Library·Mahābhārata (critical edition)·13·13.71
युधिष्ठिर उवाच उक्तं वै गोप्रदानं ते नाचिकेतम् ऋषिं प्रति माहात्म्यम् अपि चैवोक्तम् उद्देशेन गवां प्रभो
yudhiṣṭhira uvāca uktaṃ vai gopradānaṃ te nāciketam ṛṣiṃ prati māhātmyam api caivoktam uddeśena gavāṃ prabho
Sanskrit only: no published translation is held for this verse.
नृगेण च यथा दुःखम् अनुभूतं महात्मना एकापराधाद् अज्ञानात् पितामह महामते
nṛgeṇa ca yathā duḥkham anubhūtaṃ mahātmanā ekāparādhād ajñānāt pitāmaha mahāmate
Sanskrit only: no published translation is held for this verse.
द्वारवत्यां यथा चासौ निविशन्त्यां समुद्धृतः मोक्षहेतुर् अभूत् कृष्णस् तद् अप्य् अवधृतं मया
dvāravatyāṃ yathā cāsau niviśantyāṃ samuddhṛtaḥ mokṣahetur abhūt kṛṣṇas tad apy avadhṛtaṃ mayā
Sanskrit only: no published translation is held for this verse.
किं त्व् अस्ति मम संदेहो गवां लोकं प्रति प्रभो तत्त्वतः श्रोतुम् इच्छामि गोदा यत्र विशन्त्य् उत
kiṃ tv asti mama saṃdeho gavāṃ lokaṃ prati prabho tattvataḥ śrotum icchāmi godā yatra viśanty uta
Sanskrit only: no published translation is held for this verse.
भीष्म उवाच अत्राप्य् उदाहरन्तीमम् इतिहासं पुरातनम् यथापृच्छत् पद्मयोनिम् एतद् एव शतक्रतुः
bhīṣma uvāca atrāpy udāharantīmam itihāsaṃ purātanam yathāpṛcchat padmayonim etad eva śatakratuḥ
Sanskrit only: no published translation is held for this verse.
शक्र उवाच स्वर्लोकवासिनां लक्ष्मीम् अभिभूय स्वया त्विषा गोलोकवासिनः पश्ये व्रजतः संशयो ऽत्र मे
śakra uvāca svarlokavāsināṃ lakṣmīm abhibhūya svayā tviṣā golokavāsinaḥ paśye vrajataḥ saṃśayo 'tra me
Sanskrit only: no published translation is held for this verse.
कीदृशा भगवंल् लोका गवां तद् ब्रूहि मे ऽनघ यान् आवसन्ति दातार एतद् इच्छामि वेदितुम्
kīdṛśā bhagavaṃl lokā gavāṃ tad brūhi me 'nagha yān āvasanti dātāra etad icchāmi veditum
Sanskrit only: no published translation is held for this verse.
कीदृशाः किंफलाः कः स्वित् परमस् तत्र वै गुणः कथं च पुरुषास् तत्र गच्छन्ति विगतज्वराः
kīdṛśāḥ kiṃphalāḥ kaḥ svit paramas tatra vai guṇaḥ kathaṃ ca puruṣās tatra gacchanti vigatajvarāḥ
Sanskrit only: no published translation is held for this verse.
कियत् कालं प्रदानस्य दाता च फलम् अश्नुते कथं बहुविधं दानं स्याद् अल्पम् अपि वा कथम्
kiyat kālaṃ pradānasya dātā ca phalam aśnute kathaṃ bahuvidhaṃ dānaṃ syād alpam api vā katham
Sanskrit only: no published translation is held for this verse.
बह्वीनां कीदृशं दानम् अल्पानां वापि कीदृशम् अदत्त्वा गोप्रदाः सन्ति केन वा तच् च शंस मे
bahvīnāṃ kīdṛśaṃ dānam alpānāṃ vāpi kīdṛśam adattvā gopradāḥ santi kena vā tac ca śaṃsa me
Sanskrit only: no published translation is held for this verse.
कथं च बहुदाता स्याद् अल्पदात्रा समः प्रभो अल्पप्रदाता बहुदः कथं च स्याद् इहेश्वर
kathaṃ ca bahudātā syād alpadātrā samaḥ prabho alpapradātā bahudaḥ kathaṃ ca syād iheśvara
Sanskrit only: no published translation is held for this verse.
कीदृशी दक्षिणा चैव गोप्रदाने विशिष्यते एतत् तथ्येन भगवन् मम शंसितुम् अर्हसि
kīdṛśī dakṣiṇā caiva gopradāne viśiṣyate etat tathyena bhagavan mama śaṃsitum arhasi
Sanskrit only: no published translation is held for this verse.