥ puruṣair vikurvanti mano nṛṣu apāstāś ca tathā rājan vikurvanti manaḥ striyaḥ

Sanskrit only: no published translation is held for this verse.

कस् ताः शक्तो रक्षितुं स्याद् इति मे संशयो महान् तन् मे ब्रूहि महाबाहो कुरूणां वंशवर्धन

kas tāḥ śakto rakṣituṃ syād iti me saṃśayo mahān tan me brūhi mahābāho kurūṇāṃ vaṃśavardhana

Sanskrit only: no published translation is held for this verse.

यदि शक्या कुरुश्रेष्ठ रक्षा तासां कथं चन कर्तुं वा कृतपूर्वा वा तन् मे व्याख्यातुम् अर्हसि

yadi śakyā kuruśreṣṭha rakṣā tāsāṃ kathaṃ cana kartuṃ vā kṛtapūrvā vā tan me vyākhyātum arhasi

Sanskrit only: no published translation is held for this verse.