Mahābhārata (critical edition) 14.33

ब्राह्मण उवाच नाहं तथा भीरु चरामि लोके; तथा त्वं मां तर्कयसे स्वबुद्ध्या विप्रो ऽस्मि मुक्तो ऽस्मि वनेचरो ऽस्मि; गृहस्थधर्मा ब्रह्मचारी तथास्मि

brāhmaṇa uvāca nāhaṃ tathā bhīru carāmi loke; tathā tvaṃ māṃ tarkayase svabuddhyā vipro 'smi mukto 'smi vanecaro 'smi; gṛhasthadharmā brahmacārī tathāsmi

Sanskrit only: no published translation is held for this verse.

नाहम् अस्मि यथा मां त्वं पश्यसे चक्षुषा शुभे मया व्याप्तम् इदं सर्वं यत् किं चिज् जगतीगतम्

nāham asmi yathā māṃ tvaṃ paśyase cakṣuṣā śubhe mayā vyāptam idaṃ sarvaṃ yat kiṃ cij jagatīgatam

Sanskrit only: no published translation is held for this verse.

ये के चिज् जन्तवो लोके जङ्गमाः स्थावराश् च ह तेषां माम् अन्तकं विद्धि दारूणाम् इव पावकम्

ye ke cij jantavo loke jaṅgamāḥ sthāvarāś ca ha teṣāṃ mām antakaṃ viddhi dārūṇām iva pāvakam

Sanskrit only: no published translation is held for this verse.

राज्यं पृथिव्यां सर्वस्याम् अथ वापि त्रिविष्टपे तथा बुद्धिर् इयं वेत्ति बुद्धिर् एव धनं मम

rājyaṃ pṛthivyāṃ sarvasyām atha vāpi triviṣṭape tathā buddhir iyaṃ vetti buddhir eva dhanaṃ mama

Sanskrit only: no published translation is held for this verse.

एकः पन्था ब्राह्मणानां येन गच्छन्ति तद्विदः गृहेषु वनवासेषु गुरुवासेषु भिक्षुषु लिङ्गैर् बहुभिर् अव्यग्रैर् एका बुद्धिर् उपास्यते

ekaḥ panthā brāhmaṇānāṃ yena gacchanti tadvidaḥ gṛheṣu vanavāseṣu guruvāseṣu bhikṣuṣu liṅgair bahubhir avyagrair ekā buddhir upāsyate

Sanskrit only: no published translation is held for this verse.

नानालिङ्गाश्रमस्थानां येषां बुद्धिः शमात्मिका ते भावम् एकम् आयान्ति सरितः सागरं यथा

nānāliṅgāśramasthānāṃ yeṣāṃ buddhiḥ śamātmikā te bhāvam ekam āyānti saritaḥ sāgaraṃ yathā

Sanskrit only: no published translation is held for this verse.

बुद्ध्यायं गम्यते मार्गः शरीरेण न गम्यते आद्यन्तवन्ति कर्माणि शरीरं कर्मबन्धनम्

buddhyāyaṃ gamyate mārgaḥ śarīreṇa na gamyate ādyantavanti karmāṇi śarīraṃ karmabandhanam

Sanskrit only: no published translation is held for this verse.

तस्मात् ते सुभगे नास्ति परलोककृतं भयम् मद्भावभावनिरता ममैवात्मानम् एष्यसि

tasmāt te subhage nāsti paralokakṛtaṃ bhayam madbhāvabhāvaniratā mamaivātmānam eṣyasi

Sanskrit only: no published translation is held for this verse.